Մազագլուխ

Մազագլուխ (լատին․՝ Trichuris trichiura, Trichocephalus trichiuris), մակաբույծ կլոր որդ։ Մարմինը սպիտակավուն է, երբեմն կարմրավուն, առջևի (գլխային) մասը խիստ բարակ է, մազանման (այստեղից՝ մազագլուխ անվանումը), ետին (պոչային) մասը հաստ է, արուների մոտ՝ պարուրաձև ոլորված։ Արուների երկարությունը 30-40 մմ է, էգերինը՝ 35-50 մմ։ Մազանման մասում գտնվում է կերակրափողը, հաստում՝ աղիքները և սեռական օրգանները։ Բազմանում է ձվադրությամբ։ Մակաբուծում է մարդու կույր աղիքում (հազվադեպ՝ որդանման ելունում, հաստ կամ ուղիղ աղիքում)։ Զարգանում է առանց միջնորդ տիրոջ, առաջացնում է տրիխոցեֆալոզ հիվանդությունը։ Կաղապար:Կենդանիներ-անավարտ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 130)։