Մասնակից:Մարիամ Միրիջանյան/Որտե՞ղ եմ ես նրան տեսել
Տեսակ | նկարված մուլտիպլիկացիա |
---|---|
Ժանր | հումոր |
Ռեժիսոր | Բորիս Ձյոժկին |
Սցենարիստ | Ալեքսանդր Կումմա, Սակկո Ռունգե, Բորիս Ձյոժկին |
Բեմադրող նկարիչ | Վլադիմիր Սոբոլյով |
Անիմատորներ | Վադիմ Դոլգիխ, Վիկտոր Արսենծև, Բորիս Ձյոժկին |
Երաժշտություն | Միխայիլ Մեերովիչ |
Օպերատոր | Ելենա Պետրովա |
Հնչյունային օպերատոր | Բորիս Ֆիլչիկով |
Երկիր | ԽՍՀՄ |
Ընկերություն | սովետական մուլտֆիլմ |
Տևողություն | 10 րոպե 3 վրկ. |
«Որտե՞ղ եմ ես նրան տեսել», սովետական նկարված մուլտիպլիկացիա, որը ստեղծվել է 1965 թվականին ռեժիսոր նկարիչ-մուլտիպլիկատոր Բորիս Ջյոժկինի կողմից «Սոյուզմուլտֆիլմ» ստուդիայում: Մուլտֆիլմը Ուրախ մարդուկների արկածների մասին պատմող սերիաներից է[1]:
Սյուժե[խմբագրել | խմբագրել կոդը]
Մի անգամ Ուրախ մարդուկների ակումբ է գալիս մի փոքրիկ տղա, ով իր հետ բերել էր ակումբ ընդունվելու մասին դիմում: Ակումբի նախագահի՝ Մատիտի հարցին, թե ինչ է տղան կարողանում անել, նա հայտարարում է, որ կարողանում է անել ամեն ինչ: Մատիտը ճշտում է, կարող է արդյոք նա հանդես գալ որպես կենդանիներ վարժեցնող, և նա խոստանում է, որ մի շաբաթից կվերադառնա պատրաստ համարով: Բուրատինոն՝ ակումբի մասնակիցներից մեկը, խոժոռվում է և փորձում հիշել՝ որտեղ է տեսել այդ տղային, բայց ապարդյուն:
Մեկ շաբաթ անց տղան գալիս է ակումբ և ասում, որ կենդանիներ վարժեցնելու համարը անհետաքրքիր է, և մի շաբաթից ինքը նորը կմտածի, այս անգամ՝ պարային: Մատիտը, վշտացած այդ լուրով, թույլատրում է նրան հնարել նոր համար, որը պետք է պատսատ լիներ մեկ շաբաթից: Տղան նորից խոստանում է և հեռանում, իսկ Բուրատինոն նորից փորձում է հիշել, թե որտեղ է տեսել նրան:
Մեկ շաբաթից տղան նորից գալիս է, բայց, ի զարմանս ներկաների, հայտարարում է, որ չի պատրաստել պարային համար և կպատրաստի երաժշտական: Մատիտը, դա լսելով, կատաղում է և փորձում է տղային արտաքսել տարածքից: Տղան, վախենալով սկսում է վազել սենյակով և գնալով ակումբի ամեն անդամի մոտ ասում է՝ «ես խոստանում եմ»: Մատիտը, կոլեգաների հետ խորհրդակցելով, որոշում է կայացնում վերջին անգամ հավատալ նրան:
Մեկ շաբաթ անց՝ համերգի օրը, տղան գալիս է Մատիտի մոտ և «պատրա՞ստ ես» հարցին պատասխանում է «այո», Մատիտը, ուրախանալով գովում է տղային: Սակայն մի քանի րոպե հետո տղան հայտարարում է, որ պատրաստել է ֆոկուսներ: Մատիտը շոկային վիճակում հարցնում է տղային, թե ուր է երաժշտական համարը, իսկ այդ պահին Բուրատինոն, ով փորձում էր հիշել տղային, ուրախ սկսում է գոռալ, որ հիշել է նրան. նա Խոստովանիկն Էր: Խոստովանիկը, հասկանալով, որ այլևս չի կարող մասնակցել համերգին, հարցնում է Բուրատինոյին՝ արդյոք համերգը տեղի կունենա:
Գալով դահլիճ, Խոստովանիկը տեսնում է, որ համերգի բոլոր մասնակիցները են իրենց համարներում ծաղրել են իրեն: Պետական քաղաքական միացյալ կառավարումը, որը նստած էր Խոստովանիկի կողքին, բռնի ուժով քարշ է տալիս բեմը, և նա խոստովանում է. «Այո՛, ես եմ Խոստովանիկը: Բայց ես խոստանում եմ, որ ոչ միայն կխոստանեմ, այլ նաև կկատարեմ»:
Ստեղծողները[խմբագրել | խմբագրել կոդը]
Նկարահանող խումբը կազմված էր[2].
- ռեժիսոր — Բորիս Ձյոժկին
- սցենարիստ - Ալեքսանդր Կումմա, Սակկո Ռունգե, Բորիս Ձյոժկինի մասնակցությամբ
- կոմպոզիտոր — Միխայիլ Մերովիչ
- բեմադրող — Վլադիմիր Սոբոլյով
- անիմատորներ — Վադիմ Դոլգիխ, Վիկտոր Արսենծև, Բորիս Ձյոժկին
- օպերատոր — Ելենա Պետրովա
- հնչյունային օպերատոր — Բորիս Ֆիլչիկով
- ռեժիսորի ասիստենտ — Գ. Լյուբարսկայա, Տ. Սազանովա
- նկարիչ-դեկորատոր — Դմիտրի Անպիլով
- խմբագիր — Պյոտր Ֆռոլով
- ֆիլմի ղեկավար — Ֆյոդր Իվանով
- դերասաններ — Կլառա Ռումյանովա (Խոստովանիկ), Ալեքսանդր Գրավե (Մատիտ)
Թողարկում[խմբագրել | խմբագրել կոդը]
Այս մուլտֆիլմը պաշտոնապես թողարկվեց DVD սկավառակով «Սոյուզ-վիդեո» ընկերության կողմից: Բացի «Որտե՞ղ եմ ես նրան տեսել», սկավառակի մեջ նեռարվում էին ևս յոթ մուլտֆիլմ` «Ուղիղ երեք անց կես», «Գարնանային երաժշտություն», «Փոքրիկ նավակ», «Մաշայի համերգը», «Անտառային էստրադային», «Օտար ձայն», «Ոչխար-երաժիշտ»[3]:
- Ձայն — Ռուսերեն Dolby Digital 1.0 Mono,
- Տարածաշրջանային կոդ — 0 (All),
- Պատկեր - Standart 4:3 (1,33:1),
- Գույն — PAL,
- Փաթեթավոում — Կոլեկցիոն հրատարակչություն,
- Դիստրիբյուտոր — «Սոյուզ-վիդեո»:
Հետաքրքիր փաստեր[խմբագրել | խմբագրել կոդը]
- Մուլտֆիլմը հնչյունավորող դերասանների անուններն ու ազգանունները մակագիրներում նշված չեն[4]:
Ծանոթագրություններ[խմբագրել | խմբագրել կոդը]
Հղումներ[խմբագրել | խմբագրել կոդը]
- «Որտե՞ղ եմ ես տեսել նրան» Аниматор.ру կայքում,
- «Որտե՞ղ եմ ես տեսել նրան»(չաշխատող հղում)
Мультфильм.ru կայքում,