Մակա Բոչորիշվիլի

Մակա Բոչորիշվիլի; վրաց.՝ მაკა ბოჭორიშვილი
Ծնվել է	օգոստոսի 15, 1978 (47 տարեկան)
Ծննդավայր	Թբիլիսի, Վրացական ԽՍՀ, ԽՍՀՄ
Քաղաքացիություն	Վրաստան
Մասնագիտություն	քաղաքական գործիչ, դիվանագետ և փաստաբան
Զբաղեցրած պաշտոններ	Վրաստանի խորհրդարանի պատգամավոր
	Maka Botchorishvili Վիքիպահեստում

Մակա Բոչորիշվիլի (վրաց.՝ მაკა ბოჭორიშვილი, օգոստոսի 15, 1978(1978-08-15)^[1], Թբիլիսի, Վրացական ԽՍՀ, ԽՍՀՄ), վրացի քաղաքական գործիչ «Վրացական երազանք - ժողովրդավարական Վրաստան» կուսակցությունից։ 2024 թվականի նոյեմբերի 28-ից՝ Վրաստանի արտաքին գործերի նախարարը^[2]։

Կենսագրություն

1999 թվականին ավարտել է Վրաստանի դիվանագիտական ակադեմիան՝ միջազգային հարաբերությունների/դիվանագիտության որակավորմամբ, իսկ 2000 թվականին՝ Թբիլիսիի պետական համալսարանի իրավաբանական ֆակուլտետը^[3]^[4]:

1999-2004 թվականներին եղել է Վրաստանի Արտաքին գործերի նախարարության իրավաբանական վարչության ստաժոր, կցորդ, երկրորդ քարտուղար։ 2002-2005 թվականներին աշխատել է որպես դասախոս Վրաստանի Դիվանագիտական ակադեմիայում^[3]։

2005-2009 թվականներին եղել է Բելգիայում Վրաստանի դեսպանատան և Եվրոպական Միությունում (ԵՄ) Վրաստանի ներկայացուցչության երկրորդ քարտուղար, 2005 թվականին՝ Վրաստանի Արտաքին գործերի նախարարության միջազգային իրավական դեպարտամենտի առաջին քարտուղար^[3]։

2009-2010 թվականներին զբաղեցրել է Վրաստանի արտաքին գործերի նախարարության եվրոպական ինտեգրման դեպարտամենտի ԵՄ-Վրաստան հարաբերությունների բաժնի ղեկավարի պաշտոնը: 2010-2014 թվականներին եղել է Բելգիայում Վրաստանի դեսպանատան և Եվրամիությունում Վրաստանի ներկայացուցչության խորհրդական^[3]:

2013 թվականին պարգևատրվել է Վրաստանի Պատվո շքանշանով^[5]:

2014-2015 թվականներին զբաղեցրել է Վրաստանի արտաքին գործերի նախարարության եվրոպական ինտեգրման դեպարտամենտի փոխտնօրենի պաշտոնը։ 2015-2017 թվականներին եղել է Ավստրիայի Վիեննայում գտնվող միջազգային կազմակերպություններում արտակարգ և լիազոր դեսպան^[6]:

2017-2018 թվականներին զբաղեցրել է Վրաստանի արտաքին գործերի նախարարության գործերի ժամանակավոր հավատարմատարի պաշտոնը: 2018-2020 թվականներին եղել է Բելգիայում արտակարգ և լիազոր դեսպան և ԵՄ-ում Վրաստանի ներկայացուցչության ղեկավար^[7]:

2020 թվականի ընտրություններում ընտրվել «Վրացական երազանք - ժողովրդավարական Վրաստան» կուսակցության ցուցակով։ Խորհրդարանում եղել է Եվրոպական ինտեգրման հանձնաժողովի նախագահ և միջազգային հարաբերությունների հանձնաժողովի անդամ^[4]:

2020 թվականից՝ «Վրացական երազանքի» քաղաքական խորհրդի անդամ է^[5]:

2024 թվականի նոյեմբերի 28-ին խորհրդարանը հաստատել է նրա արտաքին գործերի նախարարի պաշտոնին ստանձնելը^[2]:

Արտաքին գործերի նախարարության ղեկավարի պաշտոնում իր առաջին պաշտոնական այցը կատարել է 2025 թվականի հունվարի 16-ին՝ այցելելով Ադրբեջան^[8]:

Բացի մայրենի վրացերենից, խոսում է նաև անգլերեն, ռուսերեն, ֆրանսերեն և իտալերեն։ Ունի դուստր^[4]։

Քաղաքական հայացքներ

Եվրախորհրդարանի Վրաստանի վերաբերյալ 2022 թվականին քննադատական բանաձևի ընդունմանը ի պատասխան՝ հայտարարել է, որ նեղ խմբերը փորձում են «գրավել» Եվրախորհրդարանը՝ իրենց քաղաքական շահերն իրականացնելու համար^[4]:

2023 թվականին, երբ ընդդիմությունը մեղադրել է «Վրացական երազանքին» Եվրամիությունից հեռանալու և ռուսական մոդելի վրա հիմնված օրենքներ ընդունելու ձգտման մեջ, Բոչորիշվիլին հակադարձել է. «Եվրամիությունը Խորհրդային Միություն չէ: Մենք ցանկանում ենք անդամակցել Եվրամիությանը՝ վրացական ինքնությունը, արժանապատվությունը, վրացական ինքնիշխանությունը և Վրաստանի ապագա սերունդների ազատությունը պաշտպանելու, այլ ոչ թե անկյունում կանգնելու համար»^[4]:

