Հուբլի և Դհարվադ (անգլ.՝ Hubli–Dharwad), քույր քաղաքներ Հնդկաստանի Կառնատակա նահանգում։ Հուբլի-Դհարվադը Կառնատակայի տարածքի մեծությամբ երկրորդ քաղաքային ագլոմերացիան է մայրաքաղաք Բանգալորից հետո և ընդհանուր առմամբ երկրորդ քաղաքը Բանգալորից հետո[1]։ Մինչ Դհարվադը վարչական կենտրոն էր, Հուբլի քաղաքը, որը գտնվում էր Դհարվադից մոտ 20 կմ հարավ-արևելք, Հյուսիսային Կարնատակայի առևտրի և բիզնեսի կենտրոնն էր։ Քաղաքներն ունեն մեկ համայնքային կորպորացիա, որը կոչվում է Հուբլի-Դհարվադի Մունիցիպալ Կորպորացիա (HDMC)[2]:
Հուբլի-Դհարվադի մունիցիպալ կորպորացիան ՀնդկաստանիԿառնատակա նահանգի Հուբլի և Դհարվադ քույր քաղաքների մունիցիպալ կորպորացիան է։ Այն կազմավորվել է 1962 թվականին միմյանցից 20 կիլոմետր հեռավորության վրա գտնվող երկու քաղաքների միավորմամբ։ Կորպորացիայի զբաղեցրած տարածքը 18166 կմ² է։ Այն տարածվում է 45 եկամտաբեր գյուղերի վրա։
Քույր քաղաքների բնակչությունը 2011 թվականի մարդահամարի տվյալներով կազմում է 943 857 մարդ, որից 475 980-ը արական սեռի ներկայացուցիչներ են, իսկ 467 877-ը՝ իգական։ Գրագետների ընդհանուր թիվը 736 506 է, որից 389 290-ը արական սեռի ներկայացուցիչներն են, իսկ 347 216-ը իգական սեռի ներկայացուցիչներ։ Գրագիտության միջին մակարդակը Հուբլի և Դհարվադ քաղաքներում կազմում է 87,28 տոկոս, որից տղամարդկանց և կանանց գրագիտության մակարդակը համապատասխանաբար 91,77% և 82,83% են[3][4]։ Հուբլի-Դհարվադի բնակչությունը 1981-1991 թվականներին աճել է 22,99% -ով՝ 527 108-ից դառնալով 648 298 մարդ, իսկ 1991-2001 թվականներին՝ 21,2% -ով։ Տեղական ինքնակառավարման տարածքը 191 կմ² է։
Հյուսիսային Կառնատական հայտնի է Հինդուստանի դասական երաժշտությամբ։ Դհարվադ շրջանը այն վայրն էր, ուր ծնվել են պետական և միջազգային մակարդակի երաժիշտներ, ինչպիսիք են Մալլիկարջուն Մանսուրը, Գանգուբայ Հանգալը և Բհարատ Ռատնա մրցանակի դափնեկիր Պանդիտ Բհիմսեն Ջոշին։
↑«Archived copy». Արխիվացված է օրիգինալից 2006 թ․ փետրվարի 16-ին. Վերցված է 2006 թ․ փետրվարի 16-ին.{{cite web}}: CS1 սպաս․ արխիվը պատճենվել է որպես վերնագիր (link)
Հնդկաստան
Hubli-Dharwad travel guide from Wikivoyage
