Մահվան պարգևներ

Վիքիպեդիայից՝ ազատ հանրագիտարանից
Jump to navigation Jump to search

Մահվան պարգևներ (անգլ.՝ Deathly Hallows) , «Հարրի Փոթեր» վիպաշարի երեք ամենահզոր մոգական առարկաներն են, որոնք պատրաստվել են Մահվան կողմից և տրվել են Պևերելների ընտանիքի երեք եղբայրներին: Ավագ փայտիկը ամենահզոր և անպարտելի փայտիկն էր մոգական աշխարհում, Վերակենդանացնող քարը կարող էր մահացածներին վերադարձնել իրենց հոգին, Անտեսանելիության թիկնոցը օգտագործողին դարձնում է անտեսանելի:

Մահվան պարգևների նշանը

Փայտիկի առաջին կրողը Անտիոչ Պևերելն էր, իսկ քարինը՝ Կադմոս Պևերելը: Ըստ պատմության նրանք վերջում մահանում են, իսկ Իգնատուս Պևերելը՝ թիկնոցի կրողը, ապրում է երկար տարիներ և մահվան պարգևը հանձնում որդուն:

Ըստ լեգենդի այն կախարդը, ով կտիրապետի երեք արտեֆակտներին կհամարվի մահվան տիրակալ: Դամբլդորը Հարրիին ասում էր, որ եթե մեկը ունենա երեք արտեֆակտները կդառնա անպարտելի, և որ Գրինդևալդ անունով կախարը փորձում էր հավաքել բոլորը: Լեգենդը առաջին անգամ հրատարակել է Բիդլ դը Բարդը, հետագայում նրա գրած հեքիաթը ընտանիքում փոխանցվեց ժառանգաբար որպես ընտանեկան լեգենդ:

Ոչ մի հրաշագործ, բացի Հարրի Փոթերը, չի կարողացել հավաքել բոլոր՝ երեք արտեֆակտները միաժամանակ և դառնալ մահվան տիրակալ: Սակայն նա քարը նետում է Արգելված Անտառ, իսկ փայտիկը վերադարձնում Դամբլդորի գերեզմանին: Դամբլդորը տիրապետել է երեք արտեֆակտներին ևս, սակայն երբեք բոլոր երեքը չի եղել նրա մոտ միաժամանակ, ինչպես Հարրիի մոտ:

Պատմություն[խմբագրել | խմբագրել կոդը]

Մահվան Պարգևների ստեղծումը[խմբագրել | խմբագրել կոդը]

Բիդլ դը Բարդի հեքիաթ[խմբագրել | խմբագրել կոդը]

Բիդլ դը Բարդի հեքիաթների ժողովածուի մեջ ներկայացվում է հեղինակի անձնական կարծիքը, թե ինչպես են ստեղծվել Մահվան Պարգևները: Հարյուրավոր տարիներ առաջ երեք Պևերել եղբայրները ճանապարհորդում էին մթնշաղին և հասնում են մի շատ վտանգավոր գետի, որը անցնել էր պետք: Երեք եղբայրները հմուտ էին մոգական արվեստում և հեշտությամբ, թափահարելով իրենց փայտիկները, կամուրջ կառուցեցին գետի վրա: Ապա մահը կանգնեցրեց նրանց և ասաց, որ ինքը իրեն խաբված է զգում, քանի որ շատերն են խողդվում այդ վտանգավոր գետում:

Մահը՝ խորամանկ ստախոսը, շնորհավորում է եղբայրներին և որպես պարգևատրություն խոստանում նրանց տալ իրենց ցանկացած մոգական իրերը: Ավագ եղբայրը՝ Անտիոչ Պեվերելը, խնդրում է աշխարհում ամենահզոր փայտիկը: Մահը մոտակա ծառից մի ճյուղ է կտրում և դարձնում աշխարհում գոյություն ունեցող ամենահզոր փայտիկը՝ Ավագ փայտիկը: Երկրորդ եղբայրը՝ Կադմուս Պևերելը, ցանկանալով ավելի շատ ծաղրել և նվաստացնել Մահին, խնդրում է սիրելիներին գերեզմանից հետ բերող քարը: Մահը վերցրեց գետի ափից մի քար և իր համար ստեղծեց Վերակենդանացնող քարը, մի քար, որը կարող է մահացածներին վերադարձնել կենդանի աշխարհ: Երրորդ եղբայրը՝ Իգնատուս Պևերելը, չվսատհելով մահվանը, խնդրում է այնպիսի բան, որ կարողանա աննկատ հեռանալ կամրջի մոտից: Մահը տալիս է նրան անտեսանելիության թիկնոցը, որը չի կորցնում իր ուժը անգամ կախարդանքներից և տարիները ընթացքում:

