Մասնակից:Մարիամ Բաղդասարյան/Ավազարկղ 73
«Գոգոլ․ Սկիզբ», ռուսական ֆիլմ, նկարահանված ռեժիսոր Եգոր Բարանովի կողմից, Նիկոլայ Գոգոլի «Երեկոները Դիկանկային կից ագարակում» հավաքածուի ստեղծագործությունների հիման վրա։ Գլխավոր դերը մարմնավորել է՝ Ալեքսանդր Պետրովը։ Ֆիլմը լայնորեն թողարկվեց 2017 թվականի օգոստոսի 31-ին։
Ֆիլմի կարգախոսն է՝ «Ամենամութ գիշերը արևածագից առաջ»։
«Գոգոլ․ Սկիզբ», «Գոգոլ» նախագծի չորս ֆիլմերից առաջինը, և առաջին սերիալը Ռուսաստանում, որը որոշվել է թողարկել կինովարձույթ[1]։
2018 թվականի ապրիլի 5-ին կթողարկվի «Գոգոլ. Վիյ» ֆիլմը[2], 2018 թվականի օգոստոսի 31-ին «Գոգոլ. սարսափելի վրեժ» ֆիլմը։ Հետո 3 ֆիլմերը միասին կբաժանվեն 6 սերիաների, որոնք 2018 թվականին «Գոգոլ. Կախարդված վայր» ֆիլմի 2 սերիաների հետ մեկտեղ կցուցադրվեն ՏՎ 3 հեռուստաալիքով[3]։
Սյուժե[խմբագրել | խմբագրել կոդը]
Գլուխ առաջին․ Սպանություն Դիկանկայում[խմբագրել | խմբագրել կոդը]
1829 թվական, երիտասարդ Նիկոլայ Վասիլևիչ Գոգոլը ծառայում է դատական գրագիր՝ Նորին կայսերական մեծության սեփական դիվանատան երրորդ բաժանմունքում, Սանկտ Պետերբուրգում։ Ծառայության ժամանակ, ավելի հաճախ սպանությունների ժամանակ, Գոգոլին տանջում են նոպաներ, որոնց ժամանակ նրան հետապնդում են տեսիլքներ, և անգիտակից վիճակում գրի է առնում թվում է թե անիմաստ բառեր։
Անսպասելիորեն Գոգոլը ծանոթվում է հռչակավոր քննիչ՝ Յակոբ Պետրովիչ Գուրոյի հետ, ով անմիջապես նկատում է երիտասարդ գրագրի տարօրինակ պահվածքը, և պարզվում է, որ նրա բոլոր գրառումները թանկարժեք հուշումներ են հանդիսանում մարդասպանի հետաքննության համար և մարդասպանը կարճ ժամանակահատվածում բացահայտվում է։ Նույն օրվա երեկոյանը քննադատաությամբ և սեփական տաղանդի մասին կասկածամտությամբ կոտրված Գոգոլը, արցունքներով և անզոր զայրույթով այրում է իր առաջին ստեղծագործության՝ «Հանց Կյուխելգարթեն» կուտակված բոլոր օրինակները։ Հաջորդ օրն առավոտյանը Գոգոլին է այցելում Գուրոն, ջերմ խոսքերով քաջալերում է նրան և խորհուրդ տալիս չհուսահատվել և չհրաժարվել առաջին ստեղծագործական փորձից, ինչպես նաև հայտնում է իր երախտապարտությունը կարճատև համագործակցության համար։ Գուրոն պատրաստվում է քննել Պոլտավյան նահանգի մոտ գտնվող Դիկանկա գյուղի աղջիների խորհրդավոր սպանությունները։ Գոգոլը, գիշերը դրա մասին տեսիլք տեսնելով, խնդրում է Գուրոյին վերցնել իրեն իր հետ որպես օգնական և գրագիր, քանի որ այնտեղ նրա ծննդավայրն է։ Երիտասարդի տեսիլքներով համակրված ու հետաքրքրված Գուրոն, հեշտությամբ տալիս է իր համաձայնությունը և նրանք միասին ճանապարհվում են։
