Մարգարիտ Ալեքսանյան
- Վիքիպեդիայում կան հոդվածներ Ալեքսանյան ազգանունով այլ մարդկանց մասին։
Մարգարիտ Ալեքսանյան | |
|---|---|
| Ծնվել է | դեկտեմբերի 12, 1838 |
| Ծննդավայր | Շուշի, Ռուսական կայսրություն |
| Վախճանվել է | մարտի 27, 1902 (63 տարեկան) |
| Մասնագիտություն | գրող և գեղագիր |
| Ազգություն | հայ |
Մարգարիտ Ալեքսանյան (դեկտեմբերի 12, 1838, Շուշի, Ռուսական կայսրություն - մարտի 27, 1902), հայ գեղագիր։
Կենսագրություն
[խմբագրել | խմբագրել կոդը]Ծնվել է Շուշի քաղաքում։ Նախնական կրթությունը ստացել Աքեր Եղիզաբեթի դպրոցում։ Փոքր հասակից սիրել է ասեղնագործությունը։ Հետագայում ամբողջովին նվիրվել է գեղագրության։ Պատրաստել է գեղագրության մի տետրակ, ցանկացել տպագրել Վենետիկում, սակայն նյութական դժվարությունների պատճառով չի կարողացել գլուխ բերել, չնայած Մխիթարյաններն այն համարել են «գործ զարմանահրաշ»։ 1880-ականների սկզբներից ձեռնարկել է երկար տարիներ իր միտքը զբաղեցնող գործը. մի քանի տարվա քրտնաջան աշխատանքով, սքանչելի ձեռագրով արտագրել է մի ավետարան, ավարտել 1886 թվականին, նվիրել Էջմիածնին։ Ծանր ու հոգեմաշ աշխատանքի ընթացքում վնասել է աչքերը։ Բժիշկներն արգելել են գրել, սակայն շարունակել է իր սիրած գործը, արտագրել մի երկրորդ օրինակ։ 1868 թվականին Շուշիում լույս է տեսել նրա «Հայկական գեղագրություն» աշխատությունը[1]։
1898 թ.-ին մեկնել է Տփղիս՝ աչքերը բուժելու։ Մահացել է 1902 թ. մարտ 27-ին՝ Շուշի վերադառնալիս: Կաթողիկոսը մեծաշուք հուղարկավորություն է կազմակերպել։[2]
Արտաքին հղումներ
[խմբագրել | խմբագրել կոդը]Աղբյուրներ
[խմբագրել | խմբագրել կոդը]- ↑ Գառնիկ Ստեփանյան (1973). Կենսագրական բառարան (հայ մշակույթի գործիչների). Երևան: «Հայաստան» հրատարակչություն. էջ 48.
- ↑ Զ, Սարեան (1988 թ. մայիսի 10). «Գեղագրուհի Մարգարիտ Ալեքսանեան կամ կանացի անյողդողդ կամքը» (PDF). «Յառաջ» օրաթերթ: էջ 3.
 |
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |