Մասնակից:ArmSirius/Շարլոտա Պերելի
ArmSirius/Շարլոտա Պերելի |
---|
Շարլոտա Պերելի (իրական անունն Աննա Ջենի Շարլոտա Նիլսոն, ), շվեդ երգչուհի և դերասանուհի: 1999 թվականին ներկայացրել է Շվեդիան Եվրատեսիլ երգի մրցույթում՝ «Take Me to Your Heaven» երգով, նա զբաղեցրել է առաջին տեղը հաղթանակ բերելով իր երկրին:
Կենսագրություն[խմբագրել | խմբագրել կոդը]
1987-1998[խմբագրել | խմբագրել կոդը]
13 տարեկանում միացել է Խովմանտորպի պարային թիմին: Ավարտելուց հետո նա տեղափոխվել է Վեկշյո, որտեղ նա հաճախում է կատարողական արվեստի դպրոց: Նա նաև դարձել է «Kendix» խմբի մենակատարը: Ավելի ուշ նա երգել է «Anders Engbergs» խմբում, սակայն երկու ալբոմ թողարկելով, նա թողնում է թիմին՝ միանալով «Wizex» անսամբլին: 1998 թվականին խումբը առաջադրվել է շվեդական երաժշտական մրցանակի «Mot nya mål» ալբոմի համար, իսկ «Tusen och en natt» ալբոմը դարձել է «ոսկե»: 1997-1998 թվականներին Շարլոտան մասնակցել է շվեդական «Vita lögner» («Սպիտակ սուտ») օպերային, հանդես գալով 20 դրվագներում[1]:
1999-2000[խմբագրել | խմբագրել կոդը]
1999 թվականին հաղթել է Մելոդիֆեստիվալենը, և ապա Երուսաղեմում տեղի ունեցած Եվրատեսիլ 1999 երգի մրցույթը՝ «Take Me to Your Heaven» երգով: Եվրատեսիլ երգի մրցույթում հաղթելուց հետո Շարլոտան դարձել է բավական հայտնի: Նա հանդես է եկել ամբողջ Եվրոպայում և Միջին Արևելքում, ինչպես նաև թողարկել է իր առաջին՝ «Charlotte» (1999) կոչվող սոլո ալբոմը:
2001-2003[խմբագրել | խմբագրել կոդը]
2001 թվականին թողարկել է երկրորդ ալբոմը՝ «Miss Jealousy», որը ներառում է «You Got Me Going Crazy» սինգլը: 2003 թվականին Շարլոտան դարձավ եվրատեսիլի շվեդական ընտրական փուլի հաղթողը: Նույն տարվա ապրիլին նա մասնակցում է շվեդական արտադրության «Հիսուս Քրիստոս գերաստղ»-ին: Սեպտեմբերին թողարկվեց «Broken Heart» սինգլը, իսկ 2004 թվականի հունիսին թողարկվեց երրորդ «Gone Too Long» կոչվող ալբոմը:
2004-2007[խմբագրել | խմբագրել կոդը]
Հաջող դեբյուտային ելույթից հետո նրան արդեն հրավիրում են Եվրատեսիլ 2004 երգի մրցույթի ազգային ընտրությանը, իսկ TV4 հեռուստաալիքը Շարլոտային հրավիրում է ստեղծել իր սեփական շոուն։ Նա կազմակերպում է «Super Troupers» մանկական երաժշտական ծրագիրը:
2007 թվականի մայիսին Շարլոտան մասնակցել է «Nordic Preview Show»-ին, քննարկել «Եվրատեսիլ 2007 երգի մրցույթ»ի մասնակիցներին` որպես Շվեդիայի փորձագետ: Մինչ այդ նա արդեն 2005 թվականին փորձագիտական հանձնաժողովի անդամ էր:
2008 թվականից[խմբագրել | խմբագրել կոդը]
