Հովհաննես Բակլավաջյան

Վիքիպեդիայից՝ ազատ հանրագիտարանից
Jump to navigation Jump to search
Picto infobox med.png
Հովհաննես Բակլավաջյան
Баклаваджян Оганес Гегамович.JPG
Ծնվել էօգոստոսի 18, 1922(1922-08-18)
ԾննդավայրԲուրսա, Թուրքիա
Մահացել էհուլիսի 6, 2001(2001-07-06) (78 տարեկանում)
Մահվան վայրԵրևան, Հայաստան
ՔաղաքացիությունFlag of Turkey.svg Թուրքիա
Flag of the Soviet Union.svg ԽՍՀՄ
Flag of Armenia.svg Հայաստան
Ազգությունհայ[1]
ԿրթությունԵրևանի Մխիթար Հերացու անվան Պետական Բժշկական Համալսարան
Մասնագիտությունֆիզիոլոգ
Կոչումպրոֆեսոր
Գիտական աստիճանբժշկական գիտությունների դոկտոր, պրոֆեսոր և ակադեմիկոս
ԱշխատավայրԼևոն Օրբելու անվան ֆիզիոլոգիայի ինստիտուտ
ՊարգևներԺողովուրդների ազատության շքանշան, «Պատվո նշան» շքանշան և Լևոն Օրբելու անվան մրցանակ

Հովհաննես Գեղամի Բակլավաջյան (օգոստոսի 18, 1922(1922-08-18), Բուրսա, Թուրքիա - հուլիսի 6, 2001(2001-07-06), Երևան, Հայաստան), հայ ֆիզիոլոգ: Բժշկական գիտությունների դոկտոր (1966 թ.), պրոֆեսոր (1971 թ.), ՀՀ ԳԱԱ ակադեմիկոս (1986 թ., թղթակից անդամ` 1961 թ.):

Կենսագրություն[խմբագրել | խմբագրել կոդը]

Հովհաննես Բակլավաջյանը ծնվել է Թուրքիայի Բուրսա քաղաքում 1922 թվականին: 1951 թվականին ավարտել է Երևանի բժշկական ինստիտուտը: 1957-1960 թվականներին եղել է ՀԽՍՀ ԳԱ Ֆիզիոլոգիայի ինստիտուտի գիտական քարտուղար, 1960-2001 թվականներին՝ Վեգետատիվ նյարդային համակարգի ֆիգիոլոգիայի լաբորատորիայի ամբիոնի վարիչ, 1972-1986 թվականներին՝ Երևանի պետական համալսարանի մարդու և կենդանիների ֆիզիոլոգիայի ամբիոնի վարիչ[2]:

1986-1991 թվականներին եղել է ԽՍՀՄ ԳԱ «Ընդերային Ֆունկցիաների կարգավորման կենտրոնական մեխանիզմները» գիտխորհրդի հանձնաժողովի նախագահ[2], Գլխուղեղի հետազոտության միջազգային հետազոտության անդամ:

Եղել է «Էքսպերիմենտալնայա ի կլինիչեսկայա մեդիցինա» հանդեսի խմբագրական կոլեգիայի անդամ, Հայաստանի ֆիզիոլոգների ընկերության «Նեյրոֆիզիոլոգիայի» բաժանմունքի նախագահը[3]։

Գիտական գործունեություն[խմբագրել | խմբագրել կոդը]

Ավելի քան 280 գիտական աշխատությունների, այդ թվում՝ 5 մենագրությունների հեղինակ է[2]։ Աշխատանքները վերաբերում են վեգետատիվ և կենտրոնական նյարդային համակարգի ֆիզիոլոգիային, օրգանիզմի մարմնավեգետատիվ ֆունկցիաների կարգավորման ենթատեսաթմբային մեխանիզմներին: Մակրո և միկրո էլեկտրաֆիզիոլոգիական եղանակներով հետազոտել է ընդերային և մարմնական կենտրոնաձիգ նյարդային համակարգի պրոյեկցիան ենթատեսաթմբում, ենթատեսաթումբ-կեղևային փոխհարաբերությունների, սիմպաթիկ նյարդային համակարգի հարմարվողասնուցողական, մարմնավեգետատիվ ֆունկցիաների (շնչառական, սիրտ-անոթային և այլն) ենթատեսաթմբային կարգավորման մեխանիզմներին[4][5]:

Պարգևներ[խմբագրել | խմբագրել կոդը]

Երկեր[խմբագրել | խմբագրել կոդը]

  • Вегетативная регуляция электрической активности мозга, Л․, 1967․
  • Висцеро-соматические и афферентные системы гипоталамуса, 1985
  • Нейронная организация гипоталамо-висцеральной дуги, 1988

Ծանոթագրություններ[խմբագրել | խմբագրել կոդը]

  1. Армянские учёные-медики — 1998.
  2. 2,0 2,1 2,2 А. П. Айриян (1998)։ Армянские учёные-медики։ Ереван: Амарас։ էջ 56։ ISBN 99930-1-001-7 
  3. ՀՍՀ գլխավոր խմբագրություն (1976)։ Հայկական Սովետական Հանրագիտարան, հատոր 2։ Երևան: Հայկական Հանրագիտարան Հրատարակչություն։ էջ 242 
  4. Ով ով է. Հայեր. Կենսագրական հանրագիտարան, հատոր առաջին, Երևան, 2005 
  5. Armenia National Academy of Sciences of։ «National Academy of Sciences of Armenia»։ www.sci.am։ Վերցված է 2016-08-18