Ղևոնդ Շաքարյան

Վիքիպեդիայում կան հոդվածներ Շաքարյան ազգանունով այլ մարդկանց մասին։

Ղևոնդ Շաքարյան
Ծնվել է	նոյեմբերի 20, 1900(1900-11-20) Շուշի, Ելիզավետպոլի նահանգ, Ռուսական կայսրություն
Մահացել է	հունիսի 30, 1961(1961-06-30) (60 տարեկան) Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ
Մասնագիտություն	տնտեսագետ
Հաստատություն(ներ)	Բանվորա-գյուղացիական Կարմիր բանակ և Երևանի պետական համալսարան
Ալմա մատեր	Վրաստանի տեխնիկական համալսարան (1924)
Գիտական աստիճան	տնտեսագիտության դոկտոր (1949) և պրոֆեսոր (1949)
Պարգևներ
Կուսակցություն	ԽՄԿԿ

Ղևոնդ Լևոնի Շաքարյան (նոյեմբերի 20, 1900(1900-11-20), Շուշի, Ելիզավետպոլի նահանգ, Ռուսական կայսրություն - հունիսի 30, 1961(1961-06-30), Երևան, Հայկական ԽՍՀ, ԽՍՀՄ), հայ խորհրդային տնտեսագետ։ Տնտեսագիտական գիտությունների դոկտոր (1949), պրոֆեսոր (1949)։ ԽՄԿԿ անդամ 1945 թվականից։

Կենսագրություն

1919-1920 թվականներին ծառայել է կարմիր բանակում։ 1924 թվականին ավարտել է Թիֆլիսի պոլիտեխնիկական ինստիտուտի տնտեսագիտության ֆակուլտետը։ 1925 թվականից աշխատել է ՀԽՍՀ Պետպլանում (եղել է ճյուղային բաժինների պետ, ընտրվել նախագահության անդամ)։ Մասնակցել է ՀԽՍՀ ժողտնտեսության հեռանկարային պլանների մշակմանը, եղել ՀԽՍՀ Գերագույն սովետի բյուջետային հանձնաժողովի խորհրդատու։ 1929 թվականից դասախոսել է Երևանի համալսարանում, 1932 թվականից՝ ֆինանսներ և վարկի ամբիոնի վարիչ։ 1955 թվականից՝ էկոնոմիկայի և իրավունքի (հեռակա), 1957 թվականից՝ տնտեսագիտության ֆակուլտետի դեկան։

Աշխատությունները վերաբերում են ՀԽՍՀ պետական բյուջեի, ֆինանսական և վարկային համակարգի զարգացման հարցերին։ Պարգևատրվել է աշխատանքային կարմիր դրոշի շքանշանով։

Երկեր

• Ֆինանսները և սոցիալիստական շինարարությունը ՀԽՍՌ -ում 40 տարում, Երևան, 1960։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 473)։