Հրաշք ջրաղացը

Հրաշք ջրաղացը
Տեսակ	կարճամետրաժ մուլտիպլիկացիոն ֆիլմ
Ժանր	հեքիաթ
Ռեժիսոր	Օլգա Խոդատաևա
Հնչյունավորում	Բորիս Չիրկով, Գեորգի Միլյար և Նիկոլայ Ալեքսանդրովիչ
Բեմադրող նկարիչ	Պյոտր Նոսով
Երկիր	ԽՍՀՄ
Լեզու	ռուսերեն
Ընկերություն	Սոյուզմուլտֆիլմ
Թվական	1950

«Հրաշք ջրաղացը» (ռուս.՝ Чудо-мельница), խորհրդային մուլտիպլիկացիոն ֆիլմ, որը նկարահանվել է «Սոյուզմուլտֆիլմ» ստուդիայում` 1950 թվականին, ռուսական ժողովրդական «Ջրաղացաքարը» հեքիաթի մոտիվներով։ Մուլտֆիլմը սովորեցնում է, որ ագահությունը ոչ մի լավ բանի չի հանգեցնում։

Սյուժե

Փոքրիկ բլրի վրա` աղքատ խրճիթում, ապրում էին ալեհեր պապիկը, Վասկա կատուն և Պետյան` կախարդական աքաղաղը: Նրանք շատ թշվառ կյանքով էին ապրում, իրենց դաշտից մի քիչ հաց էին հավաքում: Եվ մի օր հանկարծ հորդառատ անձրև սկսեց կայծակով և ամպրոպով, երկար հեղեղեց և ծածկեց ճանապարհները: Ծերուկին հյուր եկան նապաստակը, սկյուռիկը և արջուկը:

Այդտեղ պապիկը տեսավ` ալյուրը վերջացել է: Հացահատիկ կար, բայց այն հնարավոր չէր աղալ: Պետյան խոսող աքաղաղ էր, և պապիկին ասաց, որ այդտեղից ոչ հեռու մի հիասքանչ լեռ կա և եթե նրանից ամբողջ սրտով խնդրի, լեռը իրեն ջրաղացաքար կտա: Ծերուկն այդպես էլ արեց: Պապիկը վերցրեց ջրաղացաքարը և դրանից ջրաղաց սարքեց, դրա մեջ լցրեց սերմերը և այն գործի դրեց ասելով հետևյալ բառերը`

- «Շարժե՛ք, շարժե՛ք թևերը, տվե՛ք նրանց ուժ ու եռանդ, երկու անբաժան ընկերներ ջրաղացաքարերին»:

Ջրաղացը սկսեց պտտվել, ու նրա միջից ոչ թե ալյուր էր թափվում այլ պատրաստի կարկանդակ: Սկսեցին նրանք ջրաղացին գովելով կարկանդակներ ուտել: Նրանց կողքով անցնում էր թագավոր Անդրոսը: Թագավորը` երկար քթով, ագահ ձեռքերով, աչքերը նախանձոտ մարդ էր: Տեսնելով խրճիթը` կանգնեցրեց կառքը և հրամայեց իրեն հյուրասիրել աղ ու հացով: Պապիկը ջրաղացը գործի դրեց և հյուրասիրեց թագավորին: Իսկ ագահ թագավորը գողացավ ծերուկի կախարդական ջրաղացը և հեռացավ այդտեղից: Աքաղաղ Պետյան թռչեց նրա հետևից, հասավ մինչև պալատ, նստեց պարսպի վրա և բղավեց.

- «Դո՛ւ գող-ավազակ, մեր ջրաղացը հետ տո՛ւր, հակառակ դեպքում կկտցահարեմ, կճանկեմ քիթդ և վատ կլինի, այդպես էլ իմացի»:

Անդրոս արքան հրամայեց իր ծառաներին բռնել աքաղաղին և խեղդել նրան ջրհորում: Ծառաները այդպես էլ արեցին: Սակայն աքաղաղը իրեն չկորցրեց. ամբողջ ջրհորի ջուրը խմեց, դուրս եկավ, նորից սկսեց բղավել և սպառնալ: Արքան հրամայեց վառարանը վառել և աքաղաղին գցել վառարանը: Սակայն աքաղաղը այստեղ էլ իրեն չկորցրեց. նա կրակը հանգցրեց այն ջրով, որը խմել էր ջրհորում, դուրս եկավ վառարանից և հետո ծխնելույզով ներխուժեց արքայի հյուրասենյակ: Աքաղաղը ամբողջությամբ սևացել էր, ծխնելույզով թռչեց արքայի հետևից, սկսեց կտցահարել նրան, ճանկեց ջրաղացը և թռչեց ծերուկի մոտ: Արքա Անդրոսը նրա հետևից ընկավ և կամրջից ընկավ գետը, հավանաբար մահացավ: Տեսնելով Անդրոս արքայի ընկնելը` պապիկը այսպես արտահայտվեց`

- «Չարագործը արժանի է տանջանքների, և դա թող դաս լինի բոլոր ավազակների համար»։

Այդ օրվանից առանց ինչ-որ դժվարություն տեսնելու` ընկերների հետ հաշտ ու համերաշխ ապրեց ծերուկը:

Հեղինակներ

Սցենարի հեղինակ	Միխայիլ Բուլատով
Ռեժիսոր	Օլգա Խոդատաևա
Բեմադրող-նկարիչ	Պյոտր Նոսով
Բանաստեղծական տեքստերի հեղինակ	Միխայիլ Վոլպին
Կոմպոզիտոր	Թամարա Պոպատենկո
Օպերատոր	Ելենա Պետրովա
Հնչյունային օպերատոր	Բորիս Ֆիլչիկով
Ռեժիսորի օգնականներ	Բորիս Պետին, Նաիլ Դրագունով
Նկարչի օգնական	Վալենտինա Վասելչակովա
Տեխնիկական մասով օգնական	Կ․ Ապեստինա
Մոնտաաժի մասով օգնական	Վ․ Եգորովա
Նկարիչ-մուլտիպլիկատորներ	Ֆաինա Եպիֆանովա, Ռոման Դավիդով, Դմիտրի Բելով, Նիկոլայ Ֆյոդորով, Լամիս Բրեդիս, Իգոր Պոդգորսկի, Իոսիֆ Ստարյուկ, Վ․ Յուկին
Դեկորատոր-նկարիչներ	Գալինա Նևզորովա, Կոնստանտին Մալիշև, Դմիտրի Անպիլով
Դերերը հնչյունավորել են	Բորիս Չիրկով՝ պապիկ, Գեորգի Միլյար՝ թագավոր Անդրոս, Նիկոլայ Ալեքսանդրովիչ՝ աքաղաղ, Գեորգի Վիցին՝ աքաղաղ (մեկ արտահայտություն)

Վերահնչյունավորում

Դերերը հնչյունավորել են

Յուլեն Բալմուսով՝ պապիկ
Վիտալի Օվանեսով՝ արջուկ
Վլադիմիր Կոնկին՝ աքաղաղ
Ժաննա Բալաշովա՝ նապաստակ, սկյուռիկ
Բորիս Տոկարև՝ ոզնի
Ալեքսանդր Կոտով՝ Վասկա կատու, թագավոր Անդրոս

Ծանոթագրություններ

Сергей Капков. Энциклопедия отечественной мультипликации. — М.: Алгоритм, 2006. — 816 с. — 3000 экз. — ISBN 978-5-9265-0319-4. . с.700

Արտաքին հղումներ

«Հրաշք ջրաղացը»(անգլ.) ֆիլմը Internet Movie Database կայքում