Մանկամսուր

Վիքիպեդիայից՝ ազատ հանրագիտարանից
Jump to navigation Jump to search

Մանկամսուր, 2 ամսականից մինչև 3 տարեկան երեխաների նախադպրոցական դաստիարակության հիմնարկություն՝ առողջապահության նախարարության համակարգում։ Մոր և մանկան պահպանության ապահովման կարևոր օղակ է, միջոցառումներ է իրականացնում երեխաների առողջության ապահովման, նրանց հոգեկան ու ֆիզիկական զարգացման ուղղությամբ։ 1959 թվականին ԽՍՀՄ-ում ստեղծվել է մսուր-մանկապարտեզների միասնական համակարգ, որի պահպանության ծախսերը հիմնականում հոգացել է պետությունը։ 1979 թվականին ԽՍՀՄ-ում կար 80 հազար (10 միլիոն 420 հազար երեխա), ՀԽՍՀ-ում՝ 1061 (մոա 130 հազար երեխա) մսուր-մանկապարտեզ։ Միայն մանկամսուրների թիվը ԽՍՀՄ-ում 12 հազար 800 է եղել (912 հազար երեխա)։ Մանկամսուրում երեխաները բաժանվում են չորս խմբի, մինչև 9 ամսական (կրծքի երեխաներ), 9-14 ամսական (չորեքթաթ գնացողներ), 14-24 ամսական (միջին) և 2-3 տարեկան (ավագ), որոնցից յուրաքանչյուրի համար սահմանված է համապատասխան ռեժիմ ու բժշկական հսկողություն։ Սոցիալիստական երկրների մեծ մասում մանկամսուրներ ստեղծվում են նույն սկզբունքներով, ինչպես ԽՍՀՄ-ում։ Կապիտալիստական որոշ երկրների մանկական հիմնարկներում պահվում են նաև մսուրային հասակի երեխաներ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 232 CC-BY-SA-icon-80x15.png