Հոուվ

Վիքիպեդիայից՝ ազատ հանրագիտարանից
Բնակավայր
անգլ.՝ Hove
Hove, Western Road - geograph.org.uk - 844703.jpg
ԵրկիրՄեծ Բրիտանիա Մեծ Բրիտանիա
Բնակչություն91 900 մարդ (2001)
Ժամային գոտիUTC+0
Հեռախոսային կոդ01273
Փոստային ինդեքսներBN3
##Հոուվ (Միացյալ Թագավորություն)
Red pog.png

Հով կամ Հոուվ (անգլ.՝ Hove [ˈhoʊv]), քաղաք Մեծ Բրիտանիայում՝ Արևելյան Սասիքս կոմսությունում։ Տեղեկայված է ծովափնյա հանգստավայր Բրայթոնից արևմուտք՝ Լա Մանշ նեղուցի ափին։ Վարչականորեն միավորված է հարևան Բրայթոն քաղաքի հետ որպես ունիտար միավոր՝ Բրայթոն և Հոուվ։

Պատմություն[խմբագրել | խմբագրել կոդը]

1852 թվականին՝ շինարարական աշխատանքերի ժամանակ, հողափորները բախվել են հին գտածոյի (դամբարանաբլուր, թաքնված քաղաքի կառուցապատման տակ), որը վերագրվել է Ք․ա․ 1200-ական թվականներին։ Գլխավոր գտածոն՝ Հոուվյան սաթե ծաղկամանը, պահպանվում է քաղաքի թանգարանում։

Պահպանված հնագույն շինությունը Հենգլտոնների կալվածքն է (անգլ.՝ Hangleton Manor), որը կառուցվել է մոտավորապես 1540 թվականին Ռիչարդ Բելինգեմի՝ Սասեքսի շերիֆի համար։ Կալվածքը գտնվում է Սուրբ Ելենայի տաճարի հարևանությամբ։ 1930-ականներին մոտակա երկաթգծային կայարանի փակմամբ հուշարձանները շրջապատվել են խիտ բնակելի շինություններով։

Ջորջ IV-ի օրոք բրայթոնյան ծովածոցի ճանաչման մեծացման հետ մեկտեղ Հոուվի մերձակայքում սկսվել է ծովափնյա բնակարանների շինարարությունը ռեգենտային ոճով։ Վիկտորյա թագուհու օրոք լայն փողոցների և բուլվարների կառուցապատումը, որն անցկացվում էր կանոնավոր պլանով, տեղափոխվել է դեպի քաղաքի արևմուտք։ Քաղաքի մշտական բնակչության թիվը աճել է՝ հասնելով 1801 թվականին 100-ի, 1841 թվականին՝ 2500-ի և 1871 թվականին՝ 11000-ի[1]։ Հոուվը, ինչպես նաև Բրայթոնը գրավել է բազմաթիվ անգլիացի և եվրոպացի հայտնիների և մեծահարուստների։ Սուրբ Վարնավայի, Բոլոր Սրբերի և Սուրբ Անդրեյի ժամանակակից անգլիական եկեղեցիները նույնպես կառուցվել են Վիկտորիա թագուհու օրոք։

Հոուվի քաղաքային թանգարանը բացվել է 1927 թվականին 1870-ականներին կառուցված վիկտորիանական վիլլայում (Առաջին համաշխարհային պատերազմի ժամանակ տանը պահվում էին գերմանացի ռազմագերիներ)[2]։ Թանգարանի տունը զարդարված է «Ջայպուրյան դարպասներով», որոնք ստեղծվել և ցուցադրվել են 1886 թվականին Անգլիայում տեղի ունեցող գաղութային ցուցահանդեսի ժամանակ։

Կլիմա[խմբագրել | խմբագրել կոդը]

Հոուվ, Մեծ Բրիտանիաի կլիմայական տվյալները
Ամիս հունվ փետ մարտ ապր մայ հուն հուլ օգոս սեպ հոկ նոյ դեկ Տարի
Միջին բարձր °C (°F) 8
(46)
8
(46)
10
(50)
13
(55)
16
(61)
18
(64)
20
(68)
21
(70)
19
(66)
15
(59)
11
(52)
8
(46)
13.9
(56.9)
Միջին ցածր °C (°F) 3
(37)
3
(37)
5
(41)
6
(43)
10
(50)
12
(54)
14
(57)
14
(57)
12
(54)
9
(48)
6
(43)
4
(39)
8.2
(46.7)
Միջ. տեղումների օրեր (≥ {{{միավոր տեղումների օրեր}}}) 14 10 12 12 10 9 10 10 11 12 13 12 135
աղբյուր: Weatherbase[3]

Տրանսպորտ[խմբագրել | խմբագրել կոդը]

Հոուվում գտնվում են արևմտյան ծովափնյա եկու երկաթուղային կայարաններ (անգլ.՝ West Coastway Line)՝ Հոուվը և Օլդրինգթոնը։ Հոուվ կայարանը միացված է Բրայթոնյան երկաթուղային գծին։ Քաղաքից տեղի է ունենում ուղևորափոխադրում դեպի Լոնդոն (ինչպես Բրայթոնով, այնպես էլ առանց դրա) և Սաութհեմփթոն։

Կրթություն[խմբագրել | խմբագրել կոդը]

Բելերբիս քոլեջը, որը գտնվում է Բրայթոնում (անգլ.՝ Bellerbys College), աշխատում է 1956 թվականից։

Ծանոթագրություններ[խմբագրել | խմբագրել կոդը]

  1. Dale, Antony. Brighton Churches. 1989, London EC4: Routledge, p72. ISBN 0-415-00863-8
  2. Англ.: Городской музей Хоува
  3. «Weatherbase.com»։ Weatherbase։ 2013։ Արխիվացված է օրիգինալից 23 January 2021-ին։ Վերցված է 9 July 2013  Retrieved on 9 July 2013.