Հովակիմ Լազարյան

Անվան այլ կիրառումների համար տե՛ս՝ Լազարյան (այլ կիրառումներ)

Հովակիմ Աղազարի Լազարյան
հայ ազգային- ազատագրական շարժման գործիչ։
Ծնվել է	1743
Ծննդավայր	Նոր Ջուղա, (Սպահան)
Մահացել է	հունվարի 2 1826
Մահվան վայր	Մոսկվա (Ռուսաստան)
Ամուսին	Աննա Լազարևա
Ծնողներ	հայր՝ Աղազար Լազարյան, մայր՝ Աննա Լազարյան
Երեխաներ	Եղիսաբեթ Լազարյան-Հայրապետյան և Մարիա Լազարյան-Դելյանովա

Հովակիմ Աղազարի Լազարյան (1743 Նոր Ջուղա, (Սպահան) - հունվարի 2 1826 Մոսկվա), հայ ազգային- ազատագրական շարժման գործիչ է։

Գործունեությունը

Եղբոր՝ Հովհաննես Լազարյանի կտակի համաձայն, 1815 թվականին Մոսկվայում հիմնադրել է Լազարյան ճեմարանը։ Պաշտպանել է Հայոց եկեղեցու շահերն ու ինքնուրույնությունը, ինչպես նաև միջնորդել ռուսական կառավարության մոտ՝ անձեռնմխելի թողնելու ռուսահայ գաղութներին նախկինում տրված առանձնաշնորհներն ու արտոնությունները։ Մոսկվայի Վագանկովո գերեզմանոցում կառուցել է տվել Սուրբ Հարություն եկեղեցին։ Գրել է հայրենասիրական և երգիծական բանաստեղծություններ (անտիպ)։ Լազարյանի նամակները արժեքավոր տեղեկություններ են պարունակում XVIII դարի վերջի և XIX դարի սկզբի հայ հասարակական կյանքի վերաբերյալ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։