Հունաստանի և Դանիայի արքայադուստր Թեոդորա
| Հունաստանի և Դանիայի արքայադուստր Թեոդորա | |
| |
| Մասնագիտություն՝ | ազնվական |
|---|---|
| Դավանանք | Հունական ուղղափառ եկեղեցի |
| Ծննդյան օր | մայիսի 30, 1906[1] |
| Ծննդավայր | Տատոյ, Acharnes Municipality |
| Վախճանի օր | հոկտեմբերի 16, 1969[1] (63 տարեկան) |
| Վախճանի վայր | Կոնստանց, Գերմանիա |
| Դինաստիա | Գլյուքսբուրգների տոհմ (Հունաստան) |
| Քաղաքացիություն | .svg){kind=small} Հունաստանի թագավորություն
|
| Հայր | Անդրեաս, Հունաստանի և Դանիայի արքայազն |
| Մայր | Ալիսա Բատենբերգ |
| Ամուսին | Prince Berthold, Margrave of Baden? |
| Զավակներ | Princess Margarita of Baden?[1], Prince Maximilian, Margrave of Baden?[1] և Prince Ludwig of Baden?[1] |
Հունաստանի և Դանիայի արքայադուստր Թեոդորա (հունարեն՝ Θεοδώρα της Ελλάδας και Δανίας, մայիսի 30, 1906[1], Տատոյ, Acharnes Municipality - հոկտեմբերի 16, 1969[1], Կոնստանց, Գերմանիա), հույն արքայազն Անդրեյի երկրորդ դուստրը, արքայազն Բերտոլդ Բադենացու կինը։ Էդինբուրգի դուքս արքայազն Ֆիլիպի՝ Եղիսաբեթ II թագուհու ամուսնու ավագ քույրերից մեկն է։
Կենսագրություն[խմբագրել | խմբագրել կոդը]
Ընտանիք և վաղ տարիներ[խմբագրել | խմբագրել կոդը]
Թեոդորան ծնվել է 1906 թվականի մայիսի 13-ին հունական արքայական ընտանիքի ամառանոցում՝ Տատոյի պալատում՝ լինելով հունական և դանիական արքայազն Անդրեյի և Ալիսա Բատենբերգի երկրորդ դուստրը[2]։ Ընտանիքում ավելի վաղ ծնվել է դուստր Մարգարիտան։ Թեոդորայից հետո ծնվել են նաև կրտսեր դստրերը՝ Սեսիլիան և Սոֆյան, իսկ 1921 թվականին ծնվել է միակ որդին՝ արքայազն Ֆիլիպը, որը 1947 թվականին ամուսնական դաշն է կնքել Մեծ Բրիտանիայի ապագա թագուհի Եղիսաբեթ II-ի հետ։ Հորական կողմից նա Գլյուքսբուրգների տոհմից առաջին հույն թագավոր Գեորգիոս I-ի (դանիացի թագավոր Քրիստիան IX-ի և ռուս մեծ իշխանուհի Օլգա Կոնստանտինովնայի որդին) թոռնուհին է, մորական կողմից՝ գերմանական արքայազն Լյուդվիգ Ալեքսանդր Բատենբերգի և Հեսսենի և Ռայնի արքայադուստր Վիկտորյայի թոռնուհին։ Ալիսա Բատենբերգը եղել է ռուս վերջին կայսրուհի Ալեքսանդրա Ֆեոդորովնայի զարմուհին։
1917 թվականին արքայազն Անդրեյի ընտանիքը, ինչպես հունական թագավորական ընտանիքի շատ անդամներ, ստիպված էր հեռանալ արտերկիր` արքայադուստր Թեոդորայի հորեղբայր Կոնստանտինոս I-ի հրաժարականից հետո։ Հաջորդող մի քանի տարիներին ամուսինները երեխաների հետ ապրել են Շվեյցարիայում[3]։ 1920 թվականին Կոնստանտինոս I-ի կրկին գահ բարձրանալուց հետո ընտանիքը կարճ ժամանակով վերադարձել է Հունաստան՝ Կերկիրա կղզում գտնվող Մոն Ռեպոս ամառանոց։ Հույն-թուրքական երկրորդ պատերազմում հունական բանակի պարտությունը հանգեցրել է Կոնստանտինոս I-ի երկրորդ գահընկեցությանը։ Արքայազն Անդրեյը ձերբակալվել է և դատից հետո ընտանիքով արտաքսվել երկրից։ Ամուսինները երեխաների հետ լքել են Հունաստանը անգլիական HMS Calypso նավով[4]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 1,5 1,6 1,7 Lundy D. R. The Peerage
- ↑ «Theodora zu Schleswig-Holstein-Sonderburg-Glücksburg, Princess of Greece and Denmark» (անգլերեն)
- ↑ Van der Kiste, 1994, էջ 96
- ↑ Vickers, 2000, էջ 171
| ||||||
