Հովհաննես Քոչինյան
| Հովհաննես Քոչինյան | |
|---|---|
| Ծնվել է | մայիսի 10, 1955 (68 տարեկան) |
| Ծննդավայր | Նոյեմբերյան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Գիտական աստիճան | պատմական գիտությունների թեկնածու |
| Մասնագիտություն | քաղաքական գործիչ |
| Զբաղեցրած պաշտոններ | Հայաստանի Ազգային ժողովի պատգամավոր |
| Կուսակցություն | Հայաստանի Հանրապետական կուսակցություն |
Հովհաննես Ջումշուդի Քոչինյան (մայիսի 10, 1955, Նոյեմբերյան, Հայկական ԽՍՀ, ԽՍՀՄ), քաղաքական գործիչ, Հայաստանի Ազգային ժողովի նախկին պատգամավոր։
Կենսագրություն[խմբագրել | խմբագրել կոդը]
Հովհաննես Քոչինյանը ծնվել է 1955 թվականի մայիսի 10-ին Նոյեմբերյանի շրջանի Կողբ գյուղում[1]։ 1977 թվականին ավարտել է Խաչատուր Աբովյանի անվան հայկական պետական մանկավարժական ինստիտուտը։ Ստացել է մանկավարժ-պատմաբանի որակավորումը։ Եղել է պատմական գիտությունների թեկնածու։ 1977-1978 թվականներին Թումանյանի շրջանի Շնող գյուղում աշխատել է ուսուցիչ, 1978 թվականին՝ ՀԿԿ Թումանյանի շրջկոմի հրահանգիչ[2], 1979-1981 թվականներին եղել է ՀԼԿԵՄ Թումանյանի շրջկոմի քարտուղար, իսկ 1981-1984 թվականներին եղել է Թումանյանի շրջսպորտկոմիտեի նախագահ։ 1984-1986 թվականներին եղել է ՀԿԿ Թումանյանի շրջկոմի քաղլուսկաբինետի վարիչ, 1986-1988 թվականներին եղել է պրոպագանդայի և ագիտացիայի բաժնի վարիչ, 1988-1991 թվականներին՝ Թումանյանի շրջկոմի առաջին քարտուղար, 1991-1994 թվականներին՝ նույն շրջանի հարկային տեսչության բաժնի պետ, 1994-1997 թվականներին՝ Ալավերդու գարեջրի գործարանի տնօրեն, իսկ 1997-1999 թվականներին եղել է Հայաստանի տրանսպորտի աշխատողների արհկոմիտեի կազմակերպչական բաժնի վարիչ[3]։ 1990-1995 թվականներին եղել է Գլխավոր Խորհրդի պատգամավոր (թիվ 197 ընտրատարածք)։
1999 թվականի մայիսի 30-ին ընտրվել է Ազգային Ժողովի պատգամավոր թիվ 52 ընտրատարածքից։ Եղել է Ազգային Ժողովի պետական-իրավական հարցերի մշտական հանձնաժողովի անդամ։ Եղել է «Կայունություն», իսկ 2001 թվականի հուլիսից եղել է «Ագրարային-արդյունաբերական ժողովրդական միավորում» վերանվանված պատգամավորական խմբի անդամ։ Եղել է ՀՀԿ անդամ։
Անձնական կյանք[խմբագրել | խմբագրել կոդը]
Ամուսնացած է, ունի երկու երեխա։
Ծանոթագրություններ[խմբագրել | խմբագրել կոդը]
- ↑ «Հովհաննես Ջումշուդի Քոչինյան». www.parliament.am. 24․06․2021.
- ↑ Ноемберян, Ованес Джумшудович Кочинян арм Հովհաննես Քոչինյան Армянский политик Дата рождения: 10 мая 1955 Место рождения:; ССР, Армянская. «Кочинян Ованес Джумшудович - это... Что такое Кочинян Ованес Джумшудович?». Словари и энциклопедии на Академике (ռուսերեն). Վերցված է 2021 թ․ հունիսի 24-ին.
{{cite web}}: CS1 սպաս․ թվային անուններ: authors list (link) CS1 սպաս․ հավելյալ կետադրություն (link) - ↑ «Реферат Кочинян Ованес Джумшудович». wreferat.baza-referat.ru. Արխիվացված է օրիգինալից 2021 թ․ հունիսի 24-ին. Վերցված է 2021 թ․ հունիսի 24-ին.
|
