Մահմոնա Խան

Վիքիպեդիայից՝ ազատ հանրագիտարանից
Jump to navigation Jump to search
Մահմոնա Խան
Դիմանկար
Ծնվել էհոկտեմբերի 16, 1973(1973-10-16) (47 տարեկան)
ԾննդավայրՕսլո, Նորվեգիա
ՔաղաքացիությունFlag of Norway.svg Նորվեգիա
Կրոնիսլամ
ԿրթությունBredtvet videregående skole?, Wang Toppidrett?, Norwegian Institute of Journalism? և Q11992440?
Մասնագիտությունգրող, լրագրող և մանկագիր
Կայքmahmonakhan.no
Mahmona Khan Վիքիպահեստում

Մահմոնա Խան (հոկտեմբերի 16, 1973(1973-10-16), Օսլո, Նորվեգիա), նորվեգացի հեղինակ, լրագրող և հանրային բանախոս[1]։

Վաղ կյանք և լրագրողական կարիերա[խմբագրել | խմբագրել կոդը]

Խանը ծնվել է 1973 թվականին Նորվեգիայում։ 1970-ական թվականների սկզբին նրա ծնողներն արտագաղթել են Օսլո[2]։ Խանը մեծացել է Օսլոյի հարևանությամբ գտնվող Ռոմսաս քաղաքում[3], սակայն սկսած 8-11 տարեկանից՝ ապրել է Պակիստանում[4]։

Մասնագիտական գործունեությունը սկսել է 1995 թվականից «X-plosiv» ամսագրում, որը նախատեսված էր փոքրամասնություն կազմող երիտասարդների համար[5]։ Ավելի ուշ ամսագիրը դարձավ կայք, որը Խանը խմբագրում էր 2007-2010 թվականներին։

1998 թվականին Խանը որպես քաղաքական լրագրող աշխատել է «Dagbladet» ամսագրի համար, իսկ ավելի ուշ՝ 2000-2009 թվականներին՝ Նորվեգական արհմիությունների կոնֆեդերացիայի «LO-aktuelt» ամսագրի համար[5]։

2010 թվականին Խանը Նորվեգիայի երկու ներկայացուցիչներից մեկն էր Ձեռնարկատիրության մասին առաջին նախագահական գագաթնաժողովում, որի մասին նախագահ Բարաք Օբաման հայտարարեց 2009 թվականին Կահիրեում ունեցած ելույթի ժամանակ։ Գագաթնաժողովի նպատակն էր ամրապնդել մուսուլմանական համայնքների ձեռնարկատերերի և բիզնես ղեկավարների կապերը ամբողջ աշխարհի և Միացյալ Նահանգների հետ[6]։

Գրքեր[խմբագրել | խմբագրել կոդը]

2009 թվականին Խանը հրատարակեց «Նայելով հետ, երբ պակիստանցիները եկան Նորվեգիա» (Tilbakeblikk – Da pakistanerne kom, անգլ.՝ Looking back – When the Pakistanis came to Norway) գիրքը։ Դրանում ներկայացվում է հինգ պակիստանցիների կյանքը, ովքեր 1970-ականներին որպես աշխատող ներգաղթեցին Նորվեգիա և մինչև վերջ մնացին այնտեղ, թեև դա հաճախ ի սկզբանե պլանավորվում էր։ Այդ մարդկանցից մեկն իր հայրն էր։ Նորվեգիայում պակիստանցի տղամարդիկ սովորաբար աշխատում էին գործարաններում, մաքրության ոլորտում կամ իբրև տրամվայի վարորդ։ Կանայք հիմնականում չէին աշխատում։ Խանն ընդգծում է առաջին սերնդի դժվարություններն ու սահմանափակումները և պատմում այն մասին, թե ինչպես էին նրանք ջանում Նորվեգիայում պակիստանցիների երկրորդ սերնդի համար ստեղծել ավելի լավ հնարավորություններ, քան իրենք ունեին[7]։

Նազնին Խան-Օսթրիմի հետ միասին Խանը համահեղինակել է Utilslørt – Muslimske råtekster (անգլ.՝ Unveiled - Muslim Raw Sketches) գիրքը, որը հրատարակվել է 2011 թվականին։ Գրքում ներկայացված են Նորվեգիայում 19 մուսուլման կանանց պատմությունները[8]։

Խանի առաջին նովելը՝ «Կեղտոտ ձյունը» (Skitten snø, անգլ.՝ Dirty Snow), հրատարակվել է 2011 թվականին։ Գիրքը նվիրված է երիտասարդությանը և ներկայացնում է բռնաբարության ենթարկված պակիստանցի մի աղջկա պատմությունը։ Պատմվում է, թե ինչպես նա և Գրորուդալենից երեք աղջիկ վրեժ լուծեցին առանց ոստիկանությանը պատմելու, քանի որ դա կվնասեր աղջիկների ընտանիքների հեղինակությանը։ Գիրքը ստացել է լայն տարածում և հիմնականում արժանացել դրական գնահատականների։

Խանի հաջորդ նովելը՝ «Օսլոյից մինչև Լահոր» (Fra Oslo til Lahore, անգլ.՝ From Oslo to Lahore), հրատարակվել է 2013 թվականին[3]։

Անձնական կյանք[խմբագրել | խմբագրել կոդը]

Մահմոնա Խանն ամուսնացած է, ունի երկու երեխա[4]։ Ընտանիքն ապրում է Օսլոյի Նորդսթրենդ հատվածում[2]։

Ծանոթագրություններ[խմբագրել | խմբագրել կոդը]

  1. Khan, Mahmona Archived 2017-01-10 at the Wayback Machine. Aschehoug. Retrieved 2 March 2014
  2. 2,0 2,1 Kristin Trosvik (3 September 2009) Det første møtet med Norge Nordstrand Blad. Retrieved 2 March 2014
  3. 3,0 3,1 Hun er superstjerne på bibliotekene Dagbladet. Retrieved 2 March 2014.
  4. 4,0 4,1 Tilbakeblikk på et arbeidsliv Archived 2014-03-02 at Archive.is Seniorpolitikk.no. Retrieved 2 March 2014
  5. 5,0 5,1 Tore Letvik (12 April 2013) Føl eierskap til Norge Archived 2014-03-02 at the Wayback Machine. Dagsavisen. Retrieved 2 March 2014
  6. Kristin Trosvik (16 March 2010) Norsk forfatter møter Obama Nordstrand Blad. Retrieved 2 March 2014
  7. Kadafi Zaman (9 September 2009) Da pakistanerne kom til Norge… Archived 2014-03-02 at the Wayback Machine. TV2 (blog). Retrieved 2 March 2014
  8. Viser mangfold NRK. Retrieved 2 March 2014

Գրականություն[խմբագրել | խմբագրել կոդը]

  • Tilbakeblikk – Da pakistanerne kom til Norge. Pax forlag 2009 ISBN 9788253032313
  • Utilslørt – Muslimske råtekster. Aschehoug forlag 2011
  • Skitten Snø. Aschehoug forlag 2011
  • Fra Oslo til Lahore. Aschehoug 2013
  • Når du minst venter det. Aschehoug 2015
  • Epletreet. Ena forlag 2017

Արտաքին հղումներ[խմբագրել | խմբագրել կոդը]