Մասնակից:Gevorg Ghazaryan/Սպադա պատկերասրահ
Սպադա պատկերասրահ իտալ.՝ Galleria Spada | |
---|---|
Երկիր | Իտալիա |
Քաղաք | Հռոմ |
Հիմնադիր | Բերնադինո Սպադա |
Հիմնադրման թվական | 1927 |
Սպադա պատկերասրահ (իտալ.՝ Galleria Spada), պատկերասրահ Հռոմում գտնվող Պալացցո Սպադայում, որը կառուցվել է 16-րդ դարի կեսին Բարտոլոմեո Բարոնիո ճարտարապետի կողմից կարդինալ Ջակոմո Կապոդիֆերոյի համար: Շենքը զարդարված է ճակատին և լոջաներում Ջուլիո Մացոնիի գեղեցիկ աշխատանքի գիպսերով[1]։
Պատմություն[խմբագրել | խմբագրել կոդը]
Գնվել է 1632 թվականից Բերնադինո Սպադա կարդինալի կողմից, որից հետո շենքը ընդլայնվել է և վերականգնվել: Աշխատանքների ընթացքում կառուցվել է 17-րդ դարի թևը և բացվել է Բորրոմինիի hայտնի հեռանկարային պատկերասրահը (1652-1653): Օպտիկական հնարքների օգնությամբ 8 մետր տարածությունը ներկայացվում է 35 մետր երկարությամբ: Հեռանկարն ազդել է այցելուի վրա և ստիպել հավատալ զգացմունքների խաբեությանը և երկրային ձևերի պատրանքին[2]:
Պատկերասրահը, որը գտնվում է բելետաժում, ներկայացնում է կարդինալի գեղարվեստական նախասիրությունները: Այդ առաջին միջուկին ավելի ուշ ավելացել են ընտանիքի մյուս անդամների՝ Վիրջինիո և Օրացիո, ինչպես նաև 17-րդ դարի վերջին Բերնարդինոյի ծոռի՝ Ֆիլիպպո Սպադաների հավելումները։
Պատկերասրահը, որը բացվել է 1951 թվականին, Երկրորդ համաշխարհային պատերազմի ժամանակ ցրված հավաքածուի վերաստեղծման քրտնաջան աշխատանքից հետո, զբաղեցնում է չորս մեծ դահլիճներ, որոնք նկարված են որմնանկարներով, որոնք իրենց մեջ ներառում են նաև պարագաներ, անտիկ և ժամանակակից կահույք։ Հավաքածուի կազմակերպումը լավ փոխանցում է 17-րդ դարի մասնավոր հավաքածուների բնորոշ տեսքը, որտեղ նկարները տեղակայված են պատերի երկայնքով հետևողական շարքերում: Հավաքածուն ներառում է 17-րդ դարի այնպիսի վարպետների գեղանկարչության կարևոր գործեր, ինչպիսիք են Ռենին, Գվերչինոն, Կարաչին, Դոմենիկինոն, Սոլիմենան, Պրետին և Ջենտիլեսկին, բացի այդ, հյուսիսային դպրոցի և Տիցիանի արժեքավոր աշխատանքները (Պիտեր վան Լար և Վալենտին): Իրերի թվում առանձնանում են Մուրանոյի ապակուց պատրաստված երկու գեղեցիկ ջահեր և հոլանդացի քարտեզագիր Գուլելմո Բլոյի գլոբուսները։
Պատկերասրահ[խմբագրել | խմբագրել կոդը]
-
Գվիդո Ռենի, Կարդինալ Բերնարդինո Սպադայի դիմանկար
-
Արտեմիզիա Ջենտիլեսկի, Վիրջինիոն երեխայի հետ
-
Ֆրանչեսկո Պարմիջանինո, Երեք գլուխ
-
Տիցիան, Երաժշտի դիմանկար
-
Բաուգին Լուբին
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ Autori vari, "Guida alla Galleria Spada". In Gebart s.r.l. 1998
- ↑ «Sala I - Camerini Spada». Beniculturali.i. 2009-02-02. Վերցված է 2014-01-15-ին.
Կատեգորիա:Հռոմի թանգարաններ Կատեգորիա:Հռոմի պալատներ Կատեգորիա:Իտալիայի ազգային թանգարաններ Կատեգորիա:Հռոմի պատկերասրահներ Կատեգորիա:Իտալիայի պատկերասրահներ