Մաթիաս Բել

Վիքիպեդիայից՝ ազատ հանրագիտարանից
Jump to navigation Jump to search
Մաթիաս Բել
Bél Mátyás-001.jpg
Ծնվել էմարտի 22, 1684(1684-03-22)
ԾննդավայրԲանկա Բիստրիկա, Zólyom County, Հունգարիայի թագավորություն
Վախճանվել էօգոստոսի 29, 1749(1749-08-29)[1][2][3] (65 տարեկանում)
Վախճանի վայրԲրատիսլավա, Հաբսբուրգի միապետություն[2]
Մասնագիտությունգրող, պատմաբան, աստվածաբան, մանկավարժ և բանաստեղծ
Լեզուլատիներեն[1]
Ազգությունհունգարացիներ
ԿրթությունՀալլե-Վիտենբերգի համալսարան
ԱնդամակցությունԼոնդոնի թագավորական ընկերություն և Պրուսիայի գիտությունների ակադեմիա
ՊարգևներԼոնդոնի թագավորական ընկերության անդամ
Matthias Bel Վիքիպահեստում

Մաթիաս Բել (գերմ.՝ Matthias Bel; հունգ.՝ Bél Mátyás; սլովակ.՝ Matej Bel; լատ.՝ Matthias Belius, մարտի 22, 1684(1684-03-22), Բանկա Բիստրիկա, Zólyom County, Հունգարիայի թագավորություն - օգոստոսի 29, 1749(1749-08-29)[1][2][3], Բրատիսլավա, Հաբսբուրգի միապետություն[2]), լյութերական քահանա և Հունգարիայի թագավորության էրուդիտ: Նա հայտնի է նաև որպես Հունգարիայի Մեծ հերոս (Magnum Decus Hungariae): Բելն իրեն բնութագրում է «lingua Sla-vus, natione Hungarus, eruditione Germanus»-ում («լեզվով` սլավոնական, ազգությամբ` հունգարացի, Էրուդիցիայով` գերմանացի»)[4][5]:

Կենսագրություն[խմբագրել | խմբագրել կոդը]

Մաթիաս Բելը ծնվել է Օչովայում (Ocsova), Հունգարիայի թագավորություն (այժմ Očová, Սլովակիա):

Ըստ որոշ աղբյուրների, սլովակերեն, նա իրեն համարում էր էթնիկ Սլովակ[6][7][8][][9], չնայած Բելն անվանել է իրեն «լեզվով` սլավոնական, ազգությամբ` հունգարացի, Էրուդիցիայով` գերմանացի»: 1710 թվականին նա ամուսնացել է Հունգարիայից էթնիկ գերմանուհի Սյուզաննա Հերմանի հետ: Նրանք ունեցան ութ երեխա:

Բելը հաճախել է Լուչենեցի (Losonc), Կալինովոյի (Kálnó) և Դոլնա Ստրեհովայի (Alsósztregova) դպրոցներ, ապա սովորել է Բանսկա Բիստրիցայի (Besztercebánya) և Պրեսբուրգի (այժմ Բրատիսլավա), որոշ ժամանակ` Վեսպրեմի գիմնազիաներում և Պապա քաղաքի կալվինական քոլեջում: 1704-1706 թվականներին ուսանել է աստվածաբանություն, փիլիսոփայություն և բժշկություն Հալլեի համալսարանում և Մագդեբուրգի մոտ մոտ գտնվող Klosterbergen դպրոցում նշանակվել է ավագ քահանա: Ավելի ուշ, վերադառնալով Հունգարիայի թագավորություն, դարձել է ռեկտորի օգնական, իսկ ավելի ուշ` Բանսկա Բիստրիցայի լյութերական գիմնազիայի ռեկտոր, որտեղ նա միաժամանակ նաև քահանա էր: 1714-1719 թվականներին Լյութերական գիմնազիայի ռեկտոր էր, ապա Պրեսբուրգի գերմանական լյութերական եկեղեցու քահանա:

Բելը մահացել է 1749 թվականի օգոստոսի 29-ին: Թաղվել է Պրեսբուրգում:

Ընտիր աշխատություններ[խմբագրել | խմբագրել կոդը]

Բելը խոսում էր սլովակերեն, հունգարերեն և գերմաներեն, սակայն նրա ստեղծագործությունները հիմնականում լատիներեն էին լույս տեսնում:

Բելն իր կյանքի ընթացքում երբեք չի տպագրվել սլովակյան լեզվով[10]: Սլովակերենի գրավոր ձևակերպման առաջին փորձը կատարվել է միայն 1787 թվականին` արդեն նրա մահվանից հետո: Երկրի ներսում սլովակյան ապստամբները այդ ժամանակ օգտագործեցին այսպես կոչված աստվածաշնչյան չեխերենը, որով կատարվեց Աստվածաշնչի թարգմանությունը, հայտնի որպես Կրալիկի Աստվածաշունչ[11]:

Բելի հայտնի ստեղծագործություններից մեկը հանդիսանում է Institutiones linguae Germanicae-ն (գերմանական քերականության կանոններ), գրված լատիներեն հունգարացիների համար: Քերականության հրատարակությունը լույս է տեսել 1730 թվականին Հալլեում Գերմանիայում սովորող հունգարացի ուսանողների համար[10]: Նա նաև գրել է «Der ungarische Sprachmeister» («Հունգարական լեզվի ուսուցիչ») հայտնի գիրքը, գերմանացիների համար հունգարական քերականությունը[10]:

Ժառանգություն[խմբագրել | խմբագրել կոդը]

