Մադրիդյան դերբի
| Մարզաձև | ֆուտբոլ  | |
|---|---|---|
| Երկիր | Իսպանիա | |
| Վայր | Մադրիդ | |
| Մասնակից թիմ | Ատլետիկո Մադրիդ, Ռեալ Մադրիդ | |
Մադրիդյան դերբի (իսպ.՝ El Derbi madrileño), մադրիդյան դերբին ֆուտբոլային խաղ է «Ռեալ Մադրիդի» և «Ատլետիկո Մադրիդի» միջև։ Երկու թիմերի միջև մրցակցության պատմությունը սկիզբ է առնում 1906 թվականից և ներկայումս ներառում է 286 խաղ բոլոր մրցաշարերում[1]։
Պատմություն
[խմբագրել | խմբագրել կոդը]Իսպանիայի մայրաքաղաքի երկու ամենահաջողակ ֆուտբոլային ակումբների միջև մրցակցությունն ունի նաև սոցիալական չափում: «Ռեալ Մադրիդը» ավանդաբար աջակցություն է ստանում մայրաքաղաքի միջին և բարձր խավերից: «Ռեալ Մադրիդի» տնային մարզադաշտը՝ «Սանտյագո Բերնաբեու» մարզադաշտը, գտնվում է Մադրիդի հյուսիսում՝ հեղինակավոր Չամարտին թաղամասում: Թիմի մականուններից է «Լոս Մերենգեսը» (ավանդաբար թարգմանվում է որպես «Սերուցքայինները»), որը վերաբերում է այն խմորեղենին, որը 20-րդ դարի սկզբին հասանելի էր միայն հարուստ քաղաքացիներին[2]:
Ատլետիկո Մադրիդին աջակցում են բանվոր դասի անդամները[3]։ Ակումբի նոր[4] մարզադաշտը՝ «Ցիվիտաս Մետրոպոլիտանո»-ն, գտնվում է Մադրիդի հյուսիս-արևելքում՝ Սան Բլաս-Կանիլեխաս շրջանում։ Ատլետիկոյի մականուններից մեկն է «Ապստամբի արտաշնչումները» (իսպ.՝ sentimiento de rebeldía):
Ֆրանկիստական Իսպանիայի վաղ շրջանում «Ատլետիկո Մադրիդը» իսպանական ֆուտբոլի առաջատարներից մեկն էր՝ Իսպանիայի ռազմաօդային ուժերի հետ ունեցած կապերի շնորհիվ։ Սակայն Ֆրանկոյի ռեժիմը հետագայում ավելի ու ավելի էր աջակցում «Ռեալ Մադրիդին», որին նա համարում էր միջազգային ասպարեզում «դեսպան», որը կարող էր տիտղոսներ նվաճել քաղաքական մեկուսացման պայմաններում։
Մինչև 1950-ականների կեսերը ակումբները դերբիներում մոտավորապես հավասար արդյունքներ ունեին, բայց հետո «Ռեալ Մադրիդը», որը պարծենում էր դարաշրջանի լավագույն խաղացողներով, սկսում է գերիշխել։ Իրավիճակը կարճ ժամանակով փոխվում է 1970-ականներին, երբ «Ատլետիկոն» մի քանի ցավալի պարտություններ պատճառում իր «Լոս Բլանկոսներին», բայց «Ռեալ Մադրիդը» հետագայում շարունակում է գերիշխանությունը։ 1980-ականներին «Ատլետիկո Մադրիդը» երկու անգամ 4-0 հաշվով ջախջախում է «Ռեալ Մադրիդին» «Սանտիագո Բեռնաբեուում», բայց դրանք զուտ տեղական հաջողություններ էին, քանի որ «Ռեալ Մադրիդը» հիմնականում հաղթում է Իսպանիայի առաջնությունում։ 1990-ական և 2000-ական թվականներին «Ատլետիկո Մադրիդը» չի կարողանում դիմակայել իր մրցակիցներին. իրականում, «Ատլետիկո Մադրիդը» չի կարողանում հաղթել «Ռեալ Մադրիդին» 14 տարի շարունակ (1999-2013): Ամեն ինչ փոխվում է Դիեգո Սիմեոնեի՝ ներքնակների արտադրողների գլխավոր մարզչի պաշտոնում գալուց հետո։ Նրա ղեկավարությամբ «Ռեալ Մադրիդը» 2013 թվականի Իսպանիայի գավաթի եզրափակչում պարտվում է 2-1 հաշվով, իսկ հաջորդ տարի «Ատլետիկոն» նվաճում է Իսպանիայի առաջնությունը՝ վերջին հաղթանակից 18 տարի անց, և հասնում Չեմպիոնների լիգայի եզրափակիչ։ 2014-2015 թվականների ընթացքում «Արքայական ակումբը» յոթ խաղից բաղկացած անպարտելի շարք է ունենում «հնդիկների» դեմ։ Այդ խաղերից մեկում «Ատլետիկոն» տոնում է 4-0 հաշվով հաղթանակ։
Մադրիդյան դերբիում ամենաշատ մասնակցություն ունեցած ֆուտբոլիստներն են Սերխիո Ռամոսը և Կոկեն՝ 43 խաղ[5]։
