Հովհաննես Իսահակյան

Վիքիպեդիայում կան հոդվածներ Իսահակյան ազգանունով այլ մարդկանց մասին։

Հովհաննես Իսահակյան
Ծնվել է	1891
Մահացել է	1958
Քաղաքացիություն	Ռուսական կայսրություն և  ԽՍՀՄ
Մասնագիտություն	գիտնական
Հաստատություն(ներ)	Մոսկվայի տրանսպորտի ինժեներների ինստիտուտ և Մոսկվայի Ն. Բաումանի անվան պետական տեխնիկական համալսարան
Գործունեության ոլորտ	շոգեքարշաշինություն
Ալմա մատեր	Սանկտ Պետերբուրգի տրանսպորտի համալսարան և Մոսկվայի Ն. Բաումանի անվան պետական տեխնիկական համալսարան
Պարգևներ	և

Հովհաննես Նիկոլայի Իսահակյան (1891 - 1958), շոգեքարշաշինության բնագավառի խորհրդային գիտնական, պրոֆեսոր, լոկոմոտիվների փորձարկման խորհրդային դպրոցի հիմնադիրներից, ՌԽՖՍՀ գիտության և տեխնիկայի վաստակավոր գործիչ։

Կենսագրություն

1920 թվականին ավարտել է Պետրոգրադի երկաթուղային ինժեներների ինստիտուտը։ 1918 թվականից աշխատել է Երկաթուղիների փորձարարական ինստիտուտի շարժակազմի և քարշակի բաժնում, այնուհետև Երկաթուղիների ժողովրդական կոմիսարիատի կենտրոնական գիտահետազոտական ինստիտուտում, ղեկավարել է շոգեքարշատեխնիկական և շոգեքարշային տնտեսության բաժինները։ 1932 թվականից ղեկավարել է ԽՍՀՄ-ում արտադրված բոլոր շոգեքարշերի փորձարկումները, գնահատել է տարբեր կարգի ածուխների խառնուրդներ և տարբեր ածխային ավազաններ որպես վառելիք օգտագործելու հնարավորությունն ու նպատակահարմարությունը։

Զբաղվել է նաև մանկավարժական գործունեությամբ, դասավանդել է Մոսկվայի տրանսպորտային ինժեներների ինստիտուտում, Մոսկվայի Ն. Բաումանի անվան պետական տեխնիկական համալսարան, որտեղ կարդացել է դասախոսություններ «Տեսական մեխանիկա», «Գնացքների քարշարկում», «Քարշի հաշվարկներ» առարկաների գծով։ Ստացել է պրոֆեսորի կոչում, հեղինակ է բուհերի համար նախատեսված մի շարք դասագրքերի։

Պարգևներ, մրցանակներ

• ՌԽՖՍՀ գիտության և տեխնիկայի վաստակավոր գործիչ,
• Լենինի շքանշան,
• Աշխատանքային կարմիր դրոշի շքանշան,
• «Աշխատանքային արիության համար» մեդալ,
• «1941-1945 թվականների Հայրենական մեծ պատերազմում քաջարի աշխատանքի համար» մեդալ,
• «Պատվավոր երկաթուղային» կրծքանշան։

Մահ

Մահացել է 1958 թվականին, թաղված է Մոսկվայի հայկական գերեզմանատանը։

Հրապարակումներ

• Тяговые расчеты [Текст] : [учебник для техникумов железнодорожного транспорта] / О. Н. Исаакян, П. А. Гурский. — Москва : Трансжелдориздат, 1959. — 359 с. : ил., 2 л. черт.
• Главнейшие результаты испытаний паровоза ЕА [Текст] / О. Н. Исаакян, П. Н. Астахов, А. М. Неверович. — Москва : изд-во и 1-я тип. Трансжелдориздата, 1949. — 163 с. : ил.; 21 см. — (Труды Всесоюзного научно-исследовательского института железнодорожного транспорта; Вып. 29).
• Испытание углей на паровозах [Текст] / О. Н. Исаакян, П. Н. Астахов, А. М. Неверович. — Москва : изд-во и 1-я тип. Трансжелдориздата МПС, 1948. — 151 с. : черт.; 22 см. — (Труды Всесоюзного научно-исследовательского института железнодорожного транспорта; Вып. 23).
• Результаты испытаний паровоза Эм [Текст] / О. Н. Исаакян и П. Н. Астахов ; Всесоюз. науч.-исслед. ин-т ж.-д. транспорта. — Москва : изд-во и 1-я тип. Трансжелдориздата, 1947. — 56 с. : граф.; 21 см.