Մանվել Խնձրցյան
| Մանվել Արծվիկի Խնձրցյան | |
|---|---|
 | |
| Անձնական տեղեկություն | |
| Սեռ՝ | արական |
| Ազգություն | հայ |
| Մասնագիտացում | ազատ ոճի ըմբիշ |
| Երկիր |  Հայաստան |
| Ծննդյան ամսաթիվ | հունվարի 26, 2001 (24 տարեկան) |
| Ծննդավայր | Ազատան, Շիրակի մարզ, Հայաստան |
| Հասակ՝ | 160 սանտիմետր |
| Քաշ | 57 կգ |
| Մեդալները | ||
|---|---|---|
| Եվրոպայի առաջնություն | ||
| Բրոնզ | Բուդապեշտ 2022 | 57 կգ |
| Մինչև 23 տարեկանների աշխարհի առաջնություն | ||
| Բրոնզ | Բելգրադ 2021 | 57 կգ |
Մանվել Արծվիկի Խնձրցյան (ծնվ․ 2001 թ․ հունվարի 26, Ազատան, Շիրակի մարզ), ազատ ոճի հայ ըմբիշ, ազատ ոճի ըմբշամարտի 2022 թվականի Եվրոպայի առաջնություն բրոնզե մեդալակիր[1], 2021 թվականի Հայաստանի չեմպիոն[2], 2021 թվականի բանակայինների աշխարհի առաջնության բրոնզե մեդալակիր[3], ինչպես նաև 2021 թվականի մինչև 23 տարեկանների աշխարհի առաջնության բրոնզե[4], 2023 թվականի արծաթե մեդալակիր , 2021 թվականի Աշխարհի երիտասարդական առաջնության բրոնզե մեդալակիր[5] և Եվրոպայի երիտասարդական առաջնության փոխչեմպիոն[6]։
Կենսագրություն
[խմբագրել | խմբագրել կոդը]Մանվել Խնձրցյանը ծնվել է 2001 թվականի հունվարի 26-ին Շիրակի մարզի Ազատան գյուղում։ 2010-ից սկսել է հաճախել «Սևան» մարզական ընկերության մարզադպրոց, որտեղ նրա մարզիչն էր Արա Սահրադյանը։ 2012-ից մինչև օրս Խնձրցյանի մարզիչն է Կարապետ Ենգոյանը։
Միջազգային ասպարեզում Մանվել Խնձրցյանը իր առաջին լուրջ հաջողությանը հասավ 2018 թվականին, երբ որ Սկոպյեում ընթացող ըմբշամարտի Եվրոպայի պատանիների առաջնությունում, ազատ ոճայինների 51 կգ քաշայիների պայքարում նվաճեց փոխչեմպիոնի կոչումը[7]։
2021 թվականի հունիսին Դորտմունդում ընթացող ազատ ոճի ըմբշամարտի Եվրոպայի երիտասարդական առաջնությունում Մանվել Խնձրցյանը հանդես գալով 57 կգ քաշային կարգում քառորդ եզրափակչում 11:0 հաշվով հաղթելով իտալացի Սիմոնե Պիրոդուին, այնուհետև կիսաեզրափակիչում առավելության հասնելով շվեյցարացի Թոմաս Էփի նկատմամբ, իսկ եզրափակիչում զիջելով ռուսաստանցի Խունկերովին դարձավ փոխչեմպիոն։ Երկու ամից անց, օգոստոսին, Ուֆայում ազատ ոճի ըմբշամարտի Աշխարհի երիտասարդական առաջնությանը 3-րդ տեղի համար գոտեմարտում 6:2 հաշվով հաղթելով Ղրղզստանը ներկայացնող Աբդումալիկ Բագավուդինովին Խնձրցյանը դարձավ բրոնզե մեդալակիր։ Նույն տարվա նոյեմբերի 6-ին Բելգրադում ընթացող ազատ ոճի ըմբշամարտի մինչեւ 23 տարեկանների աշխարհի առաջնությունում բրոնզե մեդալի համար գոտեմարտում նա 10:0 հաշվով ժամանակից շուտ, 1 րոպե 20 վայրկյանում, հաղթեց հնդիկ Սուրաբ Իգաևին։ Նույն ամսվա 21-24-ին Թեհրանում ընթանող բանակայինների աշխարհի առաջնությունում Մանվել Խնձրցյանը նվաճեց բրոնզե մեդալը։ Նույն տարվա դեկտեմբերին Խնձրցյանը դարձավ Հայաստանի չեմպիոն։
