Ղազախստանի նախագահ
| Ղազախստանի նախագահ Қазақстан Республикасының Президенті | |
|---|---|
 | |
| Լիազորության ժամկետ | 5 տարի |
| Կայք | Հղում |
Ղազախստանի Հանրապետության նախագահ (ղազ.՝ Қазақстан Республикасының Президенті), պետության բարձրագույն պաշտոնատար անձն է և Ղազախստանի Հանրապետության զինված ուժերի գերագույն գլխավոր հրամանատարը։ Նրա լիազորությունները սահմանվում են Ղազախստանի Հանրապետության Սահմանադրության հատուկ բաժնով։
1990 թվականի ապրիլի 24-ից Ղազախստանի նախագահն է Նուրսուլթան Նազարբաևը[1] (ղազ.՝ Нұрсұлтан Әбішұлы Назарбаев):
Սահմանադրական կարգավիճակ[խմբագրել | խմբագրել կոդը]
Ղազախստանի Հանրապետության նախագահը պետության գլուխն է, նրա բարձրագույն պաշտոնատար անձը, որը սահմանում է պետության ներքին և արտաքին քաղաքականության հիմնական ուղղությունները և Ղազախստանը ներկայացնում է երկրի ներսում և միջազգային հարաբերություններում։
Ղազախստանի Հանրապետության նախագահը ըստ սահմանադրության՝
- ժողովրդի միասնության և պետական իշխանության, Սահմանադրության անսասանության, մարդու և քաղաքացու իրավունքների և ազատությունների խորհրդանիշ և երաշխավոր։
- ապահովում է պետական իշխանության բոլոր ճյուղերի և ժողովրդի առաջ պատասխանատու մարմինների համաձայնեցված գործունեությունը։
- իրավունք ունի հանդես գալու ժողովրդի և պետության անունից։
Հանրապետության նախագահի և նրա ընտանիքի ապահովումը, սպասարկումը և պահպանությունը իրականացվում են պետության հաշվին։
Ղազախստանի Հանրապետության նախագահի տարբերանշաններ[խմբագրել | խմբագրել կոդը]
Հանրապետության նախագահն ունի տարբերանշաններ՝ կրծքանշան և Ղազախստանի Հանրապետության նախագահի շտանդարտ։
Հանրապետության նախագահն ի պաշտոնե դառնում է Ալթին Կիրան շքանշանի ասպետ[2] («Ոսկե Արծիվ»)։