Մասնակից:Eliza Aydinyan/Ավազարկղ
Eliza Aydinyan/Ավազարկղ | |
---|---|
Ծանոթագրություններ |
Բեատրիչեի ողջույնը (անգլ.՝ The Salutation of Beatrice), անգլիացի պրեռաֆայելիտ նկարիչ Դանթե Գաբրիել Ռոսսետտիի նկարը, որը ստեղծվել է 1869 թվականին: Պատկերը կապված չէ Ռոսսետտիի նույնանուն գործերի հետ, որոնք ստեղծվել են 1859 և 1880 թվականներին[1]: 1872 թվականինին Ռոսսետտին ստեղծել է այս նկարի փոքրացված կրկնօրինակը ջրաներկով, հիմնական տարբերություններից է նաև հերոսուհու հագած կապույտ զգեստը[2]:
Բեատրիչեի կերպարի բնորդուհին եղել է Ջեյն Մորիսը: Նկարի սյուժեն վերցված է Դանթե Ալիգիերիի «Նոր կյանք» բանաստեղծությունից, որտեղ Դանթեն առաջին անգամ հանդիպում է Բեատրիչեին[1][3]: Իր կնոջ՝ Էլիզաբեթ Սիդալի մահից հետո, որը Ռոսսետիի կողմից նույնպես պատկերված է նաև Բեատրիչեի կերպարում, նկարիչն ամուսնացած Ջեյն Մորիսի հանդեպ իր զգացմունքները նմանեցնում է Դանթեի և Բեատրիչեի պատմությանը: Կտավի վերևի ձախ հատվածի տեքստը վերցված է Ալիգիերիի սոնետից (26-րդ հատվածից՝ սկսած Tanto gentile e tanto onesta pare [Նա այնքան ազնիվ, այնքան համեստ է լինում...])[1][3]:
Նկարը Քրիստիս աճուրդում ներկայացվել է 2012 թվականի մայիսի 31-ին[3][4]: Մամուլի հաղորդագրության մեջ նշված էր, որ նկարը նախկինում պահվում էր փոքրիկ մասնավոր հավաքածուի մեջ և երբեք չէր ցուցադրվում հանրությանը[4]: Նկարի վերաբերյալ միակ հիշատակությունը Ռոսսետտիի անձնական նամակն էր Ջեյն Մորիսին[4]:
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 «The Salutation of Beatrice». Rossetti Archive (անգլերեն).
- ↑ «The Salutation of Beatrice». Rossetti Archive (անգլերեն).
- ↑ 3,0 3,1 3,2 «The Salutation of Beatrice». Rossetti Archive (անգլերեն).
- ↑ 4,0 4,1 4,2 «Rediscovered Masterpiece: Rossetti's tender portrait capturing a great Pre-raphaelite romance leads Christie's Victorian & British impressionist art sale in May 2012» (PDF) (անգլերեն). Christie’s.