Չեմպիոնների լիգա
[խմբագրել | խմբագրել կոդը]Չեմպիոնների լիգայի առաջին կիսաեզրափակիչը տեղի է ունեցել դեռևս 1959 թվականին[6]։ Այն ժամանակ եզրափակիչի մասնակիցը որոշելու համար անհրաժեշտ էր երեք խաղ։ Հաղթում է «Ռեալ Մադրիդը» և նվաճում մրցաշարի գավաթը։
Հաջորդ հանդիպումը տեղի է ունեցել մրցաշարի եզրափակչում՝ 2014 թվականին։ «Ռեալ Մադրիդը» լրացուցիչ ժամանակում հաղթել է 4-1 հաշվով՝ նվաճելով իր տասներորդ գավաթը։ «Գալակտիկոսները» իրենց առաջին գոլը խփել են 93-րդ րոպեին՝ պաշտպան Սերխիո Ռամոսի շնորհիվ, ինչը խաղը տեղափոխել է լրացուցիչ ժամանակ։ Թիմերը հանդիպել են մեկ տարի անց՝ քառորդ եզրափակիչում. «Ռեալ Մադրիդը» հաղթել է «Ատլետիկոյին» ընդհանուր 1-0 հաշվով և անցել կիսաեզրափակիչ՝ վերջ դնելով հարևանների դեմ յոթ խաղից բաղկացած անպարտելի շարքին։
2016 թվականին թիմերը եվրոպական ասպարեզում հանդիպել են երրորդ անգամ անընդմեջ՝ Միլանի եզրափակչում, որտեղ հիմնական և լրացուցիչ ժամանակներում 1-1 ոչ-ոքիից հետո «Ռեալը» հետխաղյա 11 մետրանոց հարվածաշարում հաղթել է 5-3 հաշվով և նվաճել իր 11-րդ Եվրոպական գավաթը։
2017 թվականին «Ռեալ Մադրիդը» կիսաեզրափակչի առաջին խաղում հաղթում է «Սանտիագո Բեռնաբեուում» 3-0 հաշվով։ Ի վերջո, «Ռեալ Մադրիդը» հաղթում է «Ատլետիկոյին» ընդհանուր 4-2 հաշվով՝ երկրորդ մրցաշրջանը անընդմեջ դուրս գալով եզրափակիչ։ Հատկանշական է, որ պատասխան խաղը «Ատլետիկոյի» վերջին եվրոպական ելույթն էր «Վիսենտե Կալդերոն» մարզադաշտում։ «Մատրասագործները» 2017/18 մրցաշրջանում տեղափոխվում են «Ցիվիտաս Մետրոպոլիտանո» մարզադաշտ։
ՈՒԵՖԱ-ի Սուպեր գավաթ
[խմբագրել | խմբագրել կոդը]Մադրիդյան ակումբները հանդիպել են Եվրոպայի Սուպերգավաթի խաղում չորեքշաբթի՝ 2018 թվականի օգոստոսի 15-ին։ «Ռեալ Մադրիդը» որակավորվել է մրցաշարին՝ հաղթելով ՈՒԵՖԱ-ի Չեմպիոնների լիգան, իսկ «Ատլետիկո Մադրիդը» որակավորվել է մրցաշարին՝ հաղթելով ՈՒԵՖԱ-ի Եվրոպա լիգան։ Սա մրցաշարի պատմության մեջ առաջին դեպքն էր, երբ նույն քաղաքի ակումբները խաղում են միմյանց դեմ։ «Ատլետիկո Մադրիդը» լրացուցիչ ժամանակում հաղթում է «Ռեալ Մադրիդին» 4-2 հաշվով։
Ծանոթագրություններ
[խմբագրել | խմբագրել կոդը]- ↑ «Los números del derbi madrileño». UEFA.com (իսպաներեն). Արխիվացված է օրիգինալից 2018-07-25-ին. Վերցված է 2018-08-10-ին.
- ↑ «Вокруг света за 60 дерби: «Реал» — «Атлетико»» — sport-express.ru. Արխիվացված օրիգինալից 2016-08-11-ին. Վերցված է 2016-05-29-ին.
{{cite web}}: no-break space character in|title=at position 33 (օգնություն) - ↑ El origen de la rivalidad entre el Atlético de Madrid y el Real Madrid Արխիվացված 2025-01-25 Wayback Machine. COPE
- ↑ «Atlético Madrid's new stadium coming along a treat | English». AS (անգլերեն). Արխիվացված է օրիգինալից 2018-07-10-ին. Վերցված է 2018-08-10-ին.
- ↑ «Sergio Ramos beats Derby record». Real Madrid CF. 2020-12-12. Արխիվացված օրիգինալից 2020-12-18-ին. Վերցված է 2020-12-12-ին.
- ↑ «Atlético Madrid — Record against Real Madrid» (անգլերեն). worldfootball.net. Արխիվացված օրիգինալից 2018-08-10-ին. Վերցված է 2018-08-10-ին.
{{cite web}}: no-break space character in|title=at position 16 (օգնություն)