Մասնակից:98Lilit/Ավազարկղ9
Լի Թանգ | |
---|---|
«Քամին սոճիներում՝ բյուրավոր հովիտների միջև» (1124) | |
Ծնվել է | մոտ. 1050 |
Ծննդավայր | Չինաստան, Հարավային Սոն Թագավորություն |
Վախճանվել է | 1130 |
Ազգություն | Չինացի |
Մասնագիտություն | նկարիչ |
Լի Թանգ (չին.՝ 李唐; փինյին՝ Lǐ Táng; Վէդ – Ջայլս՝ Li T'ang, երկրորդ անուն՝ Xigu 晞 古; մոտ. 1050 - 1130 թվականներ)[1] չինացի բնանկարիչ, որը ուսանել էր Կայֆինում և Հանչժոուում Սոն թագավորության ղեկավարման ընթացքում: Նա կապող օղակ է հանդիսացել ավելի վաղ արվեստագետների, ինչպիսիք են Գուո Սին, Ֆան Կուանը և Լի Չենգը, և ավելի ուշ շրջանի այնպիսի արվեստագետների միջև, ինչպիսիք են Սյա Գուին և Մա Յուանը: Նա կատարելագործեց «կացնի պես կտրուկ» վրձնահարվածների տեխնիկան:
Կենսագրություն[խմբագրել | խմբագրել կոդը]
Լի Թանգը ծնվել է մոտավորապես 1050 թվականին, ծնունդով Հեյանգից: Արդեն վաղ տարիքից նա իր ապրուստը վաստակում էր նկարչությամբ: Մոտ․ 1100 թվականից հետո՝ կայսր Հուեյ ցզունի օրոք, նա ստացավ ամենաբարձր աստիճանը Բիանջինի (այժմ՝ Կայֆին) արքունիքի նկարչության ակադեմիայում:
Նրան հաջողվեց կենդանի մնալ Ճուրչեն Ծինի տոհմի արշավանքի ժամանակ 1126–27 թվականներին, և արքունիքի հետ միասին տեղափոխվել Ցիանթանգ (այժմ՝ Հանչժոու), որը դարձավ Հարավային Սոնգի նորաստեղծ թագավորության մայրաքաղաքը: Նա շարունակեց ծառայել արքունիքում որպես նկարիչ Գաոցոնգ կայսեր օրոք և մահացավ մոտ․ 1130 թվականին:
Իր արվեստի բնույթը[խմբագրել | խմբագրել կոդը]
Լին վաղ Հարավային Սոնգի բնանկարիչներից ամենաազդեցիկներից էր և ուներ շատ համախոհներ: Նա կարևոր կապող օղակ էր հանդիսանում Հյուսիսային Սոնգ դպրոցի (Գուո Սի, Ֆան Կուան, Լի Չենգ և այլք) և հետագա Հարավային Սոնգի նկարիչների միջև, ինչպիսիք են Սյա Գուին և Մա Յուանը, որոնք երկուսն էլ ուսումնասիրում էին Լիի արվեստը: Նա զարգացրեց և կատարելագործեց այսպես կոչված «կացնի պես կտրուկ» վրձնահարվածների տեխնիկան, որոնք ժայռերին և լեռներին հատկապես հիանալի տեսք էին հաղորդում:
«Քամին սոճիներում՝ բյուրավոր հովիտների միջև»[խմբագրել | խմբագրել կոդը]
Ինչպես Սոնգի նկարիչների մեծ մասի մոտ, այնպես էլ Լի Թանգի նկարներից քչերն են պահպանվել և դրանց մեծ մասը կասկածելի հեղինակություն ունեն: Հսկա կախովի թղթագլանը «Քամին սոճիներում՝ բյուրավոր հովիտների միջև» (հայտնի է նաև որպես «Լեռներում շշնջող սոճիներ». Կայսերական պալատի թանգարան, Թայպեյ, Թայվան) միակ նկարն է, որը կրում է նկարչի հստակ ստորագրությունը և տեղադրված է լավագույն բաժնի բարձրադիր կետերից մեկում: Այնտեղ ասվում է. «Նկարել է Հո-յանգի Լի Թանգը՝ Մեծ Սոնգի [թագավորություն] Խսուան-հո գահակալության «chia-ch'en» տարվա գարնանը»: Այս նկարում ժայռերի կառուցվածքը «կացնի պես կտրուկ» հարվածների տեխնիկայի տիպային օրինակ է:
Այլ վերագրվող աշխատանքներ[խմբագրել | խմբագրել կոդը]
Լի Թանգին սովորաբար վերագրվող այլ աշխատանքներն են` Գետի և լեռների մտերիմ տեսարանը, երկար բնապատկերային թղթագլան և Ժայռերին նստած` մշուշին հառած, որոնք երկուսն էլ հանդիսանում են Կայսերական պալատի թանգարանի սեփականությունը:
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ Barnhart 1997, p. 373.
Աղբյուրներ[խմբագրել | խմբագրել կոդը]
- Barnhart, R. M. et al. (1997). Three thousand years of Chinese painting. New Haven, Yale University Press. 0-300-07013-6
- Richard Edwards: The Landscape Art of Li T'ang. Archives of the Chinese Art Society of America, Volume 12, 1958, pp. 48–60 (JSTOR)
- Richard Barnhart: Li T'ang (c.1050-c.1130) and the Kōtō-In Landscapes. The Burlington Magazine, volume 114, issue 830, May 1972 (special edition for Chinese landscape painting), pp. 304–311, 313-314 (JSTOR)
- Dorothy Perkins: Encyclopedia of China: History and Culture. Routledge, 2013, 9781135935627, p. 280 (Auszug (Google), p. 280, at Google Books)
Արտաքին հղումներ[խմբագրել | խմբագրել կոդը]
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել 98Lilit/Ավազարկղ9 կատեգորիայում։ |
- Landscapes Clear and Radiant: The Art of Wang Hui (1632-1717), an exhibition catalog from The Metropolitan Museum of Art (fully available online as PDF), which contains material on Li Tang (see index)
- Sung and Yuan paintings, an exhibition catalog from The Metropolitan Museum of Art Libraries (fully available online as PDF), which contains material on Li Tang (see list of paintings)
- Brief biography