Մաննոն Ույգուր

Մաննոն Ույգուր
Ծնվել է	հոկտեմբերի 11, 1897(1897-10-11)
Ծննդավայր	Տաշքենդ, Սիրդարիայի շրջան, Ռուսական կայսրություն
Մահացել է	հոկտեմբերի 16, 1955(1955-10-16) (58 տարեկան)
Գերեզման	Չիգատոյի գերեզմանոց
Քաղաքացիություն	Ռուսական կայսրություն և  ԽՍՀՄ
Մասնագիտություն	դերասան և թատերական ռեժիսոր
Պարգևներ և մրցանակներ	և Խամզայի անվան Ուզբեկական ԽՍՀ պետական ​​մրցանակ

Մաննոն Ույգուր (իսկական ազգանունը՝ Մաջիև, հոկտեմբերի 11, 1897(1897-10-11), Տաշքենդ, Սիրդարիայի շրջան, Ռուսական կայսրություն - հոկտեմբերի 16, 1955(1955-10-16)), խորհրդային ուզբեկ ռեժիսոր, դերասան, թատերագիր։ Ուզբեկական խորհրդային թատրոնի հիմնադիրներից։ Ուզբեկստանի ԽՍՀ ժողովրդական արտիստ (1932)։

Կենսագրություն

Մաննոն Ույգուրը ծնվել է 1897 թվականին Տաշքենդում։ Թատերական գործունեությունը սկսել է 1916 թվականից որպես «Տուրոն» (Տաշքենդ) խմբի սիրողական դերասան։ 1919 թվականին նա կազմակերպել և գլխավորել է Տաշքենդի Կարլ Մարքսի անվան ուզբեկական մասնագիտական թատերախումբը, ներկայացումներին մասնակցել որպես դերասան։ 1924-1927 թվականներին սովորել է Մոսկվայի Ուզբեկստանի լուսավորության տանը կից դրամատիկական ստուդիայում։ Ավարտելուց հետո միացել է Խամզիի անվան թատրոնի խմբին, եղել թատրոնի ռեժիսոր և գեղարվեստական ղեկավար։ Նպաստել է ուզբեկական դերասանական դպրոցի ստեղծմանը։ Ույգուրի բեմադրած ներկայացումները տարբերվել են ճշգրիտ սոցիալական առանձնահատկություններով, վառ ազգային կոլորիտով, արտահայտչական միզանսցենով։ Ույգունն առանձնակի ուշադրություն է դարձրել բեմական խոսքին։ Գրել է կատակերգություններ («Թուրքմեն բժիշկը», 1918 թվական և այլն), ադրբեջաներենից ու թաթարերենից թարգմանել է պիեսներ։ Դասավանդել է Տաշքենդի գեղարվեստա-թատերական ինստիտուտում։

Մահացել է 1955 թվականի հոկտեմբերի 16-ին։ Թաղված է Տաշքենդի Չիգատայսկի գերեզմանատանը։

Գործունեություն

Դերասանկան աշխատանքներ

• «Թուրքմեն բժիշկը», Մ. Ույգուր, Էշիմկուլ
• «Բեգ և բատրակ», Խամզա Խակիմզադե Նիյազի, Գավուր
• «Խալիմա», Գուլյամ Զաֆարի, Ռախիմ

Ռեժիսորական աշխատանքներ

• 1919 թվական - «Բեգ և բատրակ», Խամզա Խակիմզադե Նիյազի
• 1920 թվական - «Խալիմա», Գուլյամ Զաֆարի
• 1929 թվական - «Երկու կոմունիստ», Կամիլ Յաշեն
• 1932 թվական - «Դիմակը պատռված է», Զիննատ Ֆատխուլին
• 1935 թվական - «Համլետ», Շեքսպիր
• 1938 թվական - «Դավաճանները», Զիննատ Ֆատխուլին
• 1944 թվական - «Ջալալեդդին», Շեյզադե
• 1947 թվական - «Կյանքի երգ», Ույգուն
• 1954 թվական - «Առաքելություններ», Սաբիր Աբդուլլա

Պարգևներ, մրցանակներ

• Ուզբեկստանի ԽՍՀ ժողովրդական արտիստ (1932)
• Ստալինյան 2-րդ աստիճանի մրցանակ (1949)
• Ուզբեկստանի ԽՍՀ Խամզիի անվան մրցանակ (1967 թվական՝ հետմահու)
• Լենինի շքանշան
• Աշխատանքային Կարմիր դրոշի շքանշան
• «Պատվո նշան» շքանշան
• «Անձնվեր աշխատանքի համար Մեծ հայրենական պատերազմի ժամանակ» մեդալ
• «Անձնվեր աշխատանքի համար» շքանշան (Ուզբեկստան) (2001 թվական՝ հետմահու)