Մանկավարժական թանգարան (Բելգրադ)

Վիքիպեդիայից՝ ազատ հանրագիտարանից
Jump to navigation Jump to search
Մանկավարժական թանգարան
Nekadašnja Realka.jpg
Տեսակթանգարան
ԵրկիրFlag of Serbia.svg Սերբիա
ՏեղագրությունԲելգրադ
Հիմնադրված է1896
Կայքpedagoskimuzej.org.rs

Մանկավարժական թանգարան (սերբ.՝ Педагошки музеј), կրթությանը նվիրված թանգարան Սերբիայում: Տեղակայված է Բելգրադի Ստարի գրադ համայնքում գտնվող հին Ռեալկի շենքում (19-րդ դարի դպրոց), որը կառուցվել է 1837-1838 թվականներին[1]:

Նկարագիր[խմբագրել | խմբագրել կոդը]

Թանգարանը ստեղծվել է Դիմիտրի Պուտնիկովիչի նախաձեռնությամբ 1896 թվականին Սերբիայի Ուսուցիչների միության կողմից՝ մանկավարժական և պատմական արժեք ներկայացնող առարկաների և իրերի հավաքման և պահպանման նպատակով: Երկու համաշխարհային պատերազմների ժամանակ ամբողջությամբ ոչնչացվել է:

1945 թվականից հետո թանգարանը վերականգնվել է, իսկ 1969 թվականից ունի մշտական ցուցադրություն «Սերբական դպրոցի տասը դարերը Բելգրադի Ռեալական գիմնազիայում», որը պատմում է սերբական դպրոցի պատմության մասին՝ սկսած 9-րդ դարից մինչև 20-րդ դարի սկիզբը:

Շենքը կառուցվել է կլասիցիզմի ոճով, հավանաբար Ֆրանց Յանկեի ոճով: Սկզբում այն համարվում էր քաղաքապետ Ցվետկո Ռայովիչի նստավայրը, այնուհետև այնտեղ տեղակայվեցին անգլիական դեսպանատունը, ոստիկանությունը, և այն ծառայում էր որպես բանակային ստորաբաժանման շենք: Շինությունը համարվում է եվրոպական ոճով կառուցված հնագույն շենքերից մեկը: 20-րդ դարի սկզբին նրան կից կառուցվեց երկհարկանի դպրոցի շենք՝ մոդեռն ճարտարապետության ոճով[2]:

Ծանոթագրություններ[խմբագրել | խմբագրել կոդը]

Գրականություն[խմբագրել | խմբագրել կոդը]

  • Путниковић, Драгољуб М.; Симић, Сузана С.; Јевтић, Бојана М. (2007). Библиографија радова Димитрија Ј. Путниковића. Београд: Педагошки музеј. ISBN 978-86-82453-03-1.

Արտաքին հղումներ[խմբագրել | խմբագրել կոդը]