Հրաչյա Միրզոյան

Վիքիպեդիայում կան հոդվածներ Միրզոյան ազգանունով այլ մարդկանց մասին։

Հրաչյա Միրզոյան
Ծնվել է	մարտի 13, 1940(1940-03-13) Բարեկամավան, Նոյեմբերյանի շրջան, Հայկական ԽՍՀ, ԽՍՀՄ
Մահացել է	օգոստոսի 25, 2019(2019-08-25) (79 տարեկան)
Գերեզման	Կոմիտասի անվան զբոսայգու պանթեոն
Քաղաքացիություն	ԽՍՀՄ և  Հայաստան
Մասնագիտություն	գրականագետ և փիլիսոփա
Հաստատություն(ներ)	Երևանի պետական համալսարան, Երուսաղեմի ժառանգավորաց վարժարան, Գևորգյան Հոգևոր Ճեմարան և Բանբեր Երևանի համալսարանի
Անդամակցություն	ՀԳՄ
Ալմա մատեր	ԵՊՀ պատմության ֆակուլտետ (1966)
Կոչում	պրոֆեսոր
Գիտական աստիճան	փիլիսոփայական գիտությունների դոկտոր

Հրաչյա Ղազարի Միրզոյան (մարտի 13, 1940(1940-03-13), Բարեկամավան, Նոյեմբերյանի շրջան, Հայկական ԽՍՀ, ԽՍՀՄ - օգոստոսի 25, 2019(2019-08-25)), հայ գրականագետ, փիլիսոփա, փիլիսոփայական գիտությունների դոկտոր, պրոֆեսոր։ Հայաստանի գրողների միության անդամ (2012)։

Կենսագրություն

Հրաչյա Միրզոյանը ծնվել է 1940 թվականի մարտի 13-ին, նախկին Նոյեմբերյանի շրջանի Դոստլու (այժմ՝ Բարեկամավան։ 1958 -1963 թվականներին սովորել և ավարտել է Երևանի պետական համալսարանի պատմության ֆակուլտետը, 1963-1966 թվականներին՝ Երևանի պետական համալսարանի ասպիրանտուրան։ 1989-2000 թվականներին եղել է Երևանի պետական համալսարանի փիլիսոփայության պատմության ամբիոնի վարիչ, 1998-2004 թվականներին՝ Երևանի պետական համալսարանի փիլիսոփայության, սոցիոլոգիայի և հոգեբանության և 2004-2009 թվականներին՝ Երևանի պետական համալսարան փիլիսոփայության և հոգեբանության ֆակուլտետների դեկան։ 1994-1997 թվականներին աշխատել է Երուսաղեմի ժառանգավորաց վարժարանում և Ընծայարանում, 1997-2003 թվականներին՝ Էջմիածնի Գևորգյան ճեմարանում։ 1992 թվականից «Բանբեր Երևանի համալսարանի» քառամսյա գիտական հանդեսի գլխավոր խմբագիրն է։ 2011 թվականից ՀՀ ԲՈՀ-ի մասնագիտական խորհրդի նախագահ է։ Մի շարք մենագրությունների և բազմաթիվ գիտական հոդվածների հեղինակ է։

Երկեր

• Հայ գրքի և գրատպության պատմության փիլիսոփայական անդրադարձներ, Երևան, 2015
• Նարեկացիագիտական հետազոտություններ, հոդվածների ժողովածու, Երևան, 2010
• Գրիգոր Նարեկացու բառաստեղծական արվեստը, Երևան, 2006
• Հովհաննես Մրքուզ Ջուղայեցի, Երևան, 2001
• Критический анализ армянской философской мысли XVII века : Автореферат на соискание ученой степени д-ра филос. наук, 1984: т.л.
• XVII դարի հայ փիլիսոփայական մտքի քննական վերլուծություն, Երևան, 1983
• Давид Анахт ( Непобедимый ) и армянская философская мысль 17-го века, 1980 : т.л.

Թարգմանություններ

Այս հեղինակի կատարած թարգմանությունների ցանկը կարող եք որոնել «Թարգմանչաց արվեստ» շտեմարանի «Թարգմանիչներ» բաժնում

• Լերմոնտով Միխայիլ։ Ընտիր երկեր երկու հատորով։ Հատոր առաջին։ Բանաստեղծություններ, պոեմներ.- Երևան։ Հայպետհրատ, 1941.- XX, 260, 1 չհ. էջ․- Որոշ ստեղծագործություններ։

Պարգևներ, մրցանակներ

• «Հայկաշեն Ուզունյան» մրցանակ՝ «Գրիգոր Նարեկացու բառաստեղծական արվեստը» գրքի համար, 2008
• ԵՊՀ ոսկե հուշամեդալ
• ՀԽՍՀ Գերագույն խորհրդի պատվոգիր, 1970

Գիտական աստիճան

• Փիլիսոփայական գիտությունների թեկնածու, «Սիմեոն Ջուղայեցու փիլիսոփայական հայացքները», 1967 թ., Երևանի պետական համալսարան
• Փիլիսոփայական գիտությունների դոկտոր «XVII դարի հայ փիլիսոփայական մտքի քննական վերլուծություն», 1984 թ., Երևանի պետական համալսարան

Արտաքին հղումներ

• ԳՐԱԿԱՆՈՒԹՅՈՒՆՆ ԱԶԳԱՅԻՆ Է, ԻՍԿ ՓԻԼԻՍՈՓԱՅՈՒԹՅՈ՞ՒՆԸ… / ՀՐԱՉՅԱ ՄԻՐԶՈՅԱՆ

Վիքիդարանն ունի նյութեր, որոնք վերաբերում են «Հրաչյա Միրզոյան» հոդվածին։