Ձերժինսկու փողոց (Տագանրոգ)
Անվան այլ կիրառումների համար տե՛ս՝ Ձերժինսկու փողոց (այլ կիրառումներ)
| Ձերժինսկու փողոց ռուս.՝ Улица Дзержинского | |
|---|---|
 «Ուղեփակոց» հուշանշան (Ձերժինսկու փող. և Պետրոսի փող. անկյուն) | |
| Երկիր |  Ռուսաստան |
| Գտնվում է | Տագանրոգ |
| Երկարություն | 4565 ± 1 մետր |
| Սկիզբ | Ֆրունզեի փողոց |
| Ավարտ | Տրանսպորտնայա փողոց |
| Նախկին անվանում | Մոսկատովի փողոց |
| Փոստային ինդեքս | 347928 և 347905 |
| Յանդեքս Քարտեզներում | |
| Գուգլ Քարտեզներում | |
Ձերժինսկու փողոց (ռուս.՝ Улица Дзержинского), ՌԴ Ռոստովի մարզի Տագանրոգ քաղաքի ամենաերկար փողոցներից մեկը։
Աշխարհագրություն[խմբագրել | խմբագրել կոդը]
Ձերժինսկու փողոցը գտնվում է Ֆրունզեի փողոցի և Մոսկատովի փողոցի միջև` միմյանց միացնելով կայարաններին մոտ գտնվող երկու հրապարակները` Ապստամբության հրապարակը և Կայարանամերձ հրապարակը։ Երկարությունը 4565 մետր է[1]։ Տների համարակալումը սկսվում է Ֆրունզեի փողոցից։
Պատմություն[խմբագրել | խմբագրել կոդը]
Նախկին անվանումը` Ստարոպոչտովայա փողոց[2]։
1926 թվականին Ստարոպոչտովայա փողոցի ուղեփակոցից մինչև մետալուրգիական գործարանի երկաթուղային անցում սալարկման աշխատանքներն ավարտելու նպատակով քաղաքային խորհուրդը հատկացրել է 27131 ռուբլի[3]։
1926 թվականին փողոցը վերանվանվել է ի պատիվ կուսակցական և պետական գործիչ Ֆելիքս Ձերժինսկու[2]։
Տագանրոգում Ֆելիքս Ձերժինսկին չի եղել, թեև նրա հայրը` Էդմունդ Ձերժինսկին, մի քանի տարի մաթեմատիկա է դասավանդել Տագանրոգի դասական արական գիմնազիայում[4]։
Որոշակի հարաբերություններ, այնուամենայնիվ, կապում են Տագանրոգը և Ֆ. Ձերժինսկուն. նա 1922 թվականին Տագանրոգի մետալուրգիական գործարանը փրկել է փակվելուց[5]։ «Յուգոստալ» տրեստը, որին ենթարկվել է Տագանրոգի մետալուրգիական գործարանը, 1922 թվականին որոշել էր, որ գործարանի վերականգնումը հնարավոր չէ և նրա հետագա շահագործումը պիտանի չէ[5]։ Սկսվել էր սարքավորումների ապամոնտաժումը, և միայն Ժողովրդական տնտեսության բարձրագույն խորհրդի նախագահ Ֆ. Ձերժինսկու միջամտությունը գործարանը փրկել է լուծարումից[5]։
Փողոցում գտնվում են[խմբագրել | խմբագրել կոդը]
- № 21 դպրոց` Ձերժինսկու փող., 67ա
- Սուրբ Գևորգ տաճար` Մաշիննի նրբ. և Ձերժինսկու փող. անկյուն[6]
- № 11 դպրոց` Ձերժինսկու փող., 115
- № 24 դպրոց` Ձերժինսկու փող., 149
- «Տագանրոգ» կոնգրես-հյուրանոց` Ձերժինսկու փող., 161
- «ՆԵՈ» զվարճանքի կենտրոն` Ձերժինսկու փող., 161
- «Դուբկի» պուրակ
- Բժշկական խորհրդատվական-ախտորոշիչ կենտրոն` Ձերժինսկու փող., 156
Հուշարձաններ[խմբագրել | խմբագրել կոդը]
- «Ուղեփակոց» հուշանշան` Ձերժինսկու փող. և Պետրոսի փող. անկյուն
- Վասիլի Մարգելովի կիսանդրի`Ձերժինսկու փող. և Պետրոսի փող. անկյուն
- Ճառագայթային աղետների զոհերի հուշարձան` Ձերժինսկու փող., 156-1
- Ձերժինսկու հուշարձան` Ձերժինսկու փող., 191
Փողոցի խնդիրները[խմբագրել | խմբագրել կոդը]
- Ձերժինսկու փողոցի հնագույն և սուր խնդիրներից են մշտական խցանումները, որոնք ստեղծում է Տագանրոգի մետալուրգիական գործարանի` փողոցը հատող երկաթուղին[7]։ Գործարանային գնացքների տեղաշարժերը երկար ժամանակով դադարեցնում են քաղաքային տրանսպորտի երթևեկությունը։ Շրջանցող կամուրջ կառուցելու բանավեճն ընթանում է տասնյակ տարիներ, բայց խնդիրը մինչ օրս լուծված չէ[7]։
Ծանոթագրություններ[խմբագրել | խմբագրել կոդը]
- ↑ Энциклопедия Таганрога. Таганрог: Антон, 1998. — 624 с. — ISBN 5-88040-017-4.
- ↑ 2,0 2,1 Киричек М. С. По ладоням твоих площадей. — Таганрог: Лукоморье, 2007. — С. 153. — ISBN 978-5-902450-13-9.
- ↑ Ж. Б. На восстановление Таганрога отпущено 286785 рублей // Красное знамя. — 1927. — 9 февр. — № 32.
- ↑ Два века Таганрогской гимназии. — Таганрог: БАННЭРплюс, 2007. — 288 с. — ISBN 978-5-98472-011-3.
- ↑ 5,0 5,1 5,2 Киричек М. С. Музей под открытым небом. — Таганрог: ИП Стадников, 2010. — С. 75. — ISBN 978-5-9901455-3-5.
- ↑ Собств. корр. В Таганроге началась реконструкция храма Георгия Победоносца // Аргументы и Факты — Ростов. — 2013. — 25 сент.
- ↑ 7,0 7,1 Чернобай В. Юбилей созидателя // Таганрогская правда. — 2014. — 19 сент.