Մարտի 15 երկրորդ անգամ հաղթել է Մելոդիֆեստիվալենը ստացել է իրավունք մասնակցելու Բելգրադում կայանալիք Եվրատեսիլ 2008 երգի մրցույթին: Մարտի 14-ին նկարահանվել է «Hero» երգի տեսահոլովակը, իսկ հետո մեկնել է նոր երգերը ներկայացնող շրջագայությունների: Նա մրցույթի ֆավորիտներից մեկն էր, սակայն զբաղեցրեց ընդամենը 18-րդ տեղը, հավաքելով 47 միավոր[2]: Միևնույն ժամանակ, նոր «Hero» ալբոմը զբաղեցրել է երրորդ տեղը Շվեդիայի չարթերում[3]:
Եվրատեսիլից հետո կոմպոզիտոր Ռոբերտ Ուելսի հետ միասին երգչուհին մասնակցեց «Rhapsody in Rock» շոուին, այնուհետև հանդես է եկել Պեկինի ամառային օլիմպիական խաղերում: Նաև Չինաստանում թողարկվել է նրա «Hero» ալբոմը:
Աշնան ընթացքում Շարլոտան աշխատել է Սուրբ ծննդյան «Rimfrostjul» ալբոմի վրա, որը լույս է տեսել նոյեմբերի 10-ին: Նա նաև հանդես է եկել մի քանի շոուերում, այդ թվում`«Sommarkrysset», «Victoriadagen» և «Nationaldagen»: Հոկտեմբերի 31-ին նա հրավիրվեց «Idol 2008» շոուին, որպես ժյուրի: Նոյեմբերին և դեկտեմբերին նա հանդես եկավ Շվեդիայում Սուրբ Ծննդյան համերգների ժամանակ՝ նոր ալբոմի երգերով: 2009 թվականի սկզբին նա ուղևորվեց Մինսկ և Պեկին: 2009 թվականի փետրվարին Մարտին Ստենմարկի հետ միասին հանդես եկավ Մելոդիֆեստիվալեն 2009 թվականի երրորդ կիսաեզրափակիչում «En ny tid» տեսահոլովակով:
2009 թվականի հուլիսին երգչուհին հայտարարել էր իր պլանների մասին՝ թողարկել նոր ալբոմ 2010 թվականին:
Անձնական կյանք[խմբագրել | խմբագրել կոդը]
2003-2009 թվականներին Շարլոտան ամուսնացել է ճաշարանատեր Նիկոլայ Ինգոսոյի հետ: Ամուսնության արդյունքում Շարլոտան ունեցավ երկու որդի՝ Անջելո Մատեո Պերելի (ծնված 2004 թվականի հունվարի 8-ին) և Ալեսիո Ռոբեչտո Պերելի (ծնված 2005 թվականի հոկտեմբերի 17-ին):
2012 թվականից Շարլոտան փաստացի ամուսնացել է Անդերս Ժենսենի հետ: Այս հարաբերությունների արդյունքում ծնվեց նրա երրորդ որդին` Ադրիան Ռոմեո Պերելի-Յենսենը (ծնված 2003 թվականի հուլիսի 30):
Սկավառակագրություն[խմբագրել | խմբագրել կոդը]
Ինֆորմացիա ալբոմի մասին | Սինգլեր |
---|---|
Charlotte
|
|
Miss Jealousy
|
|
Gone too long
|
|
I din röst
|
|
Hero | |
Rimfrostjul (Սուրբծննդյան ալբոմ)
|
|
The Girl
|
Ծանոթագրություններ[խմբագրել | խմբագրել կոդը]
- ↑ «Charlotte Nilsson» (անգլերեն). Internet Movie Database. Արխիվացված է օրիգինալից 2012-03-11-ին. Վերցված է 2010-08-21-ին.
- ↑ Michael Osborn (2008-05-20). «Sweden tipped to win Eurovision». BBC News. Վերցված է 2008-06-06-ին.
- ↑ «Charlotte Perrelli - Hero». swedishcharts.com. Արխիվացված է օրիգինալից 2012-03-11-ին. Վերցված է 2010-08-21-ին.
Արտաքին հղումներ[խմբագրել | խմբագրել կոդը]
- Պաշտոնական կայքէջ
- Շարլոտա Պերելի (անգլ.) Internet Movie Database կայքում
- Շվեդիան Եվրատեսիլ 2008 երգի մրցույթում՝ ESCKaz.com կայքում
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել ArmSirius/Շարլոտա Պերելի կատեգորիայում։ |
|