Հորացիոս Գրիսլի
| Հորացիոս Գրիսլի | |
|---|---|
 | |
| Ծնվել է | դեկտեմբերի 25, 1918 |
| Ծննդավայր | Իբսթոք, Նորթ Վեստ Լեստերշիր, Լեստերշիր, Լեստերշիր, Անգլիա, Մեծ Բրիտանիայի և Իռլանդիայի միացյալ թագավորություն |
| Մահացել է | փետրվարի 4, 2010 (91 տարեկան) |
| Մահվան վայր | Ալֆաս դել Պի |
| Քաղաքացիություն | .svg){kind=small} Միացյալ Թագավորություն |
| Մասնագիտություն | ռազմական գործիչ և զինվոր |
Հորացիոս Գրիսլի (անգլ.՝ Joseph Horace «Jim» Greasley; դեկտեմբերի 25, 1918, Իբսթոք, Նորթ Վեստ Լեստերշիր, Լեստերշիր, Լեստերշիր, Անգլիա, Մեծ Բրիտանիայի և Իռլանդիայի միացյալ թագավորություն - փետրվարի 4, 2010, Ալֆաս դել Պի), անգլիացի ռազմագերի։ Հայտնի է դարձել նրանով, որ շուրջ 200 անգամ փախել է գերիների ճամբարից՝ ամեն անգամ ետ վերադառնալով այնտեղ[1]։ Բացի այդ, Երրորդ Ռայխի արխիվից հայտնաբերվել է լուսանկար, որտեղ Գրիսլին կանգնած է ՍՍ-ի հրամանատար Հայնրիխ Հիմլերի դիմաց։ Հորացիոսի փախուստի պատճառը եղել է նրա գաղտնի սիրային կապը ճամբարի թարգմանչուհի Ռոզա Ռաուբախի հետ, ով տեղաբնակ է եղել։ Նա ամեն անգամ հետ է վերադարձել ճամբար՝ գնալու տեղ չունենալու պատճառով։ Բացի այդ ճամբարը բոլոր կողմերից շրջափակված է եղել նացիստական ուժերով։ Բանտարկյալները գիտեին նաև, թե ինչ է սպասվում իրենց, եթե փորձեն փախչել այլ երկրներ[2]։
Ազատ արձակում[խմբագրել | խմբագրել կոդը]
Գրիսլին գերության մեջ է եղել շուրջ հինգ տարի։ Խորհրդային զորքերը նրան Մեծ Բրիտանիա են ուղարկել՝ ամերիկյան ռազմաբազայի միջոցով։
Կյանքը պատերազմից հետո[խմբագրել | խմբագրել կոդը]
Ռոզան մահացել է ծննդաբերության ժամանակ՝ նորածին որդու՝ Յակուբի հետ միասին[2]։ Հորացիոսը ծնողների հաշվին բացել է վարսավիրանոց։ Առաջին կնոջից Հորացիոսը ունեցել է երկու երեխա՝ Սթիվեն և Լեսլի։ Իր երկրորդ կնոջ Բրենդայի հետ ամուսնացել է 1975 թվականին և տեղափոխվել Իսպանիա, որտեղ ապրել է մինչև 91 տարեկան։
«Դեռ կա՞ն թռչուններ, որոնք երգում են դժոխքում» (ինքնակենսագրություն)[խմբագրել | խմբագրել կոդը]
2008 թվականի գարնանը գրականագետ Քեն Սքոթը գրի է առել Հորացիոս Գրիսլիի հիշողությունները երկրորդ համաշխարհային պատերազմի մասին։ Այդ ժամանակ Հորացիոսը եղել է 89 տարեկան։ Սքոթը հայտարարել է, որ ինքը միայն գրի է առել այն ամենը, ինչը իրեն պատմել է Հորացիոսը, ոչինչ չի ավելացրել[2]։ Գիրքը գրվել և տպագրվել է 2008 թվականի վերջին՝ «Libros International» հրատարակչության կողմից[2]։ Գիրքը պատմում է այն մասին, թե ինչպես է Հորացիոսը որոշել գնալ պատերազմ, նրա գերեվարությունը, կռիվը, կլինիկական մահը, ՍՍ-ի դաժանությունները, իր կյանքի միակ սեր Ռոզա Ռաուբախի ճակատագիրը, փախուստը, ինչպես նաև նրա վերադարձը հայրենի Անգլիա[2]։
Ծանոթագրություններ[խմբագրել | խմբագրել կոդը]
- ↑ «Horace Greasley - Telegraph». The Daily Telegraph. Արխիվացված օրիգինալից 2013 թ․ մայիսի 1-ին. Վերցված է 2012 թ․ հունիսի 8-ին.
- ↑ 2,0 2,1 2,2 2,3 2,4 Greasley, Horace; Scott (2008). Do the Birds Still Sing in Hell?. Libros International. ISBN 978-1-905988-80-8.
{{cite book}}: Unknown parameter|first±2=ignored (օգնություն); Unknown parameter|Ӟlanguage=ignored (օգնություն)
Գրականություն[խմբագրել | խմբագրել կոդը]
- Greasley, Horace; Scott (2008). «Do the Birds Still Sing in Hell?». Libros International. ISBN 978-1-905988-80-8.
Արտաքին հղումներ[խմբագրել | խմբագրել կոդը]
- Do the Birds Still Sing in Hell? Libros International. pp. Synopsis. Արխիվացված 2012-12-03 Wayback Machine ISBN 978-1905988808.
| ||||||||
