Մասնակից:User-deleted-0/Ավազարկղ

Վիքիպեդիայից՝ ազատ հանրագիտարանից
Jump to navigation Jump to search

Ծրագրավորման լեզուներում տիպերի համակարգը կանոնների մի հավաքածու է, որոնք տիպ կոչվող հատկությունը կապում են համակարգչային ծրագրի այնպիսի բաղկացուցիչ մասերին, ինչպիսիք են փոփոխականները, արտահայտությունները, ֆունկցիաները կամ մոդուլները։[1] Տիպերի համակարգի հիմնական նպատակը ծրագրի անճշտությունների քանակի կրճատումն է՝ ծրագրի տարբեր մասերի միջև ինտերֆեյսներ սահմանելով, ապա ստուգելով, որ այդ մասերը իրար են կապված պետք եղածին պես։ Այդ ստուգումը կարող է կատարվել ստատիկ (կոմպիլյացիայի ժամանակ), դինամիկ (կատարման ժամանակ), ինչպես նաև ստատիկ և դինամիկ եղանակների համակցմամբ։ Տիպերի համակարգերն ունեն այլ նպատակներ էլ, ինչպիսիք են կոմպիլյատորին օպտիմիզացիայի հնարավորություններ ընձեռնելը, մուլտիմեթոդների կազմակերպումը, նկարագրությունների տրամադրումը և այլն։

Տիպերի համակարգը տիպ է համապատասխանեցնում ամեն մի հաշվարկված արժեքի և, այդ արժեքների հաշվարկման ճանապարհը վերլուծելով, ձգտում է հավաստիանալ կամ ապացուցել, որ տիպերի անհամապատասխանություներ չեն կարող հանդիպել։ Յուրաքանչյուր տիպերի համմակարգում առանձին սահմանվում է, թե ինչ է նշանակում տիպերի անհամապատասխանության սխալ, իսկ ընդհանրապես դրա նպատակն է արգելել գործողություններին տալ այնպիսի արժեքներ, որոնց համար այդ գործողություններն իմաստ չունեն։ Տիպերի համակարգերը սովորաբար սահմանվում են որպես ծրագրավորման լեզվի մաս, և ներդրված են ինտերպրետատորի կամ կոմպիլյատորի մեջ։ Սակայն լեզվի տիպերի համակարգը կարող է ընդլայնվել ոչ֊պարտադիր գործիքներով, որոնք լրացուցիչ ստուգումներ են կատարում՝ օգտագործելով լեզվի սկզբնական տիպերի շարահյուսությունն ու քերականությունը։

Օգտագործումը[խմբագրել | խմբագրել կոդը]

Որպես օրինակ կարելի է դիտարկել C լեզվի տիպերի համակարգը։ C ծրագրի բաղադրիչները (մասերը) ֆունկցիաների սահմանումներն են։ Մի ֆունկցիան կանչվում է մյուսի կողմից։ Ֆունկցիայի ինտերֆեյսը բաղկացած է նրա անունից և ֆունկցիայի մարմնին փոխանցվող արժեքների ցուցակից։

Հղումներ[խմբագրել | խմբագրել կոդը]

  1. Pierce, 2002, էջ 1