Հովիկ Մելիքյան

Հովիկ Մելիքյան
Ծնվել է	հուլիսի 30, 1902 կամ հունիսի 30, 1902
Ծննդավայր	Կուշչի Արմավիր, Գյոյգյոլի շրջան, Ադրբեջանական ԽՍՀ
Վախճանվել է	փետրվարի 8, 1953 (50 տարեկան)
Վախճանի վայր	Երևան, Հայկական ԽՍՀ, ԽՍՀՄ
Գերեզման	Թոխմախի կենտրոնական գերեզմանատուն
Մասնագիտություն	գրող, գրականագետ և համալսարանի դասախոս
Ազգություն	հայ
Քաղաքացիություն	Ռուսական կայսրություն և ԽՍՀՄ
Անդամակցություն	ԽՍՀՄ Գրողների միություն
Կուսակցություն	ԽՄԿԿ
Աշխատավայր	Սովետական Հայաստան, ՀԿԿ, Գրական թերթ, ԱրմՖԱՆ, Գրականության ինստիտուտ և Երևանի պետական համալսարան
	Հովիկ Մելիքյան Վիքիդարանում

Վիքիպեդիայում կան հոդվածներ Մելիքյան ազգանունով այլ մարդկանց մասին։

Հովիկ Մամիկոնի Մելիքյան (հուլիսի 30, 1902(1902-07-30) կամ հունիսի 30, 1902(1902-06-30)^[1], Կուշչի Արմավիր, Գյոյգյոլի շրջան, Ադրբեջանական ԽՍՀ^[2] - փետրվարի 8, 1953(1953-02-08)^[2], Երևան, Հայկական ԽՍՀ, ԽՍՀՄ^[2]), հայ արձակագիր, գրականագետ, պրոֆեսոր (1937), ԽՍՀՄ գրողների միության անդամ 1934 թվականից։

Կենսագրություն

Ծնվել է Խաչակապ (հետո՝ Ադրբեջանի Խանլարի շրջանի Ղուշչի) գյուղում։ 1920 թվականին տեղափոխվել է Բաքու և աշխատել նավթային ձեռնարկություններում։ 1926-1928 թվականներին աշխատել է «Խորհրդային Հայաստան» թերթի խմբագրությունում որպես բանվորական բաժնի վարիչ։ 1928-1930 թվականներին սովորել է Մոսկվայի ժուռնալիստիկայի կոմունիստական ինստիտուտում։ 1934-1936 թվականներին աշխատել է ՀԿԿ Կենտկոմում և Երևանի քաղկոմում։ 1937 թվականին ՀԽՍՀ լուսավորության ժողովրդական կոմիսար էր, 1937-1939 թվականներին՝ «Գրական թերթ»-ի խմբագիրը, 1938-1941 թվականներին՝ ԱրմՖԱՆի գրականության և լեզվի ինստիտուտի տնօրենը։ 1941-1944 թվականներին ծառայել է Կարմիր բանակում, մասնակցել Հայրենական մեծ պատերազմին։ 1944-1946 թվականներին եղել է «Սովետական գրականություն և արվեստ» ամսագրի խմբագիրը։ Միաժամանակ ավագ գիտաշխատող էր ՀԽՍՀ ԳԱ Մ. Աբեղյանի անվան գրականության ինստիտուտում։ 1936-1941 թվականներին և 1945-1953 թվականներին ռուս գրականություն է դասախոսել Երևանի պետական համալսարանում։ Մահացել է 1953 թվականին^[3]։ ԽՄԿԿ անդամ 1924 թվականից։

Երկերի մատենագիտություն

Զղջում, Երևան, Պետհրատ, 1928, 118 էջ։
Պատմվածքներ, Երևան, Պետհրատ, 1930, 109 էջ։
Մի կին գնում է..., Մոսկվա, ԽՍՀՄ ժողովուրդների կենտրոնական հրատարակչություն, 1930, 36 էջ։
Ճակատում (պատմվածքներ), Մոսկվա, ԽՍՀՄ ժողովուրդների կենտրոնական հրատարակչություն, 1931, 71 էջ։
Աղջիկը մորու փունջը ձեռքին, Երևան, Պետհրատ, 1936, 79 էջ։
Լենինը և Ստալինը հայկական ֆոլկլորում, Երևան, Հայպետհրատ, 1941, 76 էջ։

Մամուլ

Երբ ձևականորեն են տպագրում կլասիկ հեղինակին (գրախոսություն Շուշանիկ Կուրղինյանի «Բանաստեղծություններ» (1947) գրքի մասին)։ «Գրական թերթ», 1948, № 4:

Ծանոթագրություններ

↑ ^1,0 ^1,1 Library of Congress Authorities — Library of Congress.
↑ ^2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 ^2,11 ^2,12 ^2,13 Հայկական սովետական հանրագիտարան (հայ.) — Երևան: 1981. — հատոր 7. — էջ 389.
↑ Գրական տեղեկատու. Երևան: «Սովետական գրող». 1986. էջ էջ 372.

Վիքիդարանն ունի նյութեր, որոնք վերաբերում են «Հովիկ Մելիքյան» հոդվածին։

[_0f91cc231c1dc601-1] 1,0 ^1,1 Library of Congress Authorities — Library of Congress.

[_9ec1c77ad8830b97-2] 2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 ^2,11 ^2,12 ^2,13 Հայկական սովետական հանրագիտարան (հայ.) — Երևան: 1981. — հատոր 7. — էջ 389.

[3] Գրական տեղեկատու. Երևան: «Սովետական գրող». 1986. էջ էջ 372.

[1]

[2]

[3]