Մանվել Ղազարյան
| Մանվել Ղազարյան | |
|---|---|
| Ծնվել է | մայիսի 2, 1961 (62 տարեկան) |
| Ծննդավայր | Արարատի մարզ, Հայաստան |
| Քաղաքացիություն |  Հայաստան |
| Կրթություն | Հայաստանի պետական տնտեսագիտական համալսարան |
| Մասնագիտություն | քաղաքական գործիչ |
| Զբաղեցրած պաշտոններ | Հայաստանի Ազգային ժողովի պատգամավոր |
Մանվել Անդրանիկի Ղազարյան (մայիսի 2, 1961, Արարատի մարզ, Հայաստան), քաղաքական գործիչ, Հայաստանի Հանրապետության Ազգային ժողովի նախկին պատգամավոր։
Կենսագրություն[խմբագրել | խմբագրել կոդը]
Ծնվել է 1961 թվականի մայիսի 2-ին` Արարատի շրջանի Վանաշեն գյուղում։ 1989 թվականին ավարտել է Երևանի ժողովրդական տնտեսության ինստիտուտը և ստացել տնտեսագետի որակավորում։ 1980-1982 թվականներին ծառայել է խորհրդային բանակում։
Աշխատել է որպես ապրանքագետ, տնտեսագետ, հաշվապահ։ 1991-1992 թվականներին եղել է Արարատի թռչնաբուծարանի տնօրեն, 1993-1997 թվականներին՝ Վեդու գինու գործարանի տնօրեն։ 1997 թվականին եղել է նույն գործարանի բաց բաժնետիրական ընկերության խորհրդի նախագահը։
1999-2003 թվականներին եղել է Ազգային ժողովի պատգամավոր (թիվ 33 ընտրատարածք), եղել է Ազգային ժողովի ֆինանսավարկային, բյուջետային և տնտեսական հարցերի մշտական հանձնաժողովի անդամ, «Միասնություն» խմբակցության անդամ։
2003-2007 թվականներին Ազգային ժողովի պատգամավոր է ընտրվել թիվ 24 ընտրատարածքից, եղել է Ազգային ժողովի ֆինանսավարկային, բյուջետային և տնտեսական հարցերի մշտական հանձնաժողովի անդամ։ ՀՀԿ խմբակցության անդամ։
2007 թվականի մայիսի 12-ին Ազգային ժողովի պատգամավոր է ընտրվել թիվ 18 ընտրատարածքից։
2002 թվականին դարձել է ՀՀ արդյունաբերողների և գործարարների միության և ՀՀ օլիմպիական կոմիտեի անդամ[1]։
Ամուսնացած է, ունի երեք երեխա։
Պարգևներ[խմբագրել | խմբագրել կոդը]
- «Մայրական երախտագիտություն» մեդալ (2000)
- ԼՂՀ «Արիության» մեդալ (2000)
- «Շուշիի ազատագրման համար» մեդալ (2001)
- «Արիության համար» մեդալ (2001)
- «Մարշալ Բաղրամյան» մեդալ (2001)
- Գարեգին Նժդեհ» մեդալ (2005)
- «Մարտական ծառայության» մեդալ (2007)
- Արցախյան ազատամարտիկների միության նախագահի պատվոգիր[2]
Ծանոթագրություններ[խմբագրել | խմբագրել կոդը]
- ↑ «National Assembly of Armenia | Official Web Site | parliament.am». www.parliament.am. Վերցված է 2021 թ․ հունվարի 4-ին.
- ↑ «Կուսակցության խորհուրդը - Կառուցվածք - Հայաստանի Հանրապետական կուսակցություն». www.hhk.am. Վերցված է 2021 թ․ հունվարի 4-ին.