Այն բանից հետո, երբ Եվրահանձնաժողովը 2024 թվականի հոկտեմբերի 30-ին չի առաջարկել Վրաստանի՝ Եվրամիությանը անդամակցելու վերաբերյալ բանակցություններ սկսել, քաղաքական գործիչը հայտարարել է, որ եվրաինտեգրացիայի դադարեցման մասին խոսակցությունները որևէ հիմք չունեն^[4]։

Հաստատվել է «Գործակալների մասին» օրենքը, որի խորհրդարանական աջակցությունը հանգեցրել է բողոքի ցույցերի 2023 և 2024 թվականներին^[4]:

Ծանոթագրություններ

↑ ^1,0 ^1,1 საქართველოს ბიოგრაფიული ლექსიკონი (վրաց.) — 2001.
↑ ^2,0 ^2,1 თამარ ელისაშვილი (2024 թ․ նոյեմբերի 28). «საქართველოს პარლამენტმა მთავრობის შემადგენლობას მხარი დაუჭირა». პირველი არხი - 1TV.GE (վրացերեն). Վերցված է 2025 թ․ փետրվարի 28-ին.
↑ ^3,0 ^3,1 ^3,2 ^3,3 «მაკა ბოჭორიშვილი». საქართველოს პარლამენტი (վրացերեն). Վերցված է 2025 թ․ փետրվարի 28-ին.
↑ ^4,0 ^4,1 ^4,2 ^4,3 ^4,4 ^4,5 ^4,6 სოფო აფრიამაშვილი (2024 թ․ նոյեմբերի 25). «სამი ყოფილი დეპუტატი და მომავალი მინისტრები - რა ვიცით მათზე». რადიო თავისუფლება (վրացերեն). Վերցված է 2025 թ․ փետրվարի 28-ին.
↑ ^5,0 ^5,1 «Minister of Foreign Affairs». Ministry of Foreign Affairs of Georgia (անգլերեն). Վերցված է 2025 թ․ փետրվարի 28-ին.
↑ «მაკა ბოჭორიშვილი». საქართველოს პარლამენტი (վրացերեն). Վերցված է 2025 թ․ փետրվարի 28-ին.
↑ «მაკა ბოჭორიშვილი». საქართველოს პარლამენტი (վրացերեն). Վերցված է 2025 թ․ փետրվարի 28-ին.
↑ «აზერბაიჯანში მაკა ბოჭორიშვილის ოფიციალური ვიზიტი დაიწყო». პირველი არხი - 1TV.GE (վրացերեն). 2025 թ․ հունվարի 16. Վերցված է 2025 թ․ փետրվարի 28-ին.

Վիքիպահեստն ունի նյութեր, որոնք վերաբերում են «Մակա Բոչորիշվիլի» հոդվածին։

[_9f3509e9d9e6b17e-1] 1,0 ^1,1 საქართველოს ბიოგრაფიული ლექსიკონი (վրաց.) — 2001.

[1TV.GE-2] 2,0 ^2,1 თამარ ელისაშვილი (2024 թ․ նոյեմբերի 28). «საქართველოს პარლამენტმა მთავრობის შემადგენლობას მხარი დაუჭირა». პირველი არხი - 1TV.GE (վրացերեն). Վերցված է 2025 թ․ փետրվարի 28-ին.

[Парламент_Грузии-3] 3,0 ^3,1 ^3,2 ^3,3 «მაკა ბოჭორიშვილი». საქართველოს პარლამენტი (վրացերեն). Վերցված է 2025 թ․ փետրվարի 28-ին.

[Радио_Свобода-4] 4,0 ^4,1 ^4,2 ^4,3 ^4,4 ^4,5 ^4,6 სოფო აფრიამაშვილი (2024 թ․ նոյեմբերի 25). «სამი ყოფილი დეპუტატი და მომავალი მინისტრები - რა ვიცით მათზე». რადიო თავისუფლება (վրացերեն). Վերցված է 2025 թ․ փետրվարի 28-ին.

[Ministry_of_Foreign_Affairs_of_Georgia-5] 5,0 ^5,1 «Minister of Foreign Affairs». Ministry of Foreign Affairs of Georgia (անգլերեն). Վերցված է 2025 թ․ փետրվարի 28-ին.

[Парламент_Грузии5-6] «მაკა ბოჭორიშვილი». საქართველოს პარლამენტი (վրացերեն). Վերցված է 2025 թ․ փետրվարի 28-ին.

[Парламент_Грузии6-7] «მაკა ბოჭორიშვილი». საქართველოს პარლამენტი (վրացերեն). Վերցված է 2025 թ․ փետրվարի 28-ին.

[8] «აზერბაიჯანში მაკა ბოჭორიშვილის ოფიციალური ვიზიტი დაიწყო». პირველი არხი - 1TV.GE (վրացերեն). 2025 թ․ հունվարի 16. Վերցված է 2025 թ․ փետրվարի 28-ին.

[1]

[2]

[3]

[4]

[5]

[6]

[7]

[8]