Մանարոլա (Մանաեա տեղական բարբառով) փոքր քաղաք, Ռիոմաջորե մունիցիպալիտետի մաս, Լա Սպեցիա պրովինցիայում, հյուսիսային Իտալիա։ Զբոսաշրջիկների կողմից ամենաշատ այցելվող հինգ քաղաքներից տարածքով երկրորդ ամենափոքր քաղաքն է։
Մանարոլան Cinque Terre–ի ամենահին քաղաքն է՝ իր Սան Լորենցո եկեղեցով, որ կառուցվել է 1338 թվականին։ Քաղաքի բարբառը Մանարոլեզեն է, որը էապես տարբերվում է տարածաշրջանի մյուս բարբառներից։ "Մանարոլա" անունը հավանաբար լատիներեն "magna rota"–ի փոփոխված տարբերակն է։ Մանարոլեզե բարբառում այն փոխվել է և դարձել "magna roea", որը նշանակում է "մեծ անիվ", քանի որ քաղաքում կար անիվների գործարան։
Մանարոլայի տնտեսության հիմնական մասը ավանդաբար եղել են ձկնորսությունը և գինեգործությունը։ Տեղական գինիներից հատկապես հայտնի է Sciacchetrà–ն, որի մասին գրավոր հիշատակումները վերաբերում են դեռ Հին Հռոմի ժամանակաշրջանին։ Վերջին տարիներին Մանարոլան և նրա հարևան քաղաքները զբոսաշրջիկների շրջանում հայտնի և տարածված են դառնում հատկապես ամառվա ամիսներին։ Զբոսաշրջիկների շրջանում հայտնի է քայլքը Մանարոլայից մինչև Ռիոմաջորե, որ կոչվում է Via dell'Amore, "Սիրո հետք"։ Գրեթե բոլոր տները վառ են, պայծառ ու գունավոր։ Մանարոլայի գեղեցկությունն իր նկարներում արտահայտել է Անտոնիո Դիսկովոլոն (1874-1956)[1]։
Իտալիա
