Ձայնակլանիչ նյութեր

Վիքիպեդիայից՝ ազատ հանրագիտարանից
Jump to navigation Jump to search

Ձայնակլանիչ նյութեր, արտադրական շինությունների և տեխնիկական կառույցների երեսպատման կոնստրուկցիաներում օգտագործվող նյութեր։ Նպաստում են աղմուկի մակարդակի նվազեցմանը* ինչպես նաև ստեղծում լսելիության օպտիմալ պայմաններ հասարակական շինություններում (դահլիճներ, լսարաններ ևն): Նյութերի ձայնակլանիչ հատկությունները պայմանավորված են դրանց ծակոտկեն կառուցվածքով։ Ձայնակլանիչ նյութերը պատրաստում են խսիրի, փաթեթի, սալիկների ձևով՝ հանքային բամբակից կամ ապակեթելից։ Փափուկ Ձայնակլանիչ նյութերը օգտագործում են կոշտ էկրանների համակցությամբ (ալյումինից, ասբեստցեմենտից և այլ նյութերից պատրաստված): Կիսակոշտ Ձայնակլանիչ նյութեր պատում են ապակեգործվածքով, ծակոտկեն ներկով կամ թաղանթով։ Կոշտ Ձայնակլանիչ նյութերից են ծակոտկեն լցանյութերով սվաղային շաղախները, ցեմենտե ֆիբրոլիտը, փայտաթելքավոր սալիկները։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 691 CC-BY-SA-icon-80x15.png