Ճնճղաձուկ
| Ճնճղաձուկ | ||
|---|---|---|
 | ||
| Գիտական դասակարգում | ||
|
||
| Լատիներեն անվանում | ||
| Cyclopterus lumpus
Linnaeus, 1758
| ||
|
|
Ճնճղաձուկ, պինագոր կամ կլորալողակ (լատին․՝ Cyclopterus lumpus), սկորպենակերպերի կարգի կլորալողակայինների ընտանիքին պատկանող ձկնատեսակ։
Ընտանիքի կարևորագույն ներկայացուցիչներից է։ Սկանդինավյան թերակղզու երկրներում ճնճղաձուկը օգտագործվում է լայնորեն արդյունաբերության մեջ։
Բացի այդ, Մերձալթյան երկրներում՝ Լատվիայում, Էստոնիայում և Լիտվայում, ճնճղաձկան ձկնկիթը ներկում են սև գույնի և աղ դնելուց հետո վաճառում։ Այն վերածվում է մորեների խավիարի, որը հյուսիսեվրոպացիները վաճառում են «կավիար» պիտակով։
Տարածվածություն
[խմբագրել | խմբագրել կոդը]Տարածված է հիմնականում հյուսիսային բարեխառն գոտում, մասնավորապես՝ Սպիտակ և Բարենցի ծովերում։ Հանդիպում է հյուսիսային երկրների ափերի մոտ։
Տարբեր եղանակներին հանդիպում են Գրենլանդիայի, Իսլանդիայի, Մեծ Բրիտանիայի, Դանիայի, Շվեդիայի, Նորվեգիայի, Ֆինլանդիայի, Մերձբալթիկայի ափերի մոտ։
Նկարագրություն
[խմբագրել | խմբագրել կոդը]Մարմնի երկարությունը հասնում է 60 սմ-ի և կշռում է 5 կգ։ Մարմինը գնդաձև է, հատկապես հաստ է առջի մասը։ Պոչի հատվածը բավականին կարճ է և կողմնային մասերից սեղմված։
Մարմինն արտաքինից ծածկված է ոսկրային թմբիկներով։ Ապրում է ծովերի հատակի թարերի արանքում։ Ձվադրման շրջանում դառնում է դարչնակարմրավուն։ Դա պայմանավորված է փոփոխական մարմնի գույնով։ Ճնճղաձկան փորի հատվածի լողակները կարմրավարդագույն են. մեջքը մուգ է, կապտագորշ[1]։
Ծանոթագրություններ
[խմբագրել | խմբագրել կոդը]- ↑ Հ․Ջ․ Գրիգորյան, Ողնաշարավորներ, Հայերեն կենդանաբանական տերմինաբանություն (վերլուծություն և սկզբունքներ) (խմբ. Հ․Գ․ Խաչատրյան), «ՀՀ ԳԱԱ Գիտություն հրատարակչություն», 2008, էջ 81 — 264 էջ. — 300 հատ, ISBN 978-5-8080-0723-9։
 | Վիքիցեղերն ունի նյութեր, որոնք վերաբերում են «Ճնճղաձուկ» հոդվածին։ |
 | Վիքիպահեստն ունի նյութեր, որոնք վերաբերում են «Ճնճղաձուկ» հոդվածին։ |
| ||||||||||||||
