Հորթենզիա Ֆյուսի
| Հորթենզիա Ֆյուսի | |
|---|---|
 | |
| Ծնվել է | մարտի 25, 1954 (70 տարեկան) |
| Ծննդավայր | Գրաց, Շտիրիա |
| Քաղաքացիություն |  Ավստրիա |
| Կրթություն | Վիեննայի գեղարվեստի ակադեմիա |
| Մասնագիտություն | քանդակագործ |
| Պարգևներ և մրցանակներ |  |
 Hortensia Fussy Վիքիպահեստում | |
Հորթենզիա Ֆյուսի (գերմ.՝ Hortensia Fussy, մարտի 25, 1954, Գրաց, Շտիրիա, կեղծանունը` Հորթենզիա), ավստրիացի քանդակագործ։
Կենսագրություն[խմբագրել | խմբագրել կոդը]
1970-1972 թվականներին Հորթենզիան Ժոզեֆ Փիլհոֆերի մոտ քանդակագործություն է ուսումնասիրել Գրացի Կիրառական արվեստի դպրոցում, իսկ 1972-1975 թվականներին սովորել է Վիեննայի գեղարվեստի ակադեմիայում, Ֆրից Վոտրուբայի մոտ։ 1975 թվականից աշխատել է որպես ազատ արվեստագետ։ Քանդակագործությանը զուգահեռ Հորթենզիան իր դեպի Եվրոպա ու Աֆրիկա կատարած ուղևորությունների ընթացքում ստեղծել է կտավների ու ջրանկարների շարքեր, այդ թվում` Իսպանիայի (1893-1985), Պորտուգալիայի (1997), Եգիպտոսի (2000), Սիցիլիայի (2002) բնապատկերների շարքեր։ 2003-2012 թվականներին նա ղեկավարել է «Հորթենզիա նկարչության դպրոցը» Շտիրիա նահանգի արևմտյան մասում։
Ստեղծագործական կյանք[խմբագրել | խմբագրել կոդը]
Ավստրիացի քանդակագործ և նկարիչ Հորթենզիայի աշխատանքի հիմնական կենտրոնը մարդն է։ «Հորթենզիա Ֆյուսին շարունակում է զարգացնել տեսողական արվեստը Ավստրիայում, որը սկսվել է Գուստավ Կլիմտի ու Էգոն Շիելեի հետ, շարունակվել այնպիսի արվեստագետների կողմից, ինչպիսիք են նկարիչ Հերբերթ Բոեքլն ու քանդակագործ Ժոզեֆ Փիլհոֆերը։ Հորթենզիայի վրա մեծագույն ազդեցությունն է ունեցել ավստրիացի քանդակագործ Ֆրից Վոտրուբան»[1]։ Առաջին շրջանում Հորթենզիան շեշտը դրել է երկրորդից երրորդ տարածության անցման վրա։ «Պիեռա Դելլա Ֆրանչեսկայի, Ֆրանցիսկո Գոյայի, Ալբրեխտ Դյուրերի կամ Յան Վերմեերի նկարներից քանդակներ ստեղծելով նա անցնում էր «մասնագիտացման» ճանապարհով վաղ 1980-ականներին»[2]։ Այս ժամանակահատվածում ստեղծված աշխատանքներից են «Գոյայի կերպար» (1980), "Դյուրերի կերպար" (1981), "Hommage a Courbet" (1988–95) քանդակները։ «Ձև» և «կերպար» տերմինները սահմանում են Հորթենզիայի գեղագիտական կոնցեպտը։ «Իմ քանդակները պետք է երկրային լինեն, կենտրոնացված, զգայուն ու չափված», ասել է Հորթենզիան[3] : 2002 թվականից սկսած Հորթենզիան կազմակերպել է «Ձև և կերպար» վերնագրով մի շարք ցուցահանդեսներ (Սլովակիա, Բրատիսլավա (2003), ԱՄՆ, Վաշինգտոն (2004), Ռուսաստան, Մոսկվա (2008), Շտիրիա նահանգ, Դոթչլանդսբերգ ամրոց (2009-2010))։
Պարգևներ[խմբագրել | խմբագրել կոդը]
- 1987. Theodor-Körner մրցանակ
- 1999. Liesl Bareuther մրցանակ
Մշտական ցուցադրվող աշխատանքներ[խմբագրել | խմբագրել կոդը]
- Denkmal Präsident Rudolf Sallinger, Ռուդոլֆ Սալինջեր հրապարակ, Վիենա
- Karyatide, Burg Deutschlandsberg
- Figur nach Goya, Sammlung Vienna ապահովագրական ընկերույթուն, Վիենա
- Hommage a Courbet –Harrach Palace, Վիենա
Անհատական ցուցահանդեսներ[խմբագրել | խմբագրել կոդը]
- 1984. Galerie Würthle, Վիենա, Ավստրիա
- 1990. Galerie Norbert Blaeser, Դյուսելդորֆ, Գերմանիա
- 1997. Սարաևոյի ձմեռային փառատոն, Բոսնիա և Հերցեգովինա
- 1998. Forum Lagos 1998, Պորտուգալիա
- 1998. Kulturhaus, Գրաց, Ավստրիա
- 2001. Կահիրեի օպերայի պատկերասրահ, Եգիպտոս
- 2004. Ավստրիայի դեսպանատուն, Վաշինգտոն, ԱՄՆ
- 2008. Արվեստագետների կենտրոնական տուն, Մոսկվա, Ռուսաստան[4][5]
- 2009–2010. Արխեո Նորիկո թանգարան, Ավստրիա
- 2011. Գրացի համալսարան, Ավստրիա
Գրականություն[խմբագրել | խմբագրել կոդը]
- Form und Figur, 2008, 978-80-969998-0-4
- Doppel-Spiele, 2009, 978-3-9502799-0-0
Ծանոթագրություններ[խմբագրել | խմբագրել կոդը]
- ↑ Dr. Robert Gerschner, "Shape and Figure", 2008.
- ↑ Ass-Prof. Dr. Hans-Walter Ruckenbauer, from "Static, Rhythm and Proportion", 2011.
- ↑ Hortensia. Quote from "Shape and Figure", 2008
- ↑ Hortensia Fussy: Shape and Figure from 3 October 2008, Moscow, Central House of Artists.
- ↑ Hortensia Fussy: Shape and Figure: Pictures from the Exhibition Opening in Moscow.
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Հորթենզիա Ֆյուսի» հոդվածին։ |
