Ձմեռային հեքիաթ (մուլտֆիլմ, 1981)

Ձմեռային հեքիաթ
Տեսակ	կարճամետրաժ մուլտիպլիկացիոն ֆիլմ
Ժանր	հեքիաթ
Ռեժիսոր	Յուրի Բուտիրին
Սցենարիստ	Սերգեյ Կոզլով
Հնչյունավորում	Գեորգի Բուրկով, Կլարա Ռումյանովա և Գեորգի Վիցին
Երաժշտություն	Վիկտոր Կուպրևիչ
Երկիր	ԽՍՀՄ
Ընկերություն	Էկրան
Տևողություն	559 վայրկյան
Պրիկվել	Տրյամ: Բարև ձեզ
Սիկվել	Աշնանային նավակներ
Թվական	1981

Ձմեռային հեքիաթ (ռուս.՝ Зимняя сказка), խորհրդային նկարված մուլտֆիլմ^[1], որը նկարահանվել է ռեժիսոր Յուրի Բուտիրինի կողմից, «Սերգեյ Կոզլովի հեքիաթները» շարքից։ Մուլտֆիլմն այն մասին է, թե ինչպես էր ոզնին ամբողջ ձմեռ բուժում արջուկին այն բանից հետո, երբ նա չափից դուրս շատ ձյուն էր կերել։

Սյուժե[խմբագրել | խմբագրել կոդը]

Գալիս է ձմեռը։ Ողջ անտառը ծածկված էր ձյունով։ Արջուկը այնպես էր ուրախացել, որ վազում էր և ցատկում ձյունակույտերով։ «Գեղեցկությո՜ւն,-գոռում է նա։ Այս ամբողջը պետք է ուտել»։ Խածկտիկն ասում է նրան. «Դու ինչո՞ւ ես պառկել ձյան վրա։ Կմրսես»։ «Ոչ, ես կուտեի այս ամբողջը։ Ողջ այս գեղեցկությունը։ Ես կուտեմ և հետո կարող եմ մի որոշ ժամանակ քնել»- պատասխանում է արջուկը։ Եվ նա լողանում է ձյան մեջ, ուտում է ձյունը և հաշվում է ձյան փաթիլները։ Իսկ երբ մրսում է, այդ ժամանակ վերադառնում է տուն և մտնում է վերմակի տակ։ Արջուկը պառկած էր, և նրան թվում էր, թե ինքը դեռ պտտվում է ձյան փաթիլների հետ։ «Ես ձյան փաթիլն եմ», կրկնում էր նա։ Խածկտիկը թռչում է ոզնու մոտ և նրան ասում. «Քո ընկեր արջուկը ձյուն է կերել»։ Այդ ժամանակ ոզնին հավաքում է զամբյուղը և վազում է արջուկի մոտ։ Ողջ ձմեռ նա ջանասիրաբար խնամում է հիվանդին։ Երբ պատուհանից կախված սառույցների կաթիլները զրնգում են, արջուկը լավանում է և արթնանում է, բայց ոչինչ չի հիշում իր հիվանդության մասին։ Տուն գնալով` ոզնին տխուր ասում է. «Չի հիշում։ Իսկ ողջ ձմեռ ինքն իրեն ասում էր, թե ինքը ձյան փաթիլ է։ Իսկ ես այնպես էի վախենում, որ նա հալվելու է գարնանը»։

Հեղինակներ[խմբագրել | խմբագրել կոդը]

Ռեժիսոր	Յուրի Բուտիրին
Սցենարի հեղինակ	Սերգեյ Կոզլով
Բեմադրող նկարիչ	Ալեքսանդր Ելիզարով
Նկարիչներ	Ժաննա Կորյակինա, Սվետլանա Սիչկար, Ալեքսանդր Բրեժնև, Տատյանա Վելիկորոդ, Օլգա Կիսելյովա, Նատալյա Դմիտրիևա
Նկարիչ-մուլտիպլիկատորներ	Յուրի Բուտիրին, Ալեքսանդր Ելիզարով, Իգոր Սամոխին
Օպերատոր	Իգոր Շկամարդա
Կոմպոզիտոր	Վիկտոր Կուպրևիչ
Հնչյունային օպերատոր	Վիտալի Ազարովսկի
Դերերը հնչյունավորել են	Կլարա Ռումյանովա` Ոզնի, Գեորգի Բուրկով` Արջուկ, Գեորգի Վիցին` Խածկտիկ
Ռեժիսորի օգնական	Գալինա Չերնիկովա
Մոնտաժող	Լյուբով Գեորգիևա
Խմբագիր	Ելենա Խոդինա
Տնօրեն	Լիդիյա Վարենցովա

Հեղինակները ներկայացված են ըստ մուլտֆիլմի լուսագրերի։

Մուլտֆիլմեր ոզնու և արջուկի մասին[խմբագրել | խմբագրել կոդը]

Ոզնու և արջուկի մասին մուլտֆիլմեր ստեղծել է ոչ միայն ռեժիսոր Յուրի Բուտիրինը, այլև ուրիշ ռեժիսորներ` տարբեր ոճերով.

«Ոզնին մշուշում» (1975 թվական), ռեժիսոր` Յուրի Նորշտեյն
«Ինչպես ոզնին ու արջուկը դիմավորեցին Նոր տարին» (1975 թվական), ռեժիսոր` Ալլա Գրաչովա
«Եթե ընկնում են աստղերը...» (1978 թվական), ռեժիսոր` Ալլա Գրաչովա
«Տրյամ։ Բարև ձեզ» (1980 թվական), ռեժիսոր` Յուրի Բուտիրին
«Ձմեռային հեքիաթ» (1981 թվական), ռեժիսոր` Յուրի Բուտիրին
«Աշնանային նավակներ» (1982 թվական), ռեժիսոր` Յուրի Բուտիրին
«Զարմանալի տակառը» (1983 թվական), ռեժիսոր` Յուրի Բուտիրին
«Ինչպես են ոզնին և արջուկը փոխում երկինքը» (1985 թվական) ռեժիսոր` Նատալյա Մարչենկովա

Վերաթողարկում DVD և VHS ձևաչափերով[խմբագրել | խմբագրել կոդը]

«Ձմեռային հեքիաթը» ընդգրկվել է մուլտֆիլմերի VHS հավաքածուի մեջ։

1997 թվականին «Ձմեռային հեքիաթը» ընդգրկվել է «Վիդեո միություն» և «Դինար» ընկերությունների մուլտֆիլմերի հավաքածուի մեջ` հետևյալ մուլտֆիլմերի հետ` «Կախարդական քարայծը», «Սլաքավարը», «Ձմեռային հեքիաթ», «Հավատում ես, չես հավատում», «Գետնամորու անձրև», «Արժեքավոր բանդերոլը», «Պատմություն միավորի հետ», «Համարյա չհորինված պատմություն», «Միխալկովի առակները»։

Մուլտֆիլմը բազմիցս վերահրատարակվել է DVD ձևաչափով մուլտֆիլմերի հավաքածուներում.