Մայա Փանջիկիձե

	Մայա Փանջիկիձե; վրաց.՝ მაია ფანჯიკიძე
Կուսակցություն՝	Վրացական երազանք
Կրթություն՝	Թբիլիսիի պետական համալսարան և Ենայի համալսարան
Մասնագիտություն՝	դիվանագետ և պաշտոնյա
Ծննդյան օր	հոկտեմբերի 16, 1960 (65 տարեկան)
Ծննդավայր	Թբիլիսի, Վրացական ԽՍՀ, ԽՍՀՄ
Քաղաքացիություն	Վրաստան
Ի ծնե անուն	վրաց.՝ მაია ფანჯიკიძე
Հայր	Guram Panjikidze?
Ինքնագիր
Maia Panjikidze

Մայա Փանջիկիձե (վրաց.՝ მაია ფანჯიკიძე , հոկտեմբերի 16, 1960(1960-10-16)^[1]^[2], Թբիլիսի, Վրացական ԽՍՀ, ԽՍՀՄ), վրացի պետական գործիչ և դիվանագետ։ 2012 թվականի հոկտեմբերից մինչև 2014 թվականի նոյեմբեր զբաղեցրել է Վրաստանի արտաքին գործերի նախարարի պաշտոնը։ Ավելի վաղ եղել է Վրաստանի դեսպանը Գերմանիայում (2004-2007 թվականներ) և Նիդերլանդներում (2007-2010 թվականներ)։

Վաղ կյանք

Մայա Փանջիկիձեն ծնվել է 1960 թվականի հոկտեմբերի 16-ին, Թբիլիսիում, նրա հայրը` Գուրամ Փանջիկիձեն, ֆանտաստ գրող էր, Վրաստանի գրողների միության նախագահն է եղել 1992-1997 թվականներին։ Բանասիրական կրթություն է ստացել Թբիլիսիի պետական համալսարանում և Ենայի համալսարանում։ Մինչև դիվանագիտական գործունեությանն անցնելը Փանջիկիձեն Թբիլիսիում աշխատել է որպես գերմաներենի ուսուցչուհի։ Նրա դիվանագիտական գործունեության մի նշանակալի շրջան կապված է Բեռլինում վրացական դեսպանատան հետ։ 2004 թվականին նա դարձել է Վրաստանի արտաքին գործերի նախարարի տեղակալ և Գերմանիայում Վրաստանի դեսպան (մինչև 2007 թվական)։ 2007-2010 թվականներին Մայա Փանջիկիձեն եղել է Վրաստանի դեսպանը Նիդերլանդներում։ 2010 թվականին, դիվանագիտական ծառայությունից հեռանալուց հետո նա հայտարարել է, որ դա արվել է քաղաքական դրդապատճառներով, քանի որ նրա ամուսնու եղբայրը` Իրակլի Ալասանիան ՄԱԿում Վրաստանի դեսպանի պաշտոնից հրաժարվելուց հետո, 2008 թվականին անցել է Վրաստանի նախագահ Միխեիլ Սաակաշվիլիի աշխատակազմի ընդդիմության շարքերը^[3]^[4]։

Ընդդիմության մեջ

2012 թվականին Մայա Փանջիկիձեն անցել է ընդդիմության շարքերը` դառնալով միլիարդատեր գործարար Բիձինա Իվանիշվիլիի ներկայացուցիչը, ով նույն տարվա մայիսին հիմնել է «Վրացական երազանք» կուսակցությունը` 2012 թվականի Վրաստանի խորհրդարանական ընտրություններում հակադրվելով այն ժամանակ իշխող «Միացյալ ազգային շարժում» կուսակցությանը։ Փանջիկիձեն հանդես է եկել որպես Իվանիշվիլիի ղեկավարած կոալիցիայի խոսնակ և շտաբի ղեկավար` ընտրական ծանր արշավի ժամանակ^[3]։

Արտաքին գործերի նախարար

Վրաստանի և ԱՄՆ-ի արտաքին գործերի նախարարները

2012 թվականի խորհրդարանական ընտրություններում «Վրացական երազանքի» հաղթանակից հետո Մայա Փանջիկիձեն 2012 թվականի հոկտեմբերի 25-ից զբաղեցրել է Վրաստանի արտաքին գործերի նախարարի պաշտոնը։ Այս պաշտոնում իր առաջին հայտարարություններում նա նշել է, որ Վրաստանի արտաքին քաղաքականության առաջնահերթություններն են ինտեգրումը Եվրամիության և ՆԱՏՕյի հետ, ռազմավարական համագործակցությունը ԱՄՆի հետ և հարևանների հետ լավ հարաբերությունների պահպանումը^[3]։ Փանջիկիձեն նաև նշել է, որ նոր կառավարությունը կձգտի հարաբերությունները կարգավորել Ռուսաստանի հետ, սակայն Վրաստանը չի վերականգնի դիվանագիտական հարաբերություններն այնքան ժամանակ, քանի դեռ Ռուսաստանը, որպես օկուպանտ երկիր, պահպանում է իր դեսպանատները Աբխազիայում և Հարավային Օսիայում^[4]^[5]։ 2014 թվականի նոյեմբերի 5-ին Մայա Փանջիկիձեն հրաժարվել է Արտաքին գործերի նախարարի պաշտոնից` որպես բողոքի նշան Իրակլի Ալասանիայի` Պաշտպանության նախարարի պաշտոնից հեռացման։

Ծանոթագրություններ

1 2 Դավոս 2014 մասնակիցների ցանկ
1 2 საქართველოს ბიოგრაფიული ლექსიკონი (վրաց.) — 2001.
1 2 3 Georgia's new FM to balance West and Russia Արխիվացված 2014-11-29 Wayback Machine. AFP via Expatica. 8 октября 2012.
1 2 По словам бывшего посла в Нидерландах, ее освободили без официальной причины. Civil Georgia. 16 марта 2010.
↑ New Georgian foreign minister calls US top strategic partner during Washington visit(չաշխատող հղում) . Ассошиэйтед Пресс via The Washington Post. 30 ноября 2012.

Վիքիպահեստն ունի նյութեր, որոնք վերաբերում են «Մայա Փանջիկիձե» հոդվածին։

[_dcb4c100e29a49d2-1] 1 2 Դավոս 2014 մասնակիցների ցանկ

[_924c18a4470d0053-2] 1 2 საქართველოს ბიოგრაფიული ლექსიკონი (վրաց.) — 2001.

[expatica-3] 1 2 3 Georgia's new FM to balance West and Russia Արխիվացված 2014-11-29 Wayback Machine. AFP via Expatica. 8 октября 2012.

[civil1-4] 1 2 По словам бывшего посла в Нидерландах, ее освободили без официальной причины. Civil Georgia. 16 марта 2010.

[5] New Georgian foreign minister calls US top strategic partner during Washington visit(չաշխատող հղում) . Ассошиэйтед Пресс via The Washington Post. 30 ноября 2012.

[1]

[2]

[3]

[4]

[5]