Մարատ Հալաջյան

Մարատ Հալաջյան
Ծնվել է	դեկտեմբերի 27, 1920
Ծննդավայր	Երևան, Հայկական ԽՍՀ
Մահացել է	մայիսի 26, 1971 (50 տարեկան)
Մահվան վայր	Երևան, Հայկական ԽՍՀ, ԽՍՀՄ
Կրթություն	ԵԹԿՊԻ
Քաղաքացիություն	ԽՍՀՄ
Մասնագիտություն	հաղորդավար, հաղորդավար և դերասան
Աշխատավայր	Արտաշատի Ամո Խարազյանի անվան պետական թատրոն
Պարգևներ և մրցանակներ	; և

Մարատ Հալաջյան (դեկտեմբերի 27, 1920(1920-12-27), Երևան, Հայկական ԽՍՀ - մայիսի 26, 1971(1971-05-26), Երևան, Հայկական ԽՍՀ, ԽՍՀՄ^[1]), հայ հաղորդավար, ՀԽՍՀ վաստակավոր արտիստ, Հայաստանի ռադիոյի և հեռուստատեսության պետական կոմիտեի հաղորդավար, ԽՍՀՄ Ժուռնալիստների միության և Հայաստանի թատերական ընկերության անդամ։

Կենսագրություն

Ծնվել է 1920 թվականի դեկտեմբերի 30-ին Երևանում։ 1940 թվականին ավարտել է Երևանի թատերական ստուդիա-ինստիտուտը, այնուհետև նշանակվել է Արտաշատի դրամատիկական թատրոնի դերասան։

1941 թվականին, երբ սկսվում են Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) գործողությունները, կամավոր մեկնում է առաջնագիծ։ Լենինգրադի մատույցներում բլոկադայի ժամանակ Հալաջյանը ղեկավարել է սակրավորների ջոկատը։ 1942 թվականի հոկտեմբերի 30–ին, նա ծանր վիրավորվում է և փշրված մարմնով 1943 թվականի ապրիլին տուն վերադարձել^[2]։

Կինոստուդիայում կարճ ժամանակ աշխատելուց հետո, դերասան Հրաչյա Ներսիսյանի խորհրդով, 1945 թվականին ընդունվում է Հայաստանի Հեռուստատեսության և Ռադիոյի պետական կոմիտե, որպես հաղորդավար, խմբագիր։

Հանդիսացել է բազում փաստագրական և հայերեն կրկնօրինակված ֆիլմերի հաղորդավար («Սայաթ-Նովա», «Շիրակի մեղեդիները», «Պոեմ Հերոսական») և այլ ֆիլմերում։ Մարատ Հալաջյանը եղել է ռադիո և հեռուստատեսության ռեժիսորների նախապատվելի հաղորդավարներից։ Նրան են հանձնարարվել կարդալու ամենաբարդ և պատասխանատու նյութերը, կառավարական կարևորագույն հաղորդագրությունները, տոնական օրերի ռեպորտաժները, գեղարվեստական գործերը։

Եղել է թատերական միության անդամ, ԽՍՀՄ ժուռնալիստների միության անդամ (1969), նրա նովելներն ու պատմվածքները տպագրվել են ինչպես հանրապետական, այնպես էլ միութենական թերթերում։

Վախճանվել է Երևանում 1971 թվականի մայիսին 26-ին կյանքի 51-րդ տարում։

Պարգևներ, մրցանակներ

Որպես բարձր կարգի ավագ հաղորդավար արժանացել է հանրապետության մշակույթի նախարարության, համամիութենական ռադիոյի պատվոգրերին, իսկ Հայկական ԽՍՀ Գերագույն խորհրդի 1967 թվականի մայիսի 5–ի հատուկ հրամանագրով արժանացել է հանրապետության վաստակավոր արտիստի պատվավոր կոչման։ Պարգևատրվել է «Կարմիր Աստղ» շքանշանով (1946), մեդալներով, պատվոգրերով։

Հաղորդումներ և ֆիլմեր

Ծանոթագրություններ

↑ ՀԽՍՀ ՎԱՍՏԱԿԱՎՈՐ ԱՐՏԻՍՏ ՄԱՐԱՏ ՀԱԼԱՋՅԱՆԻ ՀԻՇԱՏԱԿԸ ՀԱՎԵՐԺԱՑՆՈՂ ՀՈՒՇԱՏԱԽՏԱԿԻ ՏԵՂԱԴՐՄԱՆ ՄԱՍԻՆ
↑ «Аладжян Марат Минасович 1920г.р.Приказ(указ) о награждении и сопроводительные документы к нему». Արխիվացված է օրիգինալից 2012 թ․ մարտի 13-ին. Վերցված է 2016 թ․ հուլիսի 20-ին.

[1] ՀԽՍՀ ՎԱՍՏԱԿԱՎՈՐ ԱՐՏԻՍՏ ՄԱՐԱՏ ՀԱԼԱՋՅԱՆԻ ՀԻՇԱՏԱԿԸ ՀԱՎԵՐԺԱՑՆՈՂ ՀՈՒՇԱՏԱԽՏԱԿԻ ՏԵՂԱԴՐՄԱՆ ՄԱՍԻՆ

[2] «Аладжян Марат Минасович 1920г.р.Приказ(указ) о награждении и сопроводительные документы к нему». Արխիվացված է օրիգինալից 2012 թ․ մարտի 13-ին. Վերցված է 2016 թ․ հուլիսի 20-ին.

[1]

[2]