Մասնակից:Լուսինե Ժամկոցյան/Ավազարկղ/2

Ոչ միանշանակ, բայց գործնականորեն կարելի է խաղը համարել ամբողջական տեղեկատվությամբ խաղ, եթե

• մասնակիցները ազդում են խաղային իրավիճակի վրա դիսկրետ գործողություններով՝ քայլերով: Քայլերի հաջորդականությունը սահմանված է կանոններով և կախված չէ խաղացողների արձագանքի արագությունից, այսինքն՝ հերթական քայլը կատարում է այն մասնակիցը, որը ըստ կանոնների պետք է այն կատարի, այլ ոչ թե նա, ով առաջինն է գլխի ընկել կամ հասցրել կատարել:
• խաղի ցանկացած պահի բոլոր խաղացողները ամբողջական տեղեկություն ուեն խաղի վիճակի մասին, այսինքն՝ խաղացողներից ցանկացածի դիրքի և բոլոր հնարավոր քայլերի մասին:

Ընդ որում անգլերենում գոյություն ունի համանուն հասկացություն խաղ ամբողջական տեղեկատվությամբ (անգլ.՝ game of complete information), որը փոքր-ինչ տարբերվում է այս հոդվածում նկարագրված խաղ ամբողջական տեղեկատվությամբ (անգլ.՝ game of perfect information ) հասկացությունից: Complete-տեղեկատվությամբ խաղերում խաղացողներին հայտնի են միայն օգտակարության գործառույթը և խաղի կանոնները, բայց պարտադիր չէ, որ հայտնի լինեն միմյանց քայլերը: Այսպես՝ պոկերը հանդիսանում է complete տեղեկատվությամբ խաղ, բայց ոչ perfect տեղեկատվությամբ. խաղի կանոններն ու օգտակարության գործակիցները հայտնի են, իսկ խաղացողների քայլերը՝ ոչ: Աճուրդը լիարժեք չէ անգամ complete առումով, քանի որ յուրաքանչյուր խաղացող գիտի իր օգտակարության գործառույթը, բայց չգիտի մյուս խաղացողների օգտակարության գործառույթը:

• Պատկերասրահ
• 
• 
  շախմատ
• 
• 
• 
  Լե Կատրո
• 

Հատկություններ

Եթե խաղի ոչ մի ասպեկտում՝ կանոնների, քայլերի հերթականության և հնարավորության մեջ, խաղի արդյունքի կամ ավարտի պահի որոշում, պատահականության տարր չկա, ապա այդպիսի խաղը կլինի նաև որոշիչ:

Ցանկացած ամբողջական տեղեկատվությամբ որոշիչ խաղի համար տեսականորեն կարելի է կազմել խաղացողների հնարավոր քայլերի ամբողջ ծառը և որոշել քայլերի հաջորդականությունը, ինչը և կբերի նրանցից գոնե մեկի հաղթանակին կամ երաշխավորված ոչ-ոքիի, այսինքն՝ միշտ կարող է կազմվել կողմերից գոնե մեկի համար հաղթանակի կամ ոչ-ոքիի ալգորիթմը:

Ամբողջական տեղեկատվությամբ խաղերի շարքին են պատկանում սեղանի խաղերի մեծամասնությունը(շախմատ, շաշկի, ռենդզյու, սյանցի և այլն): Սակայն դրանցից մեծամասնության համար հաղթանակի կամ երաշխավորված ոչ-ոքիի ալգորիթմը անհայտ է: Չնայած տեսականորեն այն գոյություն ունի և կարող է գտնվել, բայց գործնականորեն տարբերակների ծառը շատ մեծ է, որպեսզի այն կարելի լինի կազմել և վերլուծել ընդունելի ժամանակի ընթացքում:

Ամբողջական տեղեկատվությամբ ոչ որոշիչ խաղերի թվին է դասվում օրինակ նարդին: Ամբողջական տեղեկատվությամբ խաղեր չեն համարվում այնպիսի խաղերը, ինչպիսիք են մանջոնգը, կրիգշպիլը, թղթախաղային խաղերի մեշամասնությունը:

Գրականություն

• Оуэн Г. Теория игр. — М.: Вузовская книга, 2004. — 216 с.: ил. — 500 экз. — ISBN 5-9502-0051-9
• Петросян Л. А., Зенкевич Н.А., Семина Е.А. Теория игр: Учеб. пособие для ун-тов. — М.: Высш. шк., Книжный дом «Университет», 1998. — С. 304. — ISBN 5-06-001005-8, 5-8013-0007-4
• Васин А. А., Морозов В. В. Теория игр и модели математической экономики. — М.: Макс-пресс, 2005. — 272 с. — ISBN 5-317-01388-7