Հուդզոնի ծոցի ընկերություն
Հուդզոնի ծոցի ընկերություն | |
|---|---|
 | |
 | |
| Տեսակ | բիզնես ձեռնարկություն և ձեռնարկություն |
| Անվանված է ի պատիվ | Հուդզոնի ծոց |
| Հիմնադրված է | մայիսի 2, 1670[1] |
| Հիմնադիր | Pierre-Esprit Radisson? և Médard des Groseilliers? |
| Վայր | Բրամպտոն, Օնտարիո, Կանադա և Տորոնտո, Կանադա |
| Երկիր | .svg){kind=small} Կանադա |
| Արդյունաբերություն | մանրածախ առևտուր, retail sale in non-specialised stores?[2] և առևտուր[2] |
| Աշխատողների թիվ | 70 000 մարդ |
| Դուստր ընկերություններ | Hudson's Bay?, Puget Sound Agricultural Company? և Simpsons? |
| Սեփականատեր | NRDC Equity Partners? |
| Կայք | hbc.com(անգլ.) |
 Hudson's Bay Company Վիքիպահեստում | |
Հուդզոնի ծոցի ընկերություն (անգլ.՝ Hudson's Bay Company, HBC), Հյուսիսային Ամերիկայի և աշխարհի ամենահին առևտրային կորպորացիան, հիմնադրված 1670 թվականին: Գրասենյակը ներկայումս գտնվում է Կանադայի Օնտարիո նահանգի Բրամփթոն քաղաքում[3]։ Ընկերությունը գրանցված է կանադական Տորոնտո քաղաքի ապրանքային բորսայում "HBC" խորհրդանիշի ներքո։
Մի քանի հարյուրամյակ կարգավորել է Հյուսիսային Ամերիկայի անգլիական մասի մորթիների շուկան, իրականացրել է ինքնուրույն հետազոտություններ և փաստացի կառավարություն է եղել շատ շրջաններում և նույնիսկ մեծամասշտաբ բնակավայրերում։ Առևտրային ներկայացուցիչները և ընկերությունները կարգավորել են իրենց հարաբերությունները տեղաբնակների հետ, իսկ ֆակտորիայի ընկերությունների ցանցը հիմք է ծառայել Կանադայի և ԱՄՆ-ի արևմտյան մասի պետական կառուցվածքների ձևավորման համար։ Իր գործունեության արդյունքում այս ընկերությունն իր ազդեցության գոտում ընդգրկել է հյուսիսամերիկյան հողերի լայնատարած համալիր, որը հայտնի է Ռուպերտի երկիր անունով։
1867 թվականին Կանադայի դոմինիոնի կազմավորումից հետո վերակազմավորված կառավարությունը Ջոն Մաքդոնալդի գլխավորությամբ բանակցություններ սկսեց Հուդզոնի ծոցի ընկերության հետ՝ նրան պատկանող արևմտյան հողերը գնելու համար։ 1869 թվականին, երկար և դժվար բանակցություններից հետո, սկսվեց արևմտյան տարածքները դոմինիոնին հանձնելու գործընթացը։ Հուդզոնյան ծոցի ընկերությունը Կանադային զիջեց հյուսիսարևմտյան տարածքների առևտրի մենաշնորհը և Ռուպերտի երկիրը (Հուդզոնի ծոցի ավազան) 300 հազ. ֆունտ ստեռլինգով[4]։ Այնուամենայնիվ, ընկերությունը պահպանեց ավելի քան 45 հազ. ակր (18 000 հա) հող Արևմուտքում։
Մորթու շուկայում առևտրաշրջանառության անկումից հետո ընկերությունն սկսեց զբաղվել այնպիսի ապրանքների առևտրով, որոնք անհրաժեշտ էին Կանադայի արևմուտքում բնակեցված մարդկանց[5]։ Այսօր ընկերությունը Կանադայում հայտնի է The Bay հանրախանութների ցանցով[6]։ Մինչև այժմ ընկերության գլխավորի պաշտոնն անվանվում է Governor՝ «կառավարիչ», «նահանգապետ»։
Ծանոթագրություններ[խմբագրել | խմբագրել կոդը]
- ↑ https://www.archeion.ca/hudsons-bay-company-fonds
- ↑ 2,0 2,1 20th Century Press Archives — 1908.
- ↑ «Contact Us»։ Hudson's Bay Company։ Արխիվացված է օրիգինալից 2017-09-11-ին։ Վերցված է հոկտեմբերի 14, 2017
- ↑ «The Royal Charter of the Hudson's Bay Company»։ HBC Heritage։ Արխիվացված է օրիգինալից հոկտեմբերի 7, 2015-ին։ Վերցված է հոկտեմբերի 5, 2015
- ↑ «Our History: Overview»։ HBC Heritage։ Արխիվացված է օրիգինալից հոկտեմբերի 1, 2015-ին։ Վերցված է հոկտեմբերի 5, 2015
- ↑ Shaw Hollie (մարտի 6, 2013)։ «The Bay gets a new logo for first time in almost 50 years»։ Financial Post։ Վերցված է օգոստոսի 20, 2013
Արտաքին հղումներ[խմբագրել | խմբագրել կոդը]
- «Hudson’s Bay Company» (անգլերեն)։ Արխիվացված է օրիգինալից 2012-02-13-ին։ Վերցված է 2011-06-04
| ||||||||||||||||||||