Միջազգային ասպարեզում մեծահասակների պայքարում Մանվել Խնձրցյանը իր առաջին նորամուտը նշեց 2022 թվականի մարտին, Բուդապեշտում ընթացող ազատ ոճի ըմբշամարտի Եվրոպայի առաջնությանը, որտեղ նա պայքարի մեջ մտնելով 1/8 եզրափակչից 11։ 6 հաշվով առավելության հասավ Մոլդովան ներկայացնող Անատոլի Բուռույանի նկատմամբ, այնուհետև քառորդ եզրափակիչում կամային հաղթանակ տարավ թուրք Մուհամետ Կարավուսի նկատմամբ, որտեղ որ նա 0։ 4 հաշվով պարտվելիս կարողացավ բեկել գոտմարտի ընթացքն և հաղթել 14։ 4 հաշվով։ Կիսաեզրափակիչում զիջելով Հյուսիսային Մակեդոնիայի ներկայացուցիչ Վլադիմիր Եգորովին, երրորդ տեղի համար պայքարում 6:2 հաշվով առավելության հասնելով գերմանացի Նիկլաս Ստեչելի նկատմամբ Խնձրյանը դարձավ Եվրոպայի առաջնության բրոնզե դափնեկիր։
2023 թվականի Տիրանայում ընթացող մինչև 23 տարեկանների առաջնությունում Խնձրցյանին արծաթե մեդալի համար պետք եղավ նախ հաղթել Ամերիկացի ըմբիշին 11:0 հաշվով, որից հետո գորգում լարված պայքարում 2:1 հաշվով առավելության հասավ գերմանացի Ստեչելի նկատմամբ։ Կիսաեզրափակչում Մանվելը դրամատիկ հետաքրքիր գոտեմարտ վարեց մոնղոլիայի ներկայացուցչի դեմ 14:4 և դուրս եկավ աշխարհի առաջնության եզրափակիչ։
Հարցազրույցներից մեկում Մանվելը նշել է, որ երբեք չի երազել ըմբշամարտով զբաղվել և ընտրությունը կատարվել է նպատակ ունենալով կոփված երեխա մեծանալ ։ Հետագայում գրանցելով նշանակալի հաջողություններ, ցանկացել է շարունակել, և նպատակ է դրել նվաճելու «Եվրոպայի և Աշխարհի չեմպիոն» տիտղոսը։ Նա նաև նշել է, որ վախը միայն թերահավատության նշան է ու կյանքում փորձում է առաջնորդվել հենց այդ կարգախոսով։
Մանվել Խնձրցյանը 2020 թվականից սովորում է Հայաստանի պետական տնտեսագիտական համալսարանի ֆինանսական ֆակուլտետում։
2022 թվականին ճանաչվել է Համալսարանի լավագույն ուսանողներից մեկը։
2024 թվականին ավարտել է Հայաստանի պետական տնտեսագիտական համալսարանի ֆինանսական ֆակուլտետը։
Նվաճումներ
[խմբագրել | խմբագրել կոդը]- 2018 թվականի Աշխարհի պատանիների առաջնության փոխչեմպիոն
- 2021 թվականի Եվրոպայի երիտասարդական առաջնության փոխչեմպիոն
- 2021 թվականի Աշխարհի երիտասարդական առաջնության բրոնզե մեդալակիր
- 2021 թվականի մինչեւ 23 տարեկանների աշխարհի առաջնության բրոնզե մեդալակիր
- 2021 թվականի բանակայինների աշխարհի առաջնության բրոնզե մեդալակիր
- 2021 թվականի Հայաստանի չեմպիոն
- 2022 թվականի Եվրոպայի առաջնության բրոնզե մեդալակիր
- 2023 թվականի Մինչև 23 տարեկանների աշխարհի առաջնության փոխչեմպիոն ։
Ծանոթագրություններ
[խմբագրել | խմբագրել կոդը]- ↑ Մանվել Խնձրցյան. Ուրախ եմ, որ մեծահասակներում իմ առաջին Եվրոպայի առաջնությունը մեդալով եղավ
- ↑ Ազատ ոճի ըմբշամարտի Հայաստանի չեմպիոնները հայտնի են
- ↑ Ազատ և հունահռոմեական ոճի ըմբիշները 13 մեդալ են նվաճել բանակայինների աշխարհի առաջնությունում
- ↑ Մ23 ԱԱ. Մանվել Խնձրցյանը 1 րոպե 20 վայրկյանում նվաճեց բրոնզե մեդալ
- ↑ Մանվել Խնձրցյանի բրոնզե մեդալը երիտասարդական ԱԱ-ում
- ↑ Մանվել Խնձրցյանը՝ Եվրոպայի երիտասարդական փոխչեմպիոն (տեսանյութ)
- ↑ Պատանեկան ԵԱ․ Ռաֆայել Հարությունյանը՝ ոսկե, Մանվել Խնձրցյանը՝ արծաթե մեդալակիր