Երեք արտեֆակտները միասին կոչվում են Մահվան Պարգևներ:

Ալբուս Դամբլդորի թեորեմը[խմբագրել | խմբագրել կոդը]

Ալբուս Դամբլդորը կարծում էր, որ Պևերելները ոչ թե ստացել էին այդ երեք հզոր մոգական ուժ ունեցող արտեֆակտները մահից` ինչպես ասվում է լեգենդում, այլ ուղակի ինչ֊որ չար հրաշագործից։

Մահվան Պարգևների տեղաշարժը[խմբագրել | խմբագրել կոդը]

Անտիոչի սպանությունը[խմբագրել | խմբագրել կոդը]

Ստանալով Մահվան Պարգևները՝ երեք եղբայրներից յուրաքանչյուրը գնում է իր ճանապարհով: Անտիոչ Պեվերելը՝ մեծ եղբայրը ճանապարհորդում է դեպի մի կախարդական գյուղ, որտեղ նա սպանում է կախարդի, ում հետ անցյալում մենամարտել էր, ապա սկսում է հպարտանալ իր Ավագ փայտիկով, ասելով որ նա անպարտելի է՝ հարուցելով նախանձ այն մարդկանց մեջ ովքեր ցանկանում էին սեփականացնել փայտիկը: Նրա կոկորդը քնած ժամանակ կտրում է մի կախարդ, ով գողանում է Ավագ փայտիկը[1]:

Կադմուսի ինքնասպանությունը[խմբագրել | խմբագրել կոդը]

Կադմուսը վերադառնում է տուն և օգտագործելով Վերակենդանացնող քարը՝ կյանք վերադարձնում մի կնոջ, ում սիրել է նախկինում, սակայն խուճապի մատնվեց, երբ հասկացավ, որ նա գունատ է մնում և մահացածները երբեք չեն վերակենդանանում: Նա հասկացավ, որ աղջիկը սառն է, անկյանք և թշվառ կենդանի մարդկանց աշխարհում: Վերջում Կադմուսը ինքնասպանություն է գործում, ինքն իրեն կախելով, որպեսզի կարողանա իսկապես միանալ իր սիրած աղջկան[1]:

Իգնատուսի թիկնոցի փոխանցումը որդուն[խմբագրել | խմբագրել կոդը]

Իգնատուսը օգտագործեց թիկնոցը Մահվան կողմից աննկատ մնալու համար: Երբ նա արդեն խերացել էր, նա տալիս է իր թիկնոցը որդուն և ողջունում մահվանը ինչպես իր հին ընկերոջ[1]:

Թիկնոցը երկար ժամանակ փոխանցվում էր Պևերել ժառանգներին, իսկ երբ ավարտվեց ընտանիքի արական գիծը, թիկնոցը փոխանցվեց իգական գծի ժառանգներին: Ավագ Փայտիկը փոխանցվում էր կախարդից կախարդ, հիմնականում նախկին տիրոջ մահից հետո սպանողը տիրանում էր փայտիկին: Փոխանցվելու ժամանակ փայտիկը անվանվել է «Մահվան փայտիկ» կամ «Ճակատագրի փայտիկ»: Հետաքրքիր է այն, որ ոչ մի կախարդ երբեք չի հայտարարել, որ Ավագ փայտիկը իրեն է պատկանում: Վերակենդանացնող քարը նույնպես փոխանցվում էր Պևերեների ընտանիքի ժառանգներին: Այն ի վերջո հասնում է Գաունտ ընտանիքին, իսկ հետագայում գողացվել է Թոմ Մարվոլո Ռիդլի կողմից: Ոչ Թոմը, ոչ Մարվոլո Գաունտը չգիտեին քարի իրական ուժը, և չգիտեին որ դա Մահվան Պարգևներից մեկն է: Մալվոլոն հատկապես մտահոգված էր քարի ազնիվ ծագման վերաբերյալ և կարծում էր, որ քարը ուղղակի ընտանեկան զարդարանք է: Լորդ Վոլան դե Մորտը նույնպես չգիտեր քարի իրական ծագման մասին, քանի որ այն վերածել էր հորքրուքսի:

Մահվան Պարգևները կարևոր դեր են խաղացել Ալբուս Դամբլդորի, Գալերտ Գրինդևալդի և Հարրի Փոթերի կյանքում:[2]

Ներկա դրությունը[խմբագրել | խմբագրել կոդը]

