Հույտինեն

Հույտինեն
Բնակավայր
	Հույտինեն
	ֆիններեն՝ Huittisten kaupunki
	Զինանշան
	61°10′35″N 22°41′55″E / 61.17639°N 22.69861°E
Երկիր	Ֆինլանդիա
Համայնք	Սատակունա
Առաջին հիշատակում	1414
Մակերես	532,65 կմ²
ԲԾՄ	49 մետր
Պաշտոնական լեզու	ֆիններեն
Բնակչություն	▼9546 մարդ (դեկտեմբերի 31, 2025)
Ժամային գոտի	UTC+2 և UTC+3
Փոստային դասիչ	32700 և 32701
Պաշտոնական կայք	huittinen.fi(ֆին.)
	Հույտինեն (Ֆինլանդիա)
	Հույտինեն (Ֆինլանդիա)
	Հույտինեն Վիքիպահեստում

Հույտինեն (ֆիններեն՝ Huittinen), քաղաք Արևմտյան Ֆինլանդիա երկրամասի Սատակունտա մարզում։ Հիմնադրվել է 1865 թվականին, իսկ քաղաքի կարգավիճակ ստացել է 1977 թվականին։

Պատմություն

Փաստաթղթերում առաջին անգամ հիշատակվել է 1366 թվականին, չնայած որ այդտեղ բնակչություն եղել է մինչ այդ։ Տեղեկություններ կան, որ մարդիկ Samppu գյուղում ապրել են դեռևս երկաթե դարում։ Հույտինենի, Կյոյուլիյոյի և Կումոսի սահմանաններում կա մի մեծ քար, որտեղ 1400 թվականի փաստաթղթում քաղաքը հիշատակվում է որպես «հավերժական» սահմանային նշան։

Քաղաքը հիմնադրվել է 1865 թվականին՝ Լոյմիոկի գետի ափին։ 1972 թվականին այն ստացել է քաղաքային բնակավայրի կարգավիճակ, իսկ 1977 թվականին՝ քաղաքի։ Բնակչությունը կազմում է 10,700 մարդ (2010 թվական)։

Արդյունաբերություն

Քաղաքում գործում է «Սարիոյնեն» սննդի գործարանը։

Կրթություն

Արվարձանում՝ գետի ափին, գտնվում է Արևմտա-Ֆինլանդական քոլեջը (ֆիններեն՝ Länsi Suomen Opisto), Ֆինլանդիայի հնագույն ֆիննախոս կրթական հաստատությունն է և հիմնադրվել է 1892 թվականի նոյեմբերի 1-ին։

Բժշկություն

Քաղաքը ունի բժշկական կենտրոն։ Իր աշխատանքի ընթացքում լուրջ բողոքներ են եղել, ինչի արդյունքում 2011 թվականին, հիվանդների վատ խնամքի համար, ստացել է պաշտոնական նկատողություն^[4]։

Տեսարժան վայրեր

Հույտինենի եկեղեցին կառուցվել է միջնադարում՝ քարից, հավանաբար 1500 թվականին։ Նրա առանձնահատկությունը 34 խողովակ ունեցող երգեհոնն է, որը կառուցվել է 1935 թվականին։

Քաղաքի տեսարժան վայրերից մեկը քաղաքային մերկ քանդակներն են․ փողոցում վազզող «Դորիս» և տղամարդը հեռախոսային խցիկում^[5]։ Քաղաքում գործում է թանգարան։