Մազո դե լա Ռոշ

Վիքիպեդիայից՝ ազատ հանրագիտարանից
Մազո դե լա Ռոշ
Mazo de la Roche.jpg
Ծննդյան անունMaisie Louise Roche
Ծնվել էհունվարի 15, 1879(1879-01-15)[1][2][3]
ԾննդավայրՆյումարքեթ, Օնտարիո, Կանադա[4]
Վախճանվել էհուլիսի 12, 1961(1961-07-12)[5][6][1][…] (82 տարեկան)
Վախճանի վայրՏորոնտո, Կանադա
Գրական անունMazo de la Roche
Մասնագիտությունվիպասան, գրող, դրամատուրգ և վիպասան
Լեզուանգլերեն
ՔաղաքացիությունFlag of Canada (1957–1965).svg Կանադա
Ուշագրավ աշխատանքներJalna?
Commons-logo.svg Mazo de la Roche Վիքիպահեստում

Մազո դե լա Ռոշ (/də lə ˈrɒʃ/; ծննդյամբ՝ Maisie Louise Roche; հունվարի 15, 1879(1879-01-15)[1][2][3], Նյումարքեթ, Օնտարիո, Կանադա[4] - հուլիսի 12, 1961(1961-07-12)[5][6][1][…], Տորոնտո, Կանադա), կանադացի արձակագիր և դրամատուրգ, իր ժամանակի ամենահայտնի գրքերից մեկի՝ «Ջալնա» վեպի հեղինակը։

Կենսագրություն[խմբագրել | խմբագրել կոդը]

Մազո (Մեյզի) Ռոշը ծնվել է Նյումարկետում, (Օնտարիո), 1879 թվականի հունվարի 15-ին[7][8]։ Եղել է Ուիլյամ Ռոշի և Ալբերտա Լուիզ Լանդիի միակ զավակը[9]։ Մազոն իր մանկության մի քանի տարի անցկացրել է Օրիլիայում՝ մոր ծնողների հետ, իսկ մեծ մասը՝ Տորոնտոյում։ Փոքր տարիքում Մացոն շեշտել է իր ազգանվան ֆրանսիական ծագումը` դրան ավելացնելով «Դե լա»։ Երբ Ռոշը յոթ տարեկան էր, նրա ծնողները որդեգրել են իր ութամյա որբ զարմիկ Քերոլայն Քլեմենտին։ Նրա հետ Մազոն ապրել է 70 տարի։

Մացոն 13 տարեկանում սկսել է հաճախել մասնավոր դպրոց, հետագայում ավարտել է Տորոնտոյի համալսարանը և կրթություն ստացել Օնտարիոյի արվեստի դպրոցում։ Մազո դե լա Ռոշը պատմվածքներ է գրել Առաջին համաշխարհային պատերազմից առաջ, 1920-ական թվականներին հրատարակել է 2 վեպ։ Նրա առաջին մեծ հաջողությունը տեղի է ունեցել 1927 թվականին, երբ հրատարակվել է նրա «Ջալնա» վեպը։ Վեպը «Atlantic Monthly» գրական ամսագրի կողմից արժանացել է 10․000 ԱՄՆ դոլարի։ Վեպը 16 գլխից բաղկացած վիպաշար է։ Ջալնան կալվածք է, որտեղ ապրում են Ուայթոկների ընտանիքը։ Վեպում նկարագրված էընտանիքի 100-ամյա պատմությունը։ «Ջալնա» վեպը որպես պիեսը երկար ժամանակ հաջողություն է ունեցավ Լոնդոնի, Նյու Յորքի և Տորոնտոյի թատրոններում, այն հետագայում հիմք է հանդիսացել հոլիվուդյան «Ջալնա» ֆիլմի համար[10]։ Société Radio-Canada Կանադայի ռադիոյի և հեռուստատեսության պետական ընկերությունը վեպի հիման 1972 թվականին նկարահանել է հեռուստասերիալ։ Վեպի առանձին բաժիններ հասել են գրական հաջողության։ Վեպի շարքի ստեղծագործությունները վաճառվել են ընդհանուր տպաքանակով 9 միլիոն օրինակով։

Իր ստեղծագործական գործունեության տարիներն Մացո դե լա Ռոշը գրել է 23 վեպ, 13 պիես և մոտ 50 պատմվածք։ Երկրորդ համաշխարհային պատերազմի տարիներին «Doubleday» ամերիկյան հրատարակիչ ընկերության պատվերով նա գրել է Քվեբեկ քաղաքի գեղարվեստական ​​պատմությունը։ 1957 թվականին լույս տեսել գրողի ինքնակենսագրականը՝ «Փոփոխությունների ծանուցում» (անգլ.՝ Ringing the Changes) վերնագրով։

