Ճահճախնկենի

Վիքիպեդիայից՝ ազատ հանրագիտարանից
Jump to navigation Jump to search
Ճահճախնկենի
Ծաղկած Ճահճախնկենի
Ծաղկած բույսի ընդհանուր տեսքը
Գիտական դասակարգում
Թագավորություն Բույսեր
Լատիներեն անվանում
Ledum palustre
L. (1753)
Հոմանիշներ
  • Ledum tomentosum Stokes (1812)
  • Rhododendron palustre (L.) Kron & Judd (1990)
  • Rhododendron tomentosum Harmaja (1990)
Հատուկ պահպանություն

Wikispecies-logo.svg
Դասակարգումը
Վիքիցեղերում

Commons-logo.svg
Պատկերներ
Վիքիպահեստում




Ճահճախնկենի (լատ.՝ Lédum palústre), Հովամրգիների ընտանիքից է: Մշտադալար թփուտ է, խիստ թմրեցուցիչ հոտով, մեկ մետր բարձրությամբ: Ծաղկում է մայիս - հուլիս ամիսներին, պտուղները հասունանում են օգոստոսին, հանդիպում է ճահիճներում, անտառներում: Բժշկության մեջ կիրառվում է բույսի վերգետնյա մասը: Այն հավաքում են ամռան վերջին և աշնանը: Ճյուղերը կտրում են դանակով, չորացնում բաց, ստվերոտ տեղում: Չոր հումքը ունի խեժին բնորոշ հոտ: Չորացնելու ժամանակ հարկավոր է լինել շատ զգույշ, քանի որ ճահճախնկենին թունավոր է:

Քիմիական կազմը[խմբագրել | խմբագրել կոդը]

Պարունակում է եթերայուղ, գլիկոզիդ էրիկոլին, դաբաղող նյութեր, ֆլավոնոիդներ:

Բուժական ազդեցությունը[խմբագրել | խմբագրել կոդը]

Խորխաբեր է, ունի հակահազային և մանրէասպան հատկություններ: Որոշ չափով հայտնի են բույսի հանգստաբեր և քրտնամուղ հատկությունները: Կիրառվում է սուր և խրոնիկական տրախեիտների, բրոնխիտների, հատկապես բրոնխիալ ասթմայի, կծկումային էնտերոկոլիտների, ռևմատիզմի, հոդատապի, էկզեմաների ժամանակ:

Կիրառման եղանակները: Ջրաթուրմ[խմբագրել | խմբագրել կոդը]

Պատրաստել քսան գրամ հումքը մեկ ու կես բաժակ ջրում թրմելով: Խմել երկու ժամը մեկ անգամ, մեկ ճաշի գդալ: Այս ջրաթուրմը կիրառվում է շնչառական օրգանների հիվանդությունների ժամանակ: Եթե հոդատապի կամ հոդացավի բուժման համար է, ապա ջրաթուրմը պատրաստել հետևյալ կերպ. քսանհինգ գրամ բույսը ութից տասը ժամ թրմել մեկ լիտր եռման ջրում, տաք տեղում: Խմել 1/2 բաժակ, օրական չորսից հինգ անգամ, ուտելուց հետո:

Եփուկ[խմբագրել | խմբագրել կոդը]

Կիրառվում է մաշկային հիվանդությունների ժամանակ, արտաքին օգտագործման նպատակով: Բույսը եփել համապատասխան եղանակով, կարագի հետ: Միշտ պետք է հիշել, որ ճահճախնկենին թունավոր է և այս բույսով բուժումը պետք է կատարվի բացառապես բժշկի հսկողությամբ և խորհրդով:

Աղբյուր[խմբագրել | խմբագրել կոդը]

  • Է. Գ. Ղուկասյան - Բուժում դեղաբույսերով: Երևան: «Նարեկացի» 1992 թվական էջ 73