Հրայր Դարբինյան
Հրայր Դարբինյան | |
|---|---|
 | |
| Ծնվել է | դեկտեմբերի 25, 1938 Տավուշ, Շամշադինի շրջան, Հայկական ԽՍՀ, ԽՍՀՄ |
| Մահացել է | 2004 Երևան, Հայաստան |
| Քաղաքացիություն |  Հայաստան |
| Մասնագիտություն | պատմաբան |
| Հաստատություն(ներ) | Երևանի պետական համալսարան և Հայաստանի պետական տնտեսագիտական համալսարան |
| Գործունեության ոլորտ | Հայոց պատմություն |
| Պաշտոն(ներ) | ամբիոնի վարիչ |
| Ալմա մատեր | Երևանի պետական համալսարան |
| Գիտական աստիճան | պատմական գիտությունների դոկտոր, պրոֆեսոր և ակադեմիկոս |
Հրայր Խորենի Դարբինյան (դեկտեմբերի 25, 1938, Տավուշ, Շամշադինի շրջան, Հայկական ԽՍՀ, ԽՍՀՄ - 2004, Երևան, Հայաստան), պատմական գիտությունների դոկտոր, պրոֆեսոր, ՌԴ բնագիտական գիտությունների ակադեմիայի ակադեմիկոս։
Կենսագրություն[խմբագրել | խմբագրել կոդը]
Հրայր Դարբինյանը ծնվել է 1938 թվականի դեկտեմբերի 25-ին Տավուշ (Թովուզ) գյուղում։ 1956 թվականին ավարտելով գյուղի միջնակարգ դպրոցը՝ ընդունվում է Երևանի պետական համալսարանի պատմության ֆակուլտետ։ 1961 թվականին ավարտելով համալսարանը՝ աշխատանքի է անցնում Ծաղկաձորի №20 գիշերօթիկ դպրոցում՝ որպես պատմության ուսուցիչ։ 1963-1967 թվականներին սովորում է ԵՊՀ ասպիրանտուրայում։ 1967 թվականին ստանում է պատմական գիտությունների թեկնածուի, իսկ 1984 թվականին՝ դոկտորի գիտական աստիճան։ 2000 թվականին ընտրվել է ՌԴ բնագիտական գիտությունների ակադեմիայի ակադեմիկոս[1]։
1966-1967 թվականներին աշխատել է Հայաստանի հեռուստառադիոպետվարչությունում՝ որպես ավագ խմբագիր, իսկ 1967-1975 թվականներին՝ ԵՊՀ-ում՝ որպես դոցենտ։ 1975 թվականից աշխատել է Երևանի պետական տնտեսագիտական ինստիտուտում, 1985 թվականից՝ որպես պրոֆեսոր, իսկ 1988 թվականից՝ զբաղեցրել է ինստիտուտի պատմության և քաղաքագիտության ամբիոնի վարիչի պաշտոնը[1]։
Գիտական գործունեություն[խմբագրել | խմբագրել կոդը]
Գրել է մի շարք մենագրություններ, գրքեր, գիտական հրապարակախոսական հոդվածներ, զեկուցումներով հանդես է եկել գիտական կոնֆերանսներում և նստաշրջաններում։
Գիտական ուսումնասիրությունները նվիրված են հայ ժողովրդի ընդհանուր պատմության, Երկրորդ և Երրորդ ինտերնացիոնալների ու Անդրկովկասի (նաև Հայաստանի) առնչություններին։
Հրայր Դարբինյանն անդրադարձել է նաև հայրենի գյուղի պատմությանը։ Հրատարակել է 1905-1906 թվականներին Տավուշում տեղի ունեցած հայ-թաթարական ընդհարումների մասին հոդվածներ[1]։
Ծանոթագրություններ[խմբագրել | խմբագրել կոդը]
|