Գրողի աշխատությունների հիմնական ընթերցողները Կանադայից դուրս էր՝ ԱՄՆ-ում և Եվրոպայում, քանի որ կանադացիները կարծում էին, որ նրա ստեղծագործույունները շատ հեռու են Կանադայի իրական կյանքից։ Դե լա Ռոշի գրքերը լավ վաճառվել են մինչև 1960-ական թվականները, սակայն պատերազմից հետո ստեղծագործությունները բացասական արձագանքներ են ստացել քննադատների կողմից։ Սովետական մեծ հանրագիտարանում նշվել է, որ նրա ստեղծագործությունների կերպարները հեռու են սոցիալական խնդիրներից, և սյուժեները կառուցվում են միայն ընտանեկան հարաբերությունների շուրջ։ Միևնույն ժամանակ Կանադական հանրագիտարանը նշել է, որ գրողի նախապատերազմյան ստեղծագործություններն առանձնանում են լավ գծագրված կերպարներով, բարձրորակ երկխոսություններով և նուրբ դիտարկումներով։ Հանրագիտարանը սխալ է համարոել Դե լա Ռոշի ամբողջ ստեղծագործության վերաբերյալ բացասական գնահատական ​​տարածելու փորձը։

Դե լա Ռոշը մահացել է 1961 թվականին Տորոնտոյում, հուղարկավորվել է է Ջորջինայի Սուրբ Գեորգի անգլիկան եկեղեցու գերեզմանատանը։ Նրա գերեզմանը գտնվում է կանադացի գրող Սթիվեն Բաթլեր Լիքոքի գերեզմանի մոտ։ Մի քանի տարի անց Քերոլայն Քլեմենտը թաղվել է նրա կողքին[11]։

1976 թվականին Դե լա Ռոշը Կանադայում ճանաչվել է ազգային պատմական նշանակության դեմք[12]։ Նրա ծննդավայր Նյումարկետում 1990 թվականին ֆրանսիական հանրակրթական դպրոցը անվանակոչվել է նրա պատվին[13]։

Ծանոթագրություններ[խմբագրել | խմբագրել կոդը]

  1. ↑ 1,0 1,1 1,2 1,3 1,4 FemBio database (գերմ.)
  2. ↑ 2,0 2,1 Բրոքհաուզի հանրագիտարան (գերմ.) / Hrsg.: Bibliographisches Institut & F. A. Brockhaus, Wissen Media Verlag
  3. ↑ 3,0 3,1 Կերպարվեստի արխիվ — 2003.
  4. ↑ 4,0 4,1 4,2 Blain V., Grundy I., Clements P. The Feminist Companion to Literature in English: Women Writers from the Middle Ages to the Present — 1990. — P. 279.
  5. ↑ 5,0 5,1 5,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
  6. ↑ 6,0 6,1 6,2 Internet Broadway Database — 2000.
  7. ↑ Crowe-Grande Trish (9 August 2020)։ «Exploring the early years of Newmarket literary icon Mazo de la Roche»։ NewmarketToday.ca (անգլերեն)։ Վերցված է 4 February 2021 
  8. ↑ «Mazo de la Roche»։ Encyclopedia Britannica (անգլերեն)։ Վերցված է 4 February 2021 
  9. ↑ archive-url=https://web.archive.org/web/20130411201223/http://www.sharontemple.ca/pdf/Genealogy%20(By%20Family)/family_willson.pdf http://www.sharontemple.ca/pdf/Genealogy%20(By%20Family)/; archive-url=https://web.archive.org/web/20130411201223/http://www.sharontemple.ca/pdf/Genealogy%20(By%20Family)/family_willson.pdf 
  10. ↑ Джална (1935)
  11. ↑ Exploring the early years of Newmarket literary icon Mazo de la Roche
  12. ↑ «de la Roche, Mazo National Historic Person»։ Parks Canada, Directory of Federal Heritage Designations (անգլերեն)։ Արխիվացված է օրիգինալից 2022-06-07-ին։ Վերցված է 2022-06-10 
  13. ↑ «Mazo de la Roche P.S.»։ York Region District School Board։ Վերցված է May 6, 2019 

Արտաքին հղումներ[խմբագրել | խմբագրել կոդը]

 ⛭ 
  Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Մազո_դե_լա_Ռոշ&oldid=8636426» էջից