Հովեդյոյա

Վիքիպեդիայից՝ ազատ հանրագիտարանից
Jump to navigation Jump to search
Picto infobox map.png
Հովեդյոյա
նորվ.՝ Hovedøya

Հովեդյոյա կղզին վերևից նկարած
59°54′00″ հս․. լ. 10°44′00″ ավ. ե. / 59.9° հս․. լ. 10.733333° ավ. ե. / 59.9; 10.733333Կոորդինատներ: 59°54′00″ հս․. լ. 10°44′00″ ավ. ե. / 59.9° հս․. լ. 10.733333° ավ. ե. / 59.9; 10.733333
Երկիր Նորվեգիա Նորվեգիա
Վարչատարածքային բաժանում Օսլո
Ջրատարածություն Հյուսիսային ծով
Մակերես 0.4 կմ2
Երկարությունը 800 կմ
Ամենաբարձր կետը 47 մ
Հուշարձաններ Ցիստերիանական եկեղեցու ավերակներ
##Հովեդյոյա (Նորվեգիա)
Red pog.svg
Օսլո դեռ չունի տեղորոշման քարտեզներ.
Commons-logo.svg Վիքիպահեստում

Հովեդյոյա (նորվ.՝ Hovedøya), Նորվեգիայի մայրաքաղաք Օսլոյի ծովափին գտնվող մի շարք փոքր կղզիներից մեկն է: Կղզու ամենամեծ ձգվածությունը կազմում է 800 մետր: Տարածքը կազմում է 0.4 քառակուսի կիլոմետր: Առավել հայտնի է փարթամ բուսածածկույթով, բազմազան ծառային տեսակներով, մացառուտներով և ծաղիկներով:

Անվան ստուգաբանություն[խմբագրել | խմբագրել կոդը]

Անմանումն առաջացել է Սկանդինավյան ժամանակաշրջանում: Առաջին հատվածը՝ hofud, նշանակում է գլուխ (այստեղ բլուր կամ գագաթ, իսկ երկրորդ մասը՝ øy (ø) թարգմանվում է որպես կղզի: Այս կերպով անվանում հուշում է, որ կղզու տարածքում կա բլուր, որի բարձրությունը ծովի մակարդակից կազմում է 47 մետր: Վերջինս համարվում է Օսլո-ֆյորդի կղզիների ամենաբարձր գագաթը:

Պատմություն[խմբագրել | խմբագրել կոդը]

Հովեդյոյա կղզում 1147 թվականի մայիսի 18-ին կառուցվել է Ցիստերցիանական վանքային համալիր: Միջնադարյան ժամանակաշրջանում այդ վանքը մեծ տնտեսական նշանակություն ուներ Օսլոյի համար: Ավելի ուշ, մասնավորապես 1532 թվականին, Ռեֆորմացիայի ժամանակ վանքը թալանվում է և հրդեհի ճարակ դառնում: Վանքի ավերակների մի հատվածը դեռևս մնում է Հովեդյոյա կղզում: Իսկ մի հատվածը, որպես շինանյութ, օգտագործվել է Աքերսհուս դղյակի շինարարության համար, որը կառուցվել է 17-րդ դարում:

Կղզում դեռևս պահպանվում են ռազմական կառույցները, ինչպես նաև նախկին ռազմական շենքերն ու հրետանին: Երբ ստեղծված Դանիայի և Նորվեգիայի միացյալ թագավորությունը մասնակցեց Նապոլեոն Բոնապարտի սանձազերծած պատերազմին, 1808 թվականին Հովեդյոյա կղզում կառուցվեցին թնդանոթային երկու մարտկոցներ: Սրանք կառուցվեցին, որպեսզի պաշտպանեն մայրաքաղաք Օսլոն և Աքերսհուս դղյակը: 1826 թվականին կղզու առավել բարձր վայրերում կառուցվեցին թվով չորս պահեստարաններ վառոդի համար, իսկ արդեն հինգերորդը կառուցեցին մի փոքր ուշ՝ 1867 թվականին: Հովեդյոյայի արևելյան հատվածում կառուցված է վիկտորիանական ժամանակաշրջանին բնորոշ մի տուն, որին անվանում են «լաբորատորիա»: 19-րդ դարում այստեղ աշխատել է զինագործ- կոնստրուկտոր Օլե Հերման Յոհաննես Քրագը: .

Երկրորդ համաշխարհային պատերազմի ժամանակ կղզում մեծ համակենտրոնացման ճամբար կառուցվեց ֆաշիստական Գերմանիայի կողմից, որը օկուպացիայի էր ենթարկել Նորվեգիային: Այստեղ հիմնականում կանանց էին պահում: Ի դեպ, այսօր էլ կղզում պահպանվել է ընդամենը մեկ բարաք, որը ավերված Ցիստերցիանական եկեղեցու մոտ է գտնվում:

Այսօր Հովեդյոյան հայտնի զբոսաշրջային վայր է համարվում տուրիստների, լողորդների, ինչպես նաև բնության սիրահարների համար:

Բնություն[խմբագրել | խմբագրել կոդը]

Հովեդյոյա կղզին ունի հետաքրքիր երկրաբանություն: Կղզու հիմքը կազմված է հիմնականում արգիլիթից ու կրաքարից: Վերջիններս ձևավորվել են օրդովիկի և սիլուրի ժամանակաշրջանում: Այդ երկու ժամանակաշրջանների միջև անցումը ցայտուն կերպով երևում է կղզու հարավարևելյան հատվածում, որտեղ ցայսօր էլ շարունակվում է ծովային տրանսգրեսիան:

Հովեդյոյա կղզու հողը բավականաչափ բերրի է, որը թույլ է տալիս, որպեսզի բավականին հարուստ կենսաբազմազանություն ձևավորվի այստեղ: Մի շարք ծառատեսակներ համարվում են էնդեմիկ Նորվեգիայի համար, որոնք, ի դեպ, բացի այս կղզուց, Նորվեգիայի ոչ մի հատվածում նույնիսկ չեն հանդիպում: :

Շնորհիվ երկրաբանական և բնական բացառիկ բազմազանության, կղզին հայտարարվել է որպես բնական արգելանոց: Չնայած այդ հանգամանքին, Հովեդյոյա կղզին ամբողջությամբ բաց է ու հասանելի այցելությունների համար: Սակայն արգելվում է բույսերի հավաքումը:

Զբոսաշրջություն[խմբագրել | խմբագրել կոդը]

Հովեդյոյա կղզին մայրաքաղաք Օսլոյի հետ միանում է երկու նավակային երթուղիներով (92 և 93 գծեր): Նավերը խարսխում են կղզու հյուսիսային հատվածում, որտեղ կա կառամատույց: Ծառայությունները իրականացվում են ամբողջ տարվա ընթացքում և միայն ցերեկային ժամերին: Ձմեռները որոշակիորեն սահմանափակումներ են հայտարավում: Ամռանը այցելուների համար գործում է փոքր սրճարան՝ ավերված վանքի մոտ:

Պատկերասրահ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

  • Katolsk.no, информация о монастыре (նորվ.)
  • OsloSurf.no, информация об острове (նորվ.)
  • Hovedøya www.visitoslo.com (անգլ.)