Բելն աշխատել է մանկավարժության, փիլիսոփայության, բանասիրության, պատմության և տեսական աստվածաբանության բնագավառներում, նա եղել է հունգարական աշխարհագրական գիտության հիմնադիրը, նկարագրական ազգագրության և տնտեսագիտության հիմնադիր: Լինելով պիետիզմի առաջատար գործիչ, Բելը հոգևոր գործեր է գրել լյութերական ժամասացության լեզվով:

Որպես ուսուցիչ Բելը գրքեր է գրել բնագիտության դասերի համար, որոնց մեջ ընդգծել է տեսողական գործիքների անհրաժեշտությունը: Նրա ուսուցման մեթոդները մեծ ազդեցություն ունեցան Հունգարիայում կրթական համակարգի կատարելագործման վրա:

Որպես բանասեր, Բելն առաջինն էր ուսումնասիրել հունգարական ռուները, ներդրում ունեցել հունգարական գրական լեզվի զարգացման մեջ, գրել է հունգարական, լատինական և գերմանական քերականություններ:

Պատվո նշաններ և պարգևներ[խմբագրել | խմբագրել կոդը]

Բելի ստեղծագործությունները ճանաչման և հարգանքի են արժանացել Թագավորության սահմաններից դուրս. նա մի շարք արտասահմանյան գիտական ընկերությունների անդամ էր` Բեռլինում Պրուսիայի գիտությունների ակադեմիայի, Լոնդոնի թագավորական ընկերության[12]:

Մաթիաս Բելը բարձրացել է ազնվական աստիճանի Սրբազան Հռոմեական կայսրության կայսր Կառլ VI-ի կողմից և ստացել ոսկե մեդալիոն իր (Բելի) սեփական դիմանկարով Պապի Կլեմենտ XII-ի կողմից:

Մաթիաս Բելի համալսարանը (Univerzita Matei Bela) Բանսկա Բիստրիցայում կրում է իր անունը:

Հրատարակություններ[խմբագրել | խմբագրել կոդը]

  • Forma sacrorum verborum (Halle, 1707)
  • Compendium (1713)
  • Invitatio ad symbola conferenda dum historia linguae hungaricae libri II…edere parat… (Berolini, 1713)
  • Grammatica Latina (Leutschoviae, 1717)
  • Rhetorices veteris et novae praecepta (Lipsiae, 1717)
  • Institutiones linguac germanicae et slavicae in Hungaria ortu (Leutschoviae, 1718)
  • De vetera literatura hunnoscythica exercitatio (Lipsiae, 1718)
  • Christophori Cellarii latinitatis probatae et exercitae liber memorialis naturali ordine dispositus (Norimbergae, 1719)
  • Flos medicinae scholae Salernitanae (Posonii, 1721)
  • Hungariae antiquae et novae prodromus (Norinbergae, 1723)
  • Preces christianae (Lipsiae, 1728)
  • Die Gatt suchende Seele (1729)
  • Der ungarische Sprachmeister. (Pressburg, 1729)
  • Adparatus ad historiam Hungariae. Decades II. (Posonii, 1735-46)
  • Notitia Hungariae novae historico-geographica. Partis I. Tom. I—IV. Partis II. Tom. V. Viennae, (1735-42)
  • Compendium Hungariae geographicum (Posonii, 1753)
  • Kurze und zuverlässige Nachricht von dem Zustande der protestantischen Kirche in Ungarn
  • Compendiolum regnorum Slavoniae, Croatiae, Dalmatiae, Gallicae et Lodomeriae. Posonii et Cassoviae (1777)
  • Miscellanea Berolinensia (1734)

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 data.bnf.fr: տվյալների բաց շտեմարան — 2011.
  2. 2,0 2,1 2,2 2,3 2,4 2,5 German National Library, Berlin State Library, Bavarian State Library et al. Record #119315416 // Gemeinsame Normdatei — 2012—2016.
  3. 3,0 3,1 3,2 SNAC — 2010.
  4. Rainer Rudolf, Ulreich Eduard (1988)։ Karpatendeutsches biographisches Lexikon, Arbeitsgemeinschaft der Karpatendeutschen aus der Slowakei (1 ed.)։ Stuttgart։ էջ 368։ ISBN 3-927096-00-8 
  5. Weston Evans Robert John (2006)։ Austria, Hungary, and the Habsburgs:Essays on Central Europe։ Oxford University Press։ էջեր 139–140։ ISBN 0-19-928144-0 
  6. Kníchal, O., Kniha o M. Belovi v maďarčine — Posledný veľký polyhistor. Ľudové noviny, available at: http://www.luno.hu/mambo/index.php?option=content&task=view&id=4564&Itemid=104(չաշխատող հղում)
  7. Fraňo, J. : Múdry Matej alebo rozprávanie o Matejovi Belovi a jeho dobe.
  8. Jozef Fraňo: A tudós Bél
  9. Doležal, Pavel: Grammatica Slavico-Bohemica, 1746
  10. 10,0 10,1 10,2 A Magyar Irodalom Története II. (History of Hungarian literature) (Hungarian)։ Hungarian Academy of Sciences։ ISBN 963-05-1641-1 
  11. «Bibličtina (Biblical Czech language)» (սլովակերեն)։ [1]։ Վերցված է October 26, 2011 
  12. «Library and Archive Catalogue»։ Royal Society։ Վերցված է December 12, 2010 (չաշխատող հղում)

Արտաքին հղումներ[խմբագրել | խմբագրել կոդը]