Հովհաննես Գեորգիյան
| Հովհաննես Գեորգիյան | |
|---|---|
 | |
| Հիմնական տվյալներ | |
| Ծնվել է | փետրվարի 9, 1967 Լուգանսկ, Ուկրաինական ԽՍՀ, ԽՍՀՄ |
| Երկիր |  Ռուսաստան |
| Մահացել է | դեկտեմբերի 25, 2016 (49 տարեկան) Սոչի, Կրասնոդարի երկրամաս, Ռուսաստան |
| Մասնագիտություն | երգիչ |
| Երգչաձայն | տենոր |
| Գործիքներ | վոկալ |
Հովհաննես Գեորգիյան (ռուսական հնչողությամբ՝ Օգանես Գեորգիյան, ռուս.՝ Оганес Георгиян, փետրվարի 9, 1967, Լուգանսկ - դեկտեմբերի 25, 2016, Սոչի), հայազգի ռուսաստանաբնակ երգիչ (տենոր)։ Զոհվել է Սոչիի մոտակայքում 2016 թվականի դեկտեմբերի 25-ին տեղի ունեցած Տու-154 ինքնաթիռի ավիավթարի ժամանակ[1]։
Կենսագրություն[խմբագրել | խմբագրել կոդը]
Հովհաննես Գեորգիյանը ծնվել է 1967 թվականին Լուգանսկում (այն ժամանակ՝ Վորոշիլովգրադ)։ Առաջին կրթությամբ ճարտարագետ-մեխանիկ էր[2]։ 1991-1994 թվականներին սովորել է Դոնեցկի Ս․ Պրոկոֆևի անվան պետական երաժշտական ակադեմիայում։ 1998 թվականին ավարտել է Ուկրաինայի երաժշտության ազգային ակադեմիայի (Կիև) վոկալի բաժինը (ղեկավար՝ Կոնստանտին Օգնեվոյ)։
1998-1999 թվականներին Հովհաննես Գեորգիյանը խաղացել է Մոսկվայի Եվգենի Կոլոբովի անվան «Նոր օպերա» թատրոնում։ 1999 թվականին դարձել է Մոսկվայի Ստանիսլավսկու և Նեմիրովիչ Դանչենկոյի անվան Ակադեմիկական Երաժշտական թատրոնի մենակատար։ Խաղացել է «Բոհեմ», «Վերտեր», «Սիրո խմիչք», «Այսպես են վարվում բոլոր կանայք կամ Սիրահարների դպրոց», «Լյուչիա դի Լամերմուր», «Հոֆմանի հեքիաթներ», «Դեմոն» ներկայացումներում։
Խաղացել է նաև Ռուսաստանի օպերայի և բալետի պետական ակադեմիական թատրոնում[3]։ Հիշվող դերակատարումներ է ունեցել Միխայիլ Գլինկայի «Իվան Սուսանին», Սերգեյ Պրոկոֆևի «Սեր առ երեք նարինջները» ներկայացումներում։ Համագործակցել է Մոսկվայի «Արբատ օպերա» թատրոնի հետ[4]։
Վերջին տարիներին Գեորգիյանը ելույթ է ունեցել «Օպերայի ուրվականը» մյուզիքլում։ Շրջագայել և ելույթներ է ունեցել Իտալիայում, Ֆրանսիայում, Գերմանիայում, ԱՄՆ-ում, Կանադայում[5]։ Օպերայի սիրահարները նրան «ռուսական Պավարոտտի» են անվանել[6]։
Հանդես է եկել Ռուսական բանակի Ա. Վ. Ալեքսանդրովի անվան երգի ու պարի համույթում, որի կազմում 2016 թվականի դեկտեմբերի 25-ին մեկնել է Սիրիա՝ ռուսական զինվորների Նոր տարին համերգով շնորհավորելու։ Ճանապարհին զոհվել է ավիավթարի պատճառով[1][7]։
Մրցանակներ[խմբագրել | խմբագրել կոդը]
- Դավիդ Անգուլաձեի անվան տենորների միջազգային մրցույթի մրցանակակիր (Բաթում, Վրաստան, 1995).
- Երիտասարդ վոկալիստների միջազգային մրցույթի դափնեկիր (Բռնո, Չեխիա)[3][5]
Ծանոթագրություններ[խմբագրել | խմբագրել կոդը]
- ↑ 1,0 1,1 ««Տու 154»-ի ուղևորներից․ Հովհաննես Գեորգիյան՝ տենոր, որը սիրում էր կյանքը»։ news.am։ Վերցված է 27 Դեկտեմբեր 2016
- ↑ «Оганес Георгиян погибший в небе над Сочи певец объехал с гастролями полмира»։ rusarminfo.ru։ Վերցված է 28 Դեկտեմբեր 2016
- ↑ 3,0 3,1 «Оганес Георгиян, Тенор»։ Большой театр։ Արխիվացված է օրիգինալից 2016-07-24-ին։ Վերցված է 27 Դեկտեմբեր 2016
- ↑ «Оганес Георгиян»։ Московский Музыкальный театр имени К.С. Станиславского и Вл.И. Немировича-Данченко։ Արխիվացված է օրիգինալից 2016-12-27-ին։ Վերցված է 27 Դեկտեմբեր 2016
- ↑ 5,0 5,1 «Оганес Георгиян»։ talents-of-world։ Արխիվացված է օրիգինալից 2016-12-28-ին։ Վերցված է 27 Դեկտեմբեր 2016
- ↑ «Սոչիում տեղի ունեցած օդանավի աղետի հետևանքով զոհված հայը հայտնի երգիչ էր»։ Հայ ձայն։ Վերցված է 27 Դեկտեմբեր 2016(չաշխատող հղում)
- ↑ «Список пассажиров, находившихся на борту Ту-154 Минобороны России»։ Министерство обороны Российской Федерации։ 25 Դեկտեմբեր 2016։ Վերցված է 25 Դեկտեմբեր 2016