Մանաս (քաղաք)

Մանասի մուտքը

Մանաս (մինչ 2025 թվականը՝ Ջալալ Աբադ), քաղաք Ղրղզստանի Ջալալաբադի մարզում։ Գտնվում է Կուգարտ գետի հովտում, Բիշքեկ–Օշ ավտոճանապարհին։ Բնակչությունը 129 400 մարդ է (ըստ 2025 թվականի հունվարի 1-ի տվյալների)։ Բացի ղրղզներից (64,7 %) և ուզբեկներից (28 %), Մանասում բնակվում են նաև ռուսներ, թաթարներ, ույղուրներ և այլ ազգությունների ներկայացուցիչներ։

Կան երկաթուղային կայարան, թեթև, սննդի արդյունաբերություն, շինանյութերի կոմբինատ, ասֆալտ–բիտումի գործարան, մետաղամշակություն, անասնաբուծական–անասնաբուժական, կոոպերատիվ տեխնիկումներ, բժշկական, մանկավարժական ուսումնարաններ։ Մանասի մոտ կա բալնեոլոգիական առողջարան։

Քաղաքը հիմնադրվել է 1877-ին։ 2025 թվականի սեպտեմբերի 9-ին քաղաքային խորհուրդը որոշում կայացրեց քաղաքը վերանվանել ղրղզական էպոսի հերոս Մանասի անվամբ։

Արտաքին հղումներ

Վիքիպահեստն ունի նյութեր, որոնք վերաբերում են «Մանաս (քաղաք)» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 9, էջ 468)։