Ավագ փայտիկ[խմբագրել | խմբագրել կոդը]

Քանի որ Հարրի Փոթերը ինչ-որ միտում չուներ Ավագ Փայտիկը օգտագործելու, նա միայն օգտագործեց Ավագ փայտիկը իր սեփական ջարդված փայտիկը վերականգելու համար: Նա վերադաձնում է փայտիկը Ալբուս Դամբլդորի գերեզմանին, որը գտնվում է Հոգվարթսի բակում:

Փայտիկի ավարտը տարբեր է ֆիլմում: Այնտեղ Հարրի Փոթերը Ավագ փայտիկը երկու կեսի է բաժանում և նետում անդունդը:

Վերակենդանացնող քար[խմբագրել | խմբագրել կոդը]

Երբ Հարրին երեք անգամ քարը իր ձեռքի մեջ շրջեց և իսկույն իր ծնողների, Սիրիուս Բլեքի և Ռեմուս Լյուփին ուրվականները հայտնվեցին իր կողքին, դրանից հետո Հարրին հրաժարվեց Վերակենդանացնող քարից և այն նետեց ինչ-որ տեղ Արգելված անտառում՝ Արագոգի բույնի մոտ[3]:

Անտեսանելիության թիկնոց[խմբագրել | խմբագրել կոդը]

Անտեսանելիության թիկնոցը Հարրի Փոթերը պահպանեց և փոխանցեց իր որդուն: Հարրի Փոթերը և անիծված երեխան գրքում նա ներկայացվում է որպես Անտեսանելիության թիկնոցի տերը:

Մահվան Պարգևների տերերը[խմբագրել | խմբագրել կոդը]

Ավագ Փայտիկի տերերը[խմբագրել | խմբագրել կոդը]

  • Անտիոչ Պևերոլ
  • Անտիոչ Պևերելին սպանողը
  • Եմերիք դի Եվիլ
  • Եգբերտ դի Եգրեգիոուս
  • Գոդլոտ
  • Հերևարդ
  • Բեռնաբաս Դևերիլ
  • Լոխիաս
  • Արքուս և/կամ Լիվիուս
  • Միկև Գրեգորովիչ
  • Գելերտ Գրինդևալդ
  • Ալբուս Դամբլդոր
  • Դրակո Մալֆոյ (չի օգտագործել)
  • Վոլան դե Մորտ (օգտագործել է բայց չի տիրապետել)
  • Հարրի Փոթեր

Վերակենդանացնող քարի տերերը[խմբագրել | խմբագրել կոդը]

Անտեսանելիության թիկնոցի տերերը[խմբագրել | խմբագրել կոդը]

  • Մահ
  • Իգնատուս Պևերել
  • Իգնատուս Պևերելի որդին
  • Իոլանդե Պևերել
  • Փոթերների ընտանիքի անդամ
  • Հենրի Փոթեր
  • Ֆլեամոնտ Փոթեր
  • Ջեյմս Փոթեր
  • Ալբուս Դամբլդոր (երբեք չի օգտագործել)
  • Հարրի Փոթեր
  • Ջեյմս Ս. Փոթեր
  • Ալբուս Փոթեր

Մահվան տիրակալներ[խմբագրել | խմբագրել կոդը]

Հարրի Փոթերը միակ մահվան տիրակալն էր, քանի որ տիրապետել է բոլոր երեք արտեֆակտներին և որը ամենակարևորն է՝ ընունել է մահը: Որպես իրական մահվան տիրակալ նա հասկանում էր, որ մահը անխուսափելի է և որ մահից ավելի վատ բաներ կան, քանի մահը: Սակայն Հարրին երբեք չի տիրապետել երեք ատեֆակտներին միաժամանակ, այլ միայն երկուսը: Ալբուս Դամբլդորը նույնպես ունեցել է բոլոր երեք Մահվան պարգևները, սակայն երբեք չի տիրապետել երեք ատեֆակտներին միաժամանակ, այլ միայն երկուսին և չի օգտագործել Անտեսանելիության թիկնոցը:

Ծանոթագրություններ[խմբագրել | խմբագրել կոդը]

  1. 1,0 1,1 1,2 «The Tales of Beedle the Bard (real)»։ Harry Potter Wiki (անգլերեն)։ Վերցված է 2018-08-30 
  2. «2007: Accio Quote!, the Largest Archive of J.K. Rowling quotes on the web»։ www.accio-quote.org։ Վերցված է 2018-08-30 
  3. «Harry Potter and the Philosopher's Stone»։ Harry Potter Wiki (անգլերեն)։ Վերցված է 2018-08-30