Մաջ Քենեդի

Վիքիպեդիայից՝ ազատ հանրագիտարանից
Jump to navigation Jump to search
Մաջ Քենեդի
Դիմանկար
Ծնվել էապրիլի 19, 1891(1891-04-19)[1]
ԾննդավայրՉիկագո, Իլինոյս, ԱՄՆ
Մահացել էհունիսի 9, 1987(1987-06-09)[1] (96 տարեկան)
Մահվան վայրՎուդլենդ Հիլզ, Լոս Անջելես, Կալիֆոռնիա, ԱՄՆ
ՔաղաքացիությունFlag of the United States.svg ԱՄՆ
Մասնագիտությունհեռուստատեսային դերասանուհի, կինոդերասանուհի, թատրոնի դերասանուհի և դերասանուհի
Պարգևներ և
մրցանակներ
Հոլիվուդյան փառքի ծառուղու աստղ
Madge Kennedy Վիքիպահեստում

Մաջ Քենեդի (անգլ.՝ Madge Kennedy, ապրիլի 19, 1891(1891-04-19)[1], Չիկագո, Իլինոյս, ԱՄՆ - հունիսի 9, 1987(1987-06-09)[1], Վուդլենդ Հիլզ, Լոս Անջելես, Կալիֆոռնիա, ԱՄՆ), ամերիկացի դերասանուհի։

Կենսագրություն[խմբագրել | խմբագրել կոդը]

Ծնվել է Չիկագոյում, իսկ 1906 թվականին տեղափոխվել է Նյու Յորք, որտեղ պլանավորել է դառնալ նկարազարդող, ընդունվել է Ուսանողական նկարչական լիգա։ Այնտեղ նա սկսել է մասնակցել տեղի թատրոնի բեմադրություններին և այդ ժամանակ ամբողջովին խորասուզվել է թատերական ստեղծագործությունների մեջ։ 1912 թվականին Քենեդին առաջին անգամ ելույթ է ունեցել Բրոդվեյում, որտեղ հետագա մի քանի տարիների ընթացքում ճանաչում է ձեռք բերել ժողովրդի և քննադատների կողմից։ 1917 թվականին դերասանուհին պայմանագիր է կնքել Մետրո-Գոլդուին-Մայեր կինոֆիլմերի արտադրության ընկերության հետ, և մի քան տարի մնացել է բեմում՝ հայտնվելով մի քանի ֆիլմերում, որոնց շարքում են «Ծաղկող հրեշտակ» (1920) և «Ճիշտ է» (1920) ֆիլմերը։ Ֆիլմերում նրա հաջողակ կարիերան տևել է մինչև 1920-ական թվականները, որտից հետո վերադարձել է Բրոդվեյ։

1927 թվականին մահացել է առաջին ամուսինը՝ Հարոլդ Բոլսթերը՝ Նյու Յորքում խոշոր ֆինանսական կազմակերպության աշխատակից։ Ամուսնու մահից հետո նրա ողջ կարողությունը ժառանգել է կինը, որը կազմում էր շուրջ 500,000$: 1934 թվականին Քենեդին երկրորդ անգամ ամուսնացել է դերասան և ռադիոհաղորդավար Ուիլյամ Բ. Հենլիի հետ, որից հետո գրեթե երկու տասնամյակ հեռացել է դերասանակ կարիերայից։

1952 թվականին նորից հայտնվել է կինոէկրանին և հաջորդող տարիներին ակտիվորեն նկարահանվել ֆիլմերում և հեռուստատեսությունում։ Այդ տարիներին նրա մասնակցությամբ թողարկված ֆիլմերից են «Փրկիր ամուսնությունը» (1952), «Ամուսնական նախաճաշ» (1956), «Կյանքի ծարավ», «Լողացող տունը» (1958), «Հյուսիսից հյուսիս-արևմուտք» (1959) և «Ուժասպառ ձիերին կրակում են, ճիշտ չէ՞» (1969): Հեռուստաէկրանում նա «Ալֆրեդ Հիչկոկը ներկայացնում է» սերիալում ունեցել է մշտական դեր։ 1965 թվականին 33 տարվա ընդմիջումից հետո վերադարձել է Բրոդվեյ «Շատ հարուստ կինը» պիեսում, որտեղ նրա գործընկերը Ռութ Գորդոնն էր, ում հետ նրանք կապված են եղել երկար տարիների ընկերությամբ։ Դերասանական կարիերան շարունակվել է մինչև 1976 թվականը, երբ էկրանին է հայտնվել նրա մասնակցությամբ վերջին ֆիլմը՝ «Մարաթոն», որտեղ դերասանուհին հայտնվել է էպիզոդներից մեկում։

Կյանքի վերջին տարիները Մաջ Քենեդին անց է կացրել կալիֆորնիական Վուդլենդ-Հիլլզ քաղաքում, որտեղ էլ 1987 թվականին 96 տարեկանում մահացել է՝ շնչառական անբավարարությունից։ Կինոարտադրության մեջ իր թողած ավանդի համար նա Հոլիվուդյան փառքի ծառուղում ունի աստղ։

Աղբյուրներ[խմբագրել | խմբագրել կոդը]

  • «Usual Variety Of Pictures On View»։ Los Angeles Times։ July 22, 1923։ էջ III27 
  • «Written On The Screen»։ New York Times։ December 1, 1918։ էջ 76 
  • «The Play»։ New York Times։ December 2, 1925։ էջ 22 
  • «Madge Kennedy to Play Here»։ New York Times։ November 29, 1923։ էջ 23 

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Internet Broadway Database — 2000.

Արտաքին հղումներ[խմբագրել | խմբագրել կոդը]

  • Мадж Кеннеди (англ.) на сайте Find a Grave