Ժամանելով Դիկանկա, Գոգոլն ու Գուրոն սկսում են հետաքննությունը։ Մարդասպանին նկարագրում են ինչպես՝ Մութ Հեծյալ, ընդ որում սնահավատ բնակչությունը խիստ դժկամորեն է օգնում Պետերբուրգի հետաքննությանը, հատկապես տեղի քննիչ Ալեքսանդր Քրիստոֆորովիչ Բինխը։ Այնտեղ Գոգոլը ծանոթանում է կալվածատիրոջ՝ Դանիշևսկու կնոջ՝ Ելիզավետայի հետ, ով նրա ստեղծագործությունների մեծ երկրպագու է, և ինքն իրեն պնդում է որ զգացմունքներ ունի նրա հանդեպ։ Տեսիլքներից մեկում Գոգոլի մոտ է ժամանում Օքսանան (ինչպես հետո պարզվեց ջրահարս)։ Նիկոլայի օգնության դիմաց (գտնել թե ջրահարսերից ով է իրականում այն վհուկը, ով գողանում է ջրահեղձների ուժերը) նա խոստանում է օգնել նրան հետաքննության մեջ։ Ի զարմանս զայրացած Գուրոյին, պարզվում է, որ այդպիսի սպանություններ են տեղի ունեցել նաև 30 տարի առաջ և ոչինչ չի ձեռնարկվել դրանք կանխելու և բացահայտելու համար։
Հերթական նոպայի ժամանակ Գոգոլին հաջողվում է ջրահասրսերի մեջ գտնել իսկական վհուկին, ով պարզվում է իջևանատան՝ Գաննան է։ Առավոտյանը Գոգոլն ու Գուրոն լքված ջրաղացի մոտ ձեռք են հայտնաբերում (ջրահարսերը, հարձակվելով վհուկի վրա, պոկել են նրա ձեռքը)։ Գոգոլն ու Գուրոն ենթադրում են, որ գտել են Հեծյալին և շտապում են իջևանատուն, որտեղ հայտնաբերում են Գաննային, և նրա մոտ բացակայում էր հենց այն ձեռքը, որը գտնվել է ջրաղացի մոտ։ Կատաղի վհուկը հեշտությամբ դիմադրում է Գուրոյին, ինչից հետո հարձակվում է Գոգոլի վրա, սակայն Բինխը փրկում է Գոգոլին և սպանում վհուկին։ Հետաքննությունն ավարտված է և կարելի է վերադարնալ Սանկտ Պետերբուրգ։ Սակայն գիշերը ճանապարհվելուց առաջ, Գոգոլի երազում գալիս է Օքսանան և հայտնում նրան, որ իսկական մարդասպանը դեռ ազատության մեջ է, իսկ Գաննան ընդամենը նրա հանցակիցն է եղել։ Այդ ժամանակ հարևանությամբ հրդեհված ցախանոցում Հեծյալը պայքարում է Յակոբ Պետրովիչ Գուրոյի հետ, ցաղանոցը փլվում է, և բոլորը ենթադրում են, որ Գուրոն և Մութ Հեծյալը մահացել են փլատակների տակ։ Այնուամենայնիվ Հեծյալի մնացորդներ չեն գտնվել։ Գոգոլը որոշում է մնալ և ինքնուրույն վերջացնել հետաքննությունը։
Գիշերը Հեծյալը գալիս է Գաննայի դագաղի մոտ և կենդանացնում է նրան։ Վհուկը ներողություն է խնդրում Հեծյալից, պատմելով Գոգոլի տարօրինակ ունակությունների մասին։ Հեծյալը խուլ է նրա պաղատանքների հանդեպ։ Ցախանոցից, որտեղ պահվում է Գաննայի մարմինը, լսվում է վհուկի սարսափելի ճիչը։
Գլուխ երկրոդ․ Կարմիր վերնազգեստ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ «Телеканал ТВ-3 покажет телесериал «Гоголь» сначала в кинотеатрах, а лишь потом на телеэкране». Ведомости. 2017-02-22.
- ↑ «Продолжения «Гоголя» в кино выйдут только в 2018 году». Бюллетень кинопрокатчика. 2017-09-06.
- ↑ «Сериал о Гоголе собрал за первые выходные в четыре раза больше своего бюджета». Ведомости. 